Hesperian Health Guides
ການຮຽນຮູ້ການໃຊ້ສັນຍະລັກໃນພາສາມື
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 8: ການຮຽນຮູ້ວິທີນຳໃຊ້ພາສາມື > ການຮຽນຮູ້ການໃຊ້ສັນຍະລັກໃນພາສາມື
 |
 |
| ຮູບແບບນີ້ງ່າຍ | ຮູບແບບນີ້ຍາກຂຶ້ນແດ່ |
ທຳອິດທີ່ເດັກເລີ່ມຮຽນໃຊ້ພາສາໃບ້, ເຂົາຈະເລີ່ມຮຽນການວາງມືກ່ອນ. ຈາກນັ້ນ ຈຶ່ງຮຽນຍ້າຍມືໄປຕາມທິດທາງທີ່ຖືກຕ້ອງ, ສຸດທ້າຍຈຶ່ງຮຽນການຈັດມື ແລະ ນິ້ວໃຫ້ເປັນຮູບຮ່າງທີ່ຖືກຕ້ອງ.
ໃນຕອນຕົ້ນເດັກອາດຈະຍັງບໍ່ສາມາດໃຊ້ສັນຍະລັກໄດ້ຢ່າງຖືກຕ້ອງຮ້ອຍເປີເຊັນ, ເຊິ່ງທ່ານອາດຈະບໍ່ເຂົ້າໃຈວ່າລາວເຮັດສັນຍະລັກຫຍັງ. ແຕ່ກໍ່ຈ່ົງຍ້ອງຍໍ ແລະ ພະຍາຍາມຫຼາຍຄັ້ງ. ບໍ່ຄວນກັງວົນເມື່ອເດັກເຮັດສັນຍະລັກໄດ້ບໍ່ຈະແຈ້ງ.
ເນື້ອໃນ
ວິທີກະຕຸ້ນໃຫ້ລູກຂອງທ່ານນຳໃຊ້ສັນຍະລັກໃນພາສາມື
-
ສັງເກດເບິ່ງວ່າຄວາມໝາຍຂອງຂ້ໍຄວາມ ທີ່ເຂົາ ກຳລັງສົ່ງໃຫ້ທ່ານ ໂດຍຜ່ານທ່າທີ, ສຽງ ແລະ ສີໜ້າ ຂອງເດັກ.
- ສະແດງຄືນສັນຍະລັກສຳລັບຂ້ໍຄວາມທີ່ເຂົາກຳລັງ ສົ່ງໃຫ້ທ່ານ.
- ເນັ້ນອຄືນສັນຍະລັກດ່ັງກ່າວ ແລະ ເຮັດຄືນຊ້ຳອີກ ຫຼາຍໆຄັ້ງ. ກະຕຸ້ນໃຫ້ເດັກເຮັດຕາມທ່ານ.
ດື່ມຫວາ?ຖືກແລ້ວ ປານີ, ດື່ມ!
ຖ້າເດັກພະຍາຍາມເຮັດຕາມທ່ານ ກໍ່ຈົ່ງ ຍ້ອງຍໍ ເຂົາ. ຖ້າເຂົາເຮັດບໍ່ຖືກ ກໍ່ບໍ່ຟ້າວບອກ, ແທນທີ່ຈະ ບອກເຂົາວ່າ ເຮັດບໍ່ຖືກກໍ່ໃຫ້ທ່ານເຮັດສັນຍະລັກທີ່ຖືກ ຕ້ອງນັ້ນຊ້ໍາຄືນອີກ. - ເມື່ອເດັກໄດ້ຮຽນຮູ້ສັນຍະລັກແລ້ວ, ຈົງກະຕຸ້ນໃຫ້ ເຂົາໄດ້ໃຊ້ມັນເລື້ອຍໆ ແລະ ຊອກຫາວິທີ ທີ່ຈະນຳໃຊ້ ສັນຍະລັກນັ້ນໃນກິດຈະວັດປະຈຳວັນຂອງທ່ານ.
ຖາມຄຳຖາມທີ່ສາມາດຕອບດ້ວຍສັນຍະລັກໂຕດຽວ.
 |
| ຕ້ອງການ |
 |
| ຕ້ອງການ |
 |
| ຜ້າຫົ່ມ |
ຖ້າລູກຂອງທ່ານຕອບໄດ້, ຊົມເຊີຍເຂົາ. ຖ້າຕອບບໍ່ໄດ້ ໝາຍຄວາມວ່າ:
- ເຂົາອາດຈະບໍ່ເຂົ້າໃຈສັນຍະລັກນັ້ນ.
- ເຂົາອາດຈະບໍ່ເຂົ້າໃຈຄວາມໝາຍຂອງຄຳຖາມ ຫຼື ສິ່ງທີ່ທ່ານຕ້ອງການຢາກໃຫ້ຕອບ.
ວິທີໜ່ຶງທີ່ຈະສອນໃຫ້ເດັກຮູ້ຕອບຄຳຖາມ ທຳອິດແມ່ນຕອບໃຫ້ເຂົາກ່ອນ. ຫຼັງຈາກນັ້ນ ຈັກໜ່ວຍເຂົາກໍ່ຈະເຂົ້າໃຈຄວາມໝາຍ.
 ພວກເຮົາຕ້ອງການ ໝາກແຕງຈັກໜ່ວຍ?
ໝາກແຕງ? |
 ພວກເຮົາຕ້ອງ ການ 2 ໜ່ວຍ. |
ວິທີກະຕຸ້ນໃຫ້ເດັກສື່ສານຄວາມຕ້ອງການພື້ນຖານ
ເມື່ອເດັກນ້ອຍຫູໜວກຕ້ອງການສິ່ງໃດສິ່ງໜຶ່ງເດັກຈະມີຄວາມກະຕືລືລົ້ນ ທີ່ຈະຮຽນພາສາມື ເພື່ອຊ່ວຍໃຫ້ພວກເຂົາໄດ້ມາໃນສິ່ງທີ່ຕ້ອງການ. ຕໍ່ໄປນີ້ແມ່ນບາງວິທີ ທີ່ກະຕຸ້ນໃຫ້ເດັກ ໝູນໃຊ້ພາສາມື ເພື່ອສື່ສານຄວາມຕ້ອງການແບບພື້ນຖານ:
- ເມື່ອເຫັນວ່າເດັກຕ້ອງການສິ່ງໃດສິ່ງໜຶ່ງ, ຈົ່ງກະ ຕຸ້ນໃຫ້້ເຂົາໝູນໃຊ້ພາສາມື ເພື່ອໃຫ້ໄດ້ສິ່ງທີ່ຕ້ອງການ.
- ສ້າງສະຖານະການໃດໜຶ່ງ ທີ່ເຮັດໃຫ້ເດັກຕ້ອງ ໄດ້ໝູນໃຊ້ພາສາມື ເພື່ອຂໍສິ່ງໃດໜຶ່ງ.
ຖ້າຫາກເດັກໃຊ້ທ່າທາງສັນຍະລັກທີ່ແປໄດ້ຫຼາຍໆຄວາມໝາຍ, ຈົ່ງສະແດງໃຫ້ເຂົາຮູ້ວ່າທ່ານສັບ ສົນ. ກະຕຸ້ນໃຫ້ເດັກລາຍລະອຽດສິ່ງຂອງທີ່ເຂົາຕ້ອງການຕື່ມໂດຍການໃຊ້ພາສາມື.
 ເຈົ້າຊິເອົາຈອກ ຫຼື ໝາກບານ? |
 ລອງເຮັດສັນຍະລັກ “ຈອກ” ເບິ່ງ?
ຈອກ
|
ວິທີຊ່ວຍໃຫ້ເດັກຮູ້ຈັກ ການຂໍຮ້ອງ ແລະ ປະຕິບັດຕາມຄຳຂໍຮ້ອງແບບງ່າຍດາຍ
ເມື່ອລູກຂອງທ່ານສາມາດຈື່ຈຳຊື່ຂອງວັດຖຸ. ບຸກຄົນ ແລະ ຊື່ກິດຈະກຳຕ່າງໆ. ລາວກໍ່ສາມາດເລີ່ມເຂົ້າໃຈຄຳຂໍຮ້ອງແບບງ່າຍດາຍຂອງທ່ານໄດ້. ໂດຍເລີ່ມຈາກຄຳຂໍແບບສັ້ນໆ ໝູນໃຊ້ສັນຍະລັກທີ່ເດັກໄດ້ຮູ້ແລ້ວ ພ້ອມທັງກິລິຍາທ່າທາງ ເພື່ອເຮັດໃຫ້ຂ້ໍຄວາມຂອງທ່ານຈະແຈ້ງຂຶ້ນ. ໃຫ້ເວລາເຂົາໃນການຕອບຈັກໜ້ອຍໜຶ່ງ ແລະ ຖ້າຈຳເປັນກໍ່ໃຫ້ທ່ານເຮັດຄືນສັນຍະລັກ ດັ່ງກ່າວຄືນອີກ.
ທຳອິດຈົ່ງສ້າງຄຳຂໍຮ້ອງເພື່ອຂໍເອົາວັດຖຸສິ່ງຂອງ ຫຼື ບຸກຄົນທີ່ເດັກສາມາດພົບເຫັນຢູ່ໃກ້ໆຕົວເຂົາ.
 |
| ເອົາ |
 |
| ຂອງເຈົ້າ |
 |
| ເສື້ອ |
ຫຼັງຈາກນັ້ນ ສ້າງຄຳຂໍຮ້ອງສຳລັບວັດຖຸ ສິ່ງຂອງ ຫຼື ບຸກຄົນທີ່ເດັກບໍ່ສາມາດເຫັນ ໂດຍ ໃຊ້ບັນດາສັນຍະລັກທີ່ໄດ້ສອນເຂົາແລ້ວ.
ຫຼັງຈາກນັ້ນ ເດັກຫູໜວກຈະເລີ່ມຮຽນຮູ້ ການສ້າງ ຄຳຂໍຮ້ອງດ້ວຍຕົວຂອງເຂົາເອງ. ທຸກໆ ຄົນຄວນສະໜັບ ສະໜູນເດັກ ເມື່ອເຂົາພະຍາຍາມຂໍຮ້ອງສິ່ງໃດໜຶ່ງ.
ວິທີກະຕຸ້ນໃຫ້ເດັກໄດ້ຮຽນຮູ້ສັນຍະລັກ ໃໝ່
ວິທີ ທີ່ດີທີ່ສຸດໃນການກະຕຸ້ນໃຫ້ເດັກໄດ້ຮຽນຮູ້ ສັນຍະລັກໃໝ່ໆ ແມ່ນການສື່ສານກັບເດັກໃຫ້ຫຼາຍເທົ່າທີ່ຈະຫຼາຍໄດ້ ໂດຍກະຕຸ້ນໃຫ້ເດັກຕອບຄືນຂ້ໍຄວາມທີ່ທ່ານສົ່ງ ຫຼື ສິ່ງທີ່ທ່ານໂອ້ລົມນຳ ໃຫ້ລາວໂດຍຜ່ານພາສາມື. ທັງໝົດນີ້ແມ່ນວິທີ ຈຳນວນໜຶ່ງສຳລັບການສື່ສານກັບເດັກໃນແຕ່ລະມື້.
 |
|
ຂອງເຈົ້າ |
 |
| ໂສ້ງ |
|
 ຕໍ່ໄປເຮັດຫຍັງອີກ? ມີນາ, ໂສ້ງເຈົ້າເດ?
ໂສ້ງ?
ຈົ່ງໝັ້ນໃຈວ່າທຸກໆເທື່ອ ທີ່ທ່ານ ໃຊ້ພາ ສາມືກັບເດັກ, ເດັກໄດ້ເບິ່ງທ່ານນຳ. |
- ລອງເຮັດເວົ້າຜິດເພື່ອກະຕຸ້ນໃຫ້ເດັກ ບອກທ່ານໃນສິ່ງທີ່ຖືກຕ້ອງເຊັ່ນ: ແມ່ ຂອງເດັກຜູ້ນີ້ ເຮັດຫຼົງເອີ້ນຊື່ອ້າຍຂອງ ລາວ ແທນຊື່ຂອງລາວ.
ຄົ້ນຄິດຫາເກມຫຼິ້ນ ທີ່ປະກອບມີສັນຍະລັກພາສາມືໃໝ່ໆ. ຍົກຕົວຢ່າງ, ເດັກເຫຼົ່ານີ້ ກຳລັງຫຼິ້ນເກມເພື່ອຊອກຫາສິ່ງຂອງທີ່ເຊື່ອງໄວ້ ໂດຍການບອກຊື່ສິ່ງເຫຼົ່ານັ້ນເປັນສັນຍະລັກ. ໃນຂະນະທີ່ຫຼິ້ນເກມ ເດັກກໍ່ກຳລັງຮຽນສັນຍະລັກໃໝ່ໆຈຳນວນໜຶ່ງໄປພ້ອມ.
