ຄວາມເຂົ້າໃຈກ່ຽວກັບກຸ່ມສັນຍະລັກ

ຫຼັງຈາກໄດ້ໃຊ້ສັນຍະລັກດ່ຽວມາໄລຍະໜຶ່ງແດ່ແລ້ວ, ເດັກກໍ່ຈະເລີ່ມນຳເອົາສັນຍະລັກດ່ັງກ່າວມາປະກອບເຂົ້າກັນ ເພື່ອເຮັດໃຫ້ການສະແດງອອກທາງຄວາມນຶກຄິດຂອງພວກເຂົາມີຄວາມສົມບູນຂຶ້ນ. ການຮຽນຮູ້ການປະສົມສັນຍະລັກເຂົ້າກັນເພື່ອສະແດງອອກທາງດ້ານຄວາມຄິດທີ່ສົມບູນຂອງເຂົາເຈົ້ານີ້ ແມ່ນເສັ້ນທາງກ້າວສູ່ການໝູນໃຊ້ພາສາທີ່ຄົບຖ້ວນສົມບູນ ຂອງເດັກຫູໜວກ. ການນຳເອົາກຸ່ມສັນຍະລັກມາປະສົມເຂົ້າກັນເປັນບາດກ້າວໄປຂ້າງໜ້າທີ່ສຳຄັນຂອງເດັກມັນຊ່ວຍໃຫ້ເດັກສື່ສານກ່ຽວກັບວັດຖຸ ຫຼື ບຸກຄົນອ້ອມຂ້າງ ໄດ້ດີຂຶ້ນກວ່າການບອກແຕ່ພຽງຊື່ເທົ່ານັ້ນ. ໂດຍທຳອິດເດັກຈະນຳເອົາສັນຍະລັກ 2 ອັນມາປະສົມເຂົ້າກັນ ຈາກນັ້ນກໍ່ອາດຈະແມ່ນ 3 ສັນຍະລັກ ຫຼື ສຸດທ້າຍ ຈົນສາມາດສ້າງກຸ່ມສັນຍະລັກທີ່ຍາວຂຶ້ນໄດ້. ທຳອິດເດັກຕ້ອງໄດ້ເຂົ້າໃຈ ວິທີທີ່ຄົນອື່ນເຮັດກ່ອນ ຈາກນັ້ນ ເດັກຈຶ່ງຈະສາມາດເຮັດຕາມໄດ້.

ວິທີຊ່ວຍໃຫ້ເດັກເຂົ້າໃຈຄວາມໝາຍຂອງກຸ່ມສັນຍະລັກ

1. ເມື່ອເດັກຫູ ໜວກເວົ້າຊື່ຂອງ ວັດຖຸ ຫຼືບຸກຄົນ, ໃຫ້ ທ່ານຈົ່ງຂະຫຍາຍຊື່ ຂອງວັດຖຸ ຫຼື ບຸກ ຄົນ ທີ່ເຂົາເວົ້າ.	ເນັ້ນຄືນກຸ່ມສັນຍະລັກທີ່ ທ່ານຕ້ອງການໃຫ້ເຂົາ ຮຽນ ແລະ ເຮັດຄືນອີກ ຫຼາຍໆຄັ້ງ.
ຕົ້ນໄມ້	ແມ່ນແລ້ວ, ຕົ້ນໄມ້ໃຫຍ່.
2. ສັງເກດເບິ່ງຄຳຕອບຂອງເດັກ, ເດັກ ໄດ້ມີການຕອບສະໜອງແນວໃດແນວ ໜຶ່ງວ່າເຂົາເຂົ້າໃຈບໍ? ຖ້າມີກໍ່ຈົ່ງຍ້ອງຍໍ ເຂົາ, ຖ້າບໍ່ມີກໍ່ຈົ່ງເຮັດຄືນອີກຫຼາຍໆເທື່ອ	ນີ້ແມ່ນ ຕົ້ນໄມ້ອໃຫຍ່. ແທ້ໆ.

ຈື່

ໃຫຍ່

ຕົ້ນໄມ້

3.ໃຊ້ສັນຍະລັກດັ່ງ ກ່າວໃຫ້ຫຼາຍເທົ່າທີ່ ທ່ານຈະເຮັດໄດ້ໝົດ ມື້. ພ້ອມທັງກະຕຸ້ນ ໃຫ້ສະມາຊິກໃນ ຄອບຄົວໃຊ້ສັນຍະລັກ ດັ່ງກ່າວນຳອີກ.

ລູກຈື່ ຕົ້ນໄມ້ໃຫຍ່ ບໍ? ບອກແມ່ດຸ ຕົ້ນໄມ້ໃຫຍ່ ເປັນແນວໃດ.

ໃນຕົວຢ່າງຂ້າງເທິງນີ້, ໃຫ້ພໍ່ ແລະ ແມ່ຂອງ ເດັກໄດ້ນຳເອົາສັນຍະລັກ ທີ່ໃຊ້ແທນຊື່ຂອງວັດຖຸ (ຕົ້ນໄມ້) ມາປະສົມກັບຄຳທີ່ໃຊ້ຂະຫຍາຍ ຄວາມໝາຍຂອງມັນ (ໃຫຍ່).

ການຮູ້ຈັກຄຳສັບ ແລະ ຮູ້ຈັກໃຊ້ພາສາ ຊ່ວຍໃຫ້ເດັກມີການພັດທະນາທາງດ້ານແນວຄິດຈິດໃຈ. ເມື່ອເດັກຮູ້ຈັກຄຳສັບ ເຊັ່ນ: “ໃຫຍ່” ແລະ “ນ້ອຍ”, ເດັກຈະໝູນໃຊ້ຄຳສັບເຫຼົ່ານີ້ ເພື່ອສະແດງຄວາມຮູ້ສຶກນຶກຄິດທີ່ຍາກຂຶ້ນ. ເປັນຕົ້ນແມ່ນການສົມທຽບວັດຖຸສິ່ງຂອງໃດໜຶ່ງ. ເບິ່ງຂໍ້ມູນເພີ່ມຕື່ມໄດ້ໃນບົດທີ7.

ໃນການສອນໃຫ້ເດັກນ້ອຍຫູໜວກຮູ້ສັນຍະລັກທີ່ເປັນກຸ່ມ ຈົ່ງພະຍາຍາມນຳເອົາຊື່ຂອງວັດຖຸ ຫຼື ບຸກ ຄົນມາປະສົມເຂົ້າກັນດັ່ງນີ້: