Hesperian Health Guides
ບົດທີ 9: ການຮຽນຮູ້ເພື່ອໝູນໃຊ້ພາສາເວົ້າ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 9: ການຮຽນຮູ້ເພື່ອໝູນໃຊ້ພາສາເວົ້າ
ເດັກຫູໜວກເກືອບທັງໝົດ ມີການເວົ້າລັກສະນະທີ່ແຕກຕ່າງຈາກເດັກທີ່ສາມາດໄດ້ຍິນປົກກະຕິ. ຜູ້ຊຶ່ງບໍ່ຮູ້ຈັກເດັກນ້ອຍຫູໜວກດີ ສ່ວນຫຼາຍຈະມີຄວາມຫຍຸ້ງຍາກໃນການທຳຄວາມເຂົ້າໃຈກັບຄຳເວົ້າຂອງເດັກ. ຖ້າທ່ານໝູນໃຊ້ພາສາເວົ້າ ກັບລູກຂອງທ່ານແລ້ວເດັກກໍ່ຍັງຕ້ອງການຄວາມຊ່ວຍເຫຼືອພິເສດຕື່ມອີກ ເພື່ອໃຫ້ສາມາດອ່ານຮີມສົບ ແລະ ສາມາດເວົ້າໄດ້ຢ່າງຈະແຈ້ງ. ທ່ານຈະໄດ້ຮັບຜົນຕອບຮັບທີ່ດີ ຖ້າທ່ານ ແລະ ລູກ ຫາກມີຄວາມສຸກກັບການຮຽນຮູ້ຄຳສັບ ແລະ ພາສາໄປພ້ອມໆກັນ. ຈົ່ງຈື່ໄວ້ວ່າ, ສະມາຊິກທຸກຄົນໃນຄອບຄົວ ກໍ່ຈະຕ້ອງເວົ້າກັບ ເດັກໃຫ້ຫຼາຍເທົ່າທີ່ຈະເຮັດໄດ້.
ໃນເບື້ອງຕົ້ນ, ເດັກຈະເຂົ້າໃຈແຕ່ຄຳສັບທີ່ຄົນອື່ນໃຊ້. ຫຼັງຈາກນັ້ນ ເດັກຈຶ່ງເລີ່ມໃຊ້ຄຳສັບ ທີ່ກ່ຽວ ຂ້ອງກັບບຸກຄົນ ຫຼື ສິ່ງຂອງທີ່ເດັກພົບເຫັນທຸກໆມື້ ແລະ ມີຄວາມສຳຄັນກັບເດັກ. ຕໍ່ມາເດັກຈິ່ງຈະຮຽນຮູ້ຄຳສັບຕ່າງໆ ທີ່ແຕກຕ່າງກັນ.ເບິ່ງຂໍ້ມູນເພີ່ມຕື່ມໄດ້ໃນບົດທີ3.
ເນື້ອໃນ
- ໑ ວິທີດຶງຄວາມສົນໃຈຈາກລູກຂອງທ່ານ
- ໒ ວິທີສ້າງຄວາມສົນໃຈຂອງເດັກ
- ໓ ວິທີຊ່ວຍໃຫ້ເດັກຮຽນຮູ້ສຽງເວົ້າ
- ໔ ວິທີຊ່ວຍໃຫ້ເດັກຮຽນຄຳສັບທຳອິດ
- ໕ ລູກຂອງທ່ານຈຳເປັນຕ້ອງໄດ້ຮູ້ປະເພດຄຳສັບທີ່ແຕກຕ່າງກັນ
- ໖ ວິທີກະຕຸ້ນໃຫ້ເດັກເລີ່ມໝູນໃຊ້ຄຳສັບ
- ໗ ກະຕຸ້ນໃຫ້ເດັກສື່ສານຄວາມຕ້ອງການພື້ນຖານ
- ໘ ວິທີກະຕຸກຊຸກຍູ້ໃຫ້ເດັກຕອບຄຳຖາມແບບງ່າຍດາຍ
- ໙ ຊ່ວຍໃຫ້ເດັກໃສ່ໃຈຕໍ່ວິທີເວົ້າຄຳສັບ
- ໑໐ ວິທີຊ່ວຍໃຫ້ເດັກເວົ້າໃນແບບທີ່ແຕກຕ່າງ
- ໑໑ ວິທີເຮັດໃຫ້ເດັກປະຕິບັດຕາມຄຳຂໍຮ້ອງ ພື້ນຖານ
- ໑໒ ວິທີກະຕຸ້ນໃຫ້ເດັກໄດ້ຮຽນຮູ້ຄຳສັບເພີ່ມ
ວິທີດຶງຄວາມສົນໃຈຈາກລູກຂອງທ່ານ
ເດັກນ້ອຍຕ້ອງໄດ້ເຫັນການເໜັງຕີງຂອງສົບ ຈິ່ງຈະສາມາດເຂົ້າໃຈຄຳເວົ້າຂອງທ່ານໄດ້. ຈົ່ງພະຍາ ຍາມໃຫ້ເດັກເຫັນທ່ານເມື່ອທ່ານກຳລັງເວົ້ານຳເຂົາ.
ຖ້າລູກຂອງທ່ານມີການຕອບສະໜອງຕໍ່ຊື່ຂອງເຂົາ, ຈົ່ງໃຊ້ຊື່ເພື່ອດຶງຄວາມສົນໃຈ. ແຕ່ຖ້າເຂົາຫາກບໍ່ຕອບສະໜອງ. ລອງໃຊ້ຕີນກະທົບພື້ນເປັນບາດ ເພື່ອໃຫ້ເດັກສາມາດຮູ້ສຶກເຖິງຄວາມສັ່ນສະເທືອນ.
 ມີນາ
|
 ມີນາ, ກຳລັງດື່ມນໍ້າຊາ ບໍ? ຂ້ອຍຂໍນ້ໍາຊາແດ່? |
ວິທີສ້າງຄວາມສົນໃຈຂອງເດັກ
- ໃຫ້ເວົ້າກ່ຽວກັບວັດຖຸສິ່ງຂອງທີ່ເດັກຮູ້ ແລະ ສາມາດເຫັນເຊັ່ນ: ອາຫານ, ເຄື່ອງນຸ່ງ, ເຄື່ອງຫຼິ້ນຂອງເຂົາ...
- ເວົ້າເຖິງວັດຖຸສິ່ງຂອງທີ່ເດັກມີຄວາມສົນໃຈ. ຖ້າເຂົາມັກລົດ ເວົ້າກ່ຽວກັບລົດ. ຖ້າເຂົາມັກຫຼິ້ນກັບຕຸກ ກະຕາ ກໍ່ຈົ່ງຖາມກ່ຽວກັບສິ່ງທີ່ເຂົາກຳລັງຫຼິ້ນຢູ່.
- ໃຫ້ທ່ານເວົ້າເລື້ອຍໆ ບໍ່ແມ່ນສະເພາະແຕ່ໃນເວລາສອນເທົ່ານັ້ນ. ເດັກອາດຈະຍັງບໍ່ທັນເຂົ້າໃຈຄຳສັບ ແຕ່ມັກຈະຊ່ວຍໃຫ້ເດັກຮູ້ຈັກພາສາຫຼາຍຂຶ້ນ.
- ພະຍາຍາມຫຼຸດຜ່ອນສຽງລົບກວນທີ່ຢູ່ອ້ອມຂ້າງທ່ານ ແລະ ຈົ່ງເວົ້າຢູ່ໃກ້ໆກັບເດັກຖ້າການຟັງດ້ວຍຫູດຽວເຮັດໃຫ້ເດັກໄດ້ຍິນດີກວ່າ, ກໍ່ຈົ່ງເວົ້າໃກ້ໆຫູຂ້າງນັ້ນ.
ວິທີຊ່ວຍໃຫ້ເດັກຮຽນຮູ້ສຽງເວົ້າ
ສຳລັບເດັກທີ່ສາມາດໄດ້ຍິນດີ ການເວົ້າກັບເດັກແບບງ່າຍດາຍກໍ່ພຽງພໍແລ້ວ ສຳລັບການຮຽນຮູ້ການເວົ້າ. ແຕ່ເພື່ອຊ່ວຍເຫຼືອເດັກທີ່ບໍ່ສາມາດໄດ້ຍິນດີນັ້ນ, ເຂົາຈຳຕ້ອງໄດ້ຟັງ ແລະ ຈື່ຈຳຄວາມແຕກຕ່າງຂອງສຽງເວົ້າ ທີ່ປະກອບເຂົ້າເປັນຄຳສັບ. ສະນັ້ນ ນອກເໜືອຈາກການປາກເວົ້າທຳມະດາ ແບບທຳມະຊາດກັບລູກຂອງທ່ານແລ້ວ, ທ່ານຄວນເຮັດໃຫ້ເດັກຟັງ ແລະ ທ່ານຈົ່ງໝູນໃຊ້ສຽງເວົ້າພິເສດ.
ທຸກໆພາສາມີສຽງທີ່ຟັງຍາກ ແລະ ງ່າຍສຳລັບເດັກທີ່ຈະຮຽນ. ທຳອິດຈົ່ງສອນເດັກບັນດາສຽງທີ່ງ່າຍກ່ອນ (ເຊັ່ນສຽງ “ມາ” ແລ້ວຈິ່ງແມ່ນສຽງ “ຣາ”).
ທຸກໆ 2 ອາທິດ, ໃຫ້ເລືອກເອົາສຽງເວົ້າທີ່ມີລັກສະນະຈຳເພາະ ທີ່ແຕກຕ່າງກັນ ແລະ ໃຊ້ມັນໃຫ້ຖ່ີ ເທົ່າທີ່ຈະເຮັດໄດ້ ໃນບົດສົນທະນາ ຫຼື ໃສ່ເຂົ້າໃນເກມ. ພ້ອມທັງແນະນຳໃຫ້ຄົນອື່ນໆໃຊ້ສຽງດັ່ງກ່າວນຳ.
ວິທີຊ່ວຍໃຫ້ເດັກຮຽນຄຳສັບທຳອິດ
ເດັກຈະຕ້ອງຮຽນຮູ້ການເບິ່ງສົບ ແລະ ການຟັງຢ່າງຕັ້ງໃຈ, ສະນັ້ນ ການສອນຄຳສັບຄວນສອນພຽງແຕ່ 2, 3 ຄຳໃນການສອນຄັ້ງໜຶ່ງແມ່ນດີທີ່ສຸດ.
ໃຫ້ສັງເກດເບິ່ງສົບຂອງທ່ານຢູ່ໃນແວ່ນ ຫຼື ສັງເກດສົບຂອງຄົນອື່ນເມື່ອພວກເຂົາເວົ້າ, ສັງເກດເບິ່ງວ່າ ແມ່ນສຽງປະເພດໃດແດ່ ທີ່ສາມາດເບິ່ງເຫັນໄດ້ເທິງສົບ. ບາງຄັ້ງສຽງທີ່ແຕກຕ່າງກັນກໍ່ເບິ່ງຄ້າຍຄືກັນເມື່ອສັງເກດເບິ່ງສົບ. ແລ້ວຈະພົບໄດ້ວ່າ ການອ່ານຮີມສົບເປັນເລື່ອງທີ່ຍາກ.
ເພື່ອຊ່ວຍໃຫ້ເດັກຮຽນຄຳສັບທ່ານຄວນ:
- ເລືອກເອົາຄຳສັບງ່າຍດາຍທີ່ສາມາດເບິ່ງເຫັນສົບ ບາງຄຳສັບກໍ່ສາມາດເບິ່ງງ່າຍກວ່າຄຳສັບອື່ນ. ເປັນ ຕົ້ນແມ່ນສຽງ “ບ” ເພາະຮີມສົບມີການປິດ ແລະ ກໍ່ ເປີດ ເຊິ່ງແມ່ນສຽງທີ່ ສາມາດສັງເກດເຫັນໄດ້ງ່າຍທີ່ ສຸດ.
- ເລືອກເອົາຄຳສັບທີ່ໄດ້ຍິນງ່າຍ. ຄຳສັບ ບາງສັບກໍ່ ອອກສຽງຄ່ອຍ ບາງສັບກໍ່ອອກສຽງແຮງ. ເປັນຕົ້ນ ແມ່ນສຽງ “ອາ” ໃນຄຳວ່າ “ປາປາ” “ມາມາ”; ສຽງ “ອູ” ໃນຄຳເວົ້າ “ງູງູ”; ແລະ ສຽງ “ອີ” ໃນຄຳວ່າ “ດີດີ”. ຄຳສັບເຫຼົ່ານີ້ງ່າຍສຳລັບການເລີ່ມຕົ້ນຮຽນ.
- ຖ້າຄຳສັບດັ່ງກ່າວຖືກວາງໄວ້ຕອນທ້າຍຂອງປະ ໂຫຍກ ມັນຈະໄດ້ຍິນດີທີ່ສຸດ.
- ເພື່ອສອນຄຳສັບໃດໜຶ່ງ, ທ່ານຕ້ອງໄດ້ໃຊ້ຄຳສັບ ນັ້ນເປັນຮ້ອຍໆເທື່ອ. ສະນັ້ນ ຈົ່ງເລືອກຄຳສັບທີ່ຖືກ ໃຊ້ຫຼາຍໃນບົດສົນທະນາທຸກໆມື້.
- ໝູນໃຊ້ຄຳສັບທີ່ຄືກັນຫຼາຍໆຄັ້ງໃນສະຖານະການ ທີ່ຄືກັນ. ການເວົ້າລຶ້ມຄືນເປັນສິ່ງທີ່ຈຳເປັນ ແລະ ເດັກ ນ້ອຍກໍ່ມັກໃຫ້ເວົ້າລຶ້ມຄືນ.
- ເວົ້າໃຫ້ຊັດເຈນ. ເອົາໃຈໃສ່ການເໜັງສົບເມື່ອເວົ້າ ແຕ່ກໍ່ບໍ່ຄວນເຮັດເກີນທຳມະຊາດເກີນໄປ.
- ເຮັດຕາຕະລາງຄຳສັບທີ່ເປັນປະໂຫຍດ ທີ່ທ່ານ ຕ້ອງການໃຫ້ເດັກຮຽນ ແລະ ກໍ່ບອກໃຫ້ທຸກຄົນໃນ ຄອບຄົວໃຊ້ຄຳສັບດ່ັງກ່າວເລື້ອຍໆ, ເລືອກເອົາຄຳສັບ ທີ່ສາມາດເຫັນໄດ້ງ່າຍໂດຍຜ່ານຮີມສົບ.
ເມື່ອທ່ານໝັ້ນໃຈແລ້ວວ່າ ເດັກເຂົ້າໃຈຄຳສັບທີ່ທ່ານ ໃຊ້ແລ້ວ, ກໍ່ໃຫ້ສອນຄຳສັບໃໝ່ໆ ທີ່ເບິ່ງແຕກຕ່າງຈາກ 2-3 ສັບ ທຳອິດ. ເຖິງຢ່າງໃດກໍ່ຕາມ ເມື່ອສອນຄຳສັບໃໝ່ ກໍ່ຄວນຝຶກແອບ ຄຳສັບເກົ່າໄປພ້ອມ.
ລູກຂອງທ່ານຈຳເປັນຕ້ອງໄດ້ຮູ້ປະເພດຄຳສັບທີ່ແຕກຕ່າງກັນ
ນອກເໜືອຈາກການຮຽນຊື່ວັດຖຸ ແລະ ບຸກຄົນແລ້ວ, ລູກຂອງທ່ານຈຳເປັນຕ້ອງໄດ້ຮຽນ ບັນດາຄຳສັບຕ່າງໆທີ່ແຕກຕ່າງກັນ. ສິ່ງນີ້ຈະຊ່ວຍໃຫ້ເດັກຮຽນຮູ້ກ່ຽວກັບໂລກອ້ອມຂ້າງຕົວເດັກໄດ້ຫຼາຍຂຶ້ນພ້ອມທັງເປັນການກຽມພ້ອມໃຫ້ເດັກ ສຳລັບການຮຽນເວົ້າເປັນປະໂຫຍກໃນ ຂັ້ນຕໍ່ໄປ. ສະນັ້ນຈົ່ງຝຶກແອບສິ່ງເຫຼົ່ານີ້ທັງໝົດ.
- ຄຳສັບທີ່ໃຊ້ເປັນຊື່ (ຊື່ທີ່ຕັ້ງໃຫ້ແຕ່ລະຄົນ)
- ຄຳສັບທີ່ໃຊ້ສະແດງການກະທຳ
- ຄຳສັບທີ່ໃຊ້ພັນລະນາ
- ຄຳສັບທີ່ສະແດງຄວາມຮູ້ສຶກ
ການຮູ້ຈັກ “ຄຳສັບທີ່ໃຊ້ເປັນຊື່”, “ຄຳສັບທີ່ໃຊ້ສະແດງການກະທຳ”, “ຄຳສັບທີ່ໃຊ້ພັນລະນາ” ແລະ “ສະແດງຄວາມຮູ້ສຶກ”. ຊ່ວຍໃຫ້ເດັກໃຊ້ຄຳສັບເຫຼົ່ານີ້ ເພື່ອຄົ້ນຄິດເຖິງໂລກອ້ອມຕົວຂອງເຂົາ. ເບິ່ງຂໍ້ມູນເພີ່ມຕື່ມໄດ້ໃນບົດທີ7.
ວິທີກະຕຸ້ນໃຫ້ເດັກເລີ່ມໝູນໃຊ້ຄຳສັບ
ຖ້າລູກຂອງທ່ານມີບັນຫາໃນການໄດ້ຍິນສຽງເວົ້າ, ເຂົາສາມາດຮຽນຮູ້ການເບິ່ງຮີມສົບເພື່ອເປັນແນວ ທາງ ໃຫ້ເດັກຮູ້ວ່າ ເຂົາຄວນເວົ້າຄຳສັບເຫຼົ່ານີ້ແນວໃດ. ສິ່ງສຳຄັນທີ່ຄວນຈື່ແມ່ນສຽງຫຼາຍສຽງ ແມ່ນເບິ່ງຄືກັນ ເມື່ອສັງເກດຈາກຮີມສົບ.
- ສະໜັບສະໜູນໃຫ້ເດັກໃຊ້ຄຳສັບເມື່ອ ເຂົາຫຼິ້ນ. ນັ່ງຕໍ່ໜ້າຂອງເດັກບ່ອນທີ່ມີແສງເໝາະສົມດີ ແລະ ນຳເອົາສິ່ງທີ່ເດັກມີຄວາມສົນໃຈມາ ເປັນຕົ້ນແມ່ນ ເຄື່ອງຫຼິ້ນທີ່ລາວມັກ. ກະຕຸ້ນໃຫ້ເດັກສັງເກດເບິ່ງການ ເຄື່ອນເໜັງຂອງສົບ ເມື່ອທ່ານເວົ້າຊື່ຂອງເຄື່ອງຫຼິ້ນດັ່ງ ກ່າວ. ເວົ້າຄືນຄຳເວົ້າເກົ່ານັ້ນຫຼາຍໆຄັ້ງ.
- ໃຫ້ເດັກລອກແບບຈາກທ່ານ
ໝາກບານ! ນັ້ນແມ່ນ ໝາກ ບານ ຂອງຂ້ອຍ ບໍ? ມັນແມ່ນ ໝາກ ບານທີ່ງາມແທ້.ຈ່ົງພະຍາຍາມເວົ້າໃຫ້ຈະແຈ້ງຊັດເຈນ ແລະ ເປັນທຳມະ ຊາດ ເຊິ່ງຈະຊ່ວຍໃຫ້ເດັກສາມາດອ່ານຮີມສົບຂອງຄົນ ອື່ນເມື່ອພວກເຂົາເວົ້າສິ່ງດຽວກັນຄືກັບທ່ານ.
ເຈົ້າເວົ້າ “ໝາກ ບານ” ໄດ້ບໍ?ບານ - ນັ່ງຢູ່ຕໍ່ໜ້າແວ່ນກັບເດັກ ເພື່ອໃຫ້ເດັກເຫັນໜ້າ ຂອງທ່ານ ແລະ ຂອງເດັກເອງ, ເອົາສິ່ງຂອງ ໜຶ່ງມາໃຫ້ເຂົາເບິ່ງ, ເວົ້າຊື່ສິ່ງຂອງດັ່ງກ່າວ ແລະໃດ ໃຫ້ເດັກລອກແບບຈາກທ່ານ.
- ປະຕິບັດຕາມຂັ້ນຕອນເຫຼົ່ານີ້ໂດຍໃຊ້ຄຳສັບ ອື່ນໆ ໂດຍສະເພາະແມ່ນຄຳສັບ ທີ່ເປັນຊື່ຂອງ ທີ່ລູກຂອງທ່ານກຳລັງສົນໃຈໃນຂະນະນັ້ນ.
ທຳອິດລູກຂອງທ່ານອາດຈະຍັງບໍ່ສາ ມາດເວົ້າຄຳສັບໄດ້ຢ່າງຖືກຕ້ອງ. ແຕ່ຄວນຈື່ວ່າ ເດັກບໍ່ສາມາດໄດ້ຍິນສຽງຄຳສັບວ່າອອກສຽງ ແນວໃດ. ສະນັ້ນ ທ່ານເອງອາດຈະບໍ່ເຂົ້າໃຈວ່າ ລູກຂອງທ່ານເວົ້າຫຍັງ ໃນຕອນທຳອິດ. ແຕ່ໃຫ້ ຊົມເຊີຍເດັກສຳລັບຄວາມພະຍາຍາມ ແລະ ບໍ່ ຕ້ອງກັງວົນຫຼາຍເລື່ອງທີ່ຈະເຮັດໃຫ້ເດັກເວົ້າໄດ້ ຢ່າງຖືກຕ້ອງໂລດ.
ກະຕຸ້ນໃຫ້ເດັກສື່ສານຄວາມຕ້ອງການພື້ນຖານ
ເມື່ອລູກຂອງທ່ານຕ້ອງການສິ່ງໃດໜຶ່ງ, ເດັກຈະມີຄວາມກະຕືລື ລົນທີ່ຈະຮຽນຮູ້ຄຳສັບທີ່ຈະຊ່ວຍໃຫ້ລາວໄດ້ສິ່ງທີ່ຕ້ອງການ.
- ເມື່ອໃດລູກຂອງທ່ານເລີ່ມຕ້ອງການສິ່ງໃດໜຶ່ງ, ກະຕຸ້ນໃຫ້ລາວ ເວົ້າເຖິງສິ່ງທີ່ລາວຕ້ອງການເປັນຄຳເວົ້າ.
ວິທີກະຕຸກຊຸກຍູ້ໃຫ້ເດັກຕອບຄຳຖາມແບບງ່າຍດາຍ
ການຖາມຄຳຖາມກັບລູກຂອງທ່ານ ແມ່ນວິທີທີ່ດີສຳລັບການກະຕຸ້ນໃຫ້ເດັກເວົ້າ. ຈົ່ງຢ່າລືມທີ່ຈະໃຊ້ການສະແດງສີໜ້າ (ເປັນຕົ້ນແມ່ນການຍົກຄິ້ວຂຶ້ນ ແລະ ເຮັດໜ້າສົງໄສ) ແລະ ໃຊ້ການເຄື່ອນເໜັງຂອງຮ່າງ ກາຍ (ເປັນຕົ້ນແມ່ນການກົ້ມຫົວລົງ) ເພື່ອຊ່ວຍໃຫ້ເດັກຮູ້ວ່າທ່ານກຳລັງຖາມຄຳຖາມ.
- ໃນການເລີ່ມຕົ້ນນັ້ນ, ລອງຖາມຄຳຖາມ ທີ່ຄຳຕອບແມ່ນ “ບໍ່” ຫຼື “ແມ່ນ”. ເມື່ອລູກຂອງທ່ານງຶກຫົວ “ບໍ່” ຫຼື “ແມ່ນ”, ໃຫ້ເຂົາຕອບເປັນຄຳເວົ້າທີ່ມີຄວາມໝາຍຄືກັນ.
 ເຈົ້າປຽກບໍ? |
 ເຈົ້າບໍ່ປຽກແມ່ນບໍ? ຕອບ “ບໍ່” ມີນາ “ບໍ່”. |
- ຖາມຄຳຖາມທີ່ສາມາດຕອບດ້ວຍຄຳສັບດ່ຽວ.
ຖ້າລູກຂອງທ່ານຕອບ, ຍ້ອງຍໍລາວ. ແຕ່ຖ້າເດັກບໍ່ຕອບ:
- ເຂົາອາດຈະບໍ່ເຂົ້າໃຈຄຳສັບທີ່ທ່ານໃຊ້.
- ເຂົາອາດບໍ່ເຂົ້າໃຈວ່າຄຳຖາມນັ້ນຕ້ອງການໃຫ້ຕອບ.
ທ່ານສາມາດສອນລູກກ່ຽວກັບ ຄຳຖາມໂດຍການຕອບໃຫ້ ເຂົາກ່ອນໃນຄັ້ງທຳອິດ ຫຼັງຈາກນັ້ນໄລຍະໜຶ່ງ ເຂົາຈະເລີ່ມ ເຂົ້າໃຈເອງ.
 ຖົງຕີນອີກກິ່ງ ໜຶ່ງໄປໃສ? |
 ເທິງຕຽງ, ຖົງ ຕີນຢູ່ເທິງຕຽງ |
- ສ້າງສະຖານະການໃຫ້ເດັກຕ້ອງຖາມຫາສິ່ງຂອງ. ນີ້ແມ່ນ ຕົວຢ່າງທີ່ເອື້ອຍຂອງ ວັນດີ ເອົາຖ້ວຍເປົ່າໃຫ້ ແລະ ລໍຖ້າ ຈົນລາວຖາມເອົາໝາກຖົ່ວນຳ.
ຊ່ວຍໃຫ້ເດັກໃສ່ໃຈຕໍ່ວິທີເວົ້າຄຳສັບ
ເມື່ອພວກເຮົາເວົ້າ, ພວກເຮົາອາດເນັ້ນສຽງຄຳສັບນີ້ ຫຼາຍກວ່າສັບອື່ນ (ຄວາມດັງ), ເວົ້າຄຳສັບນີ້ໄວກວ່າສັບອື່ນ (ຈັງຫວະ) ແລະ ມີການປ່ຽນສຽງສູງ ຫຼື ຕ່ຳ (ໂທນສຽງ). ຄົນເຮົາຍັງສະແດງຄວາມຮູ້ສຶກ ໂດຍຜ່ານ້ໍາສຽງ, ວິທີການຕ່າງໆເຫຼົ່ານີ້ ເສີມຄວາມໝາຍໃຫ້ແກ່ຄຳເວົ້າທີ່ຖືກສົ່ງອອກມາຈາກຜູ້ເວົ້າ.
ວິທີຊ່ວຍໃຫ້ເດັກເວົ້າໃນແບບທີ່ແຕກຕ່າງ
ໃນຂະນະທີ່ເດັກຮຽນຟັງ ແລະ ສັງເກດແບບຕ່າງໆຂອງການເວົ້າ, ເດັກກໍ່ຕ້ອງໄດ້ຮຽນການເວົ້າໃນແບບຕ່າງໆນຳ.
- ຫຼິ້ນການເພື່ອກະຕຸ້ນໃຫ້ເດັກເວົ້າ ໂດຍສະແດງຄວາມຮູ້ສຶກພ້ອມ.
 |
 ບຸມ! ຕົກໝົດ!
ບຸມ! ຕົກໝົດເລີຍ!
|
- ກະຕຸກຊຸກຍູ້ໃຫ້ເດັກຮ້ອງເພງ, ສິ່ງນີ້ຈະ ຊ່ວຍໃຫ້ສຽງຂອງເດັກມີການຂຶ້ນ ແລະ ລົງ ແລະ ຊ່ວຍການປ່ຽນຈັງຫວະສຽງຂອງເດັກ.
ວິທີເຮັດໃຫ້ເດັກປະຕິບັດຕາມຄຳຂໍຮ້ອງ ພື້ນຖານ
ເມື່ອເດັກສາມາດຈື່ຈຳຊື່ຂອງວັດຖຸ, ບຸກຄົນ ແລະ ກິດຈະກຳຕ່າງໆໄດ້ແລ້ວ. ສະແດງວ່າ ເຂົາສາ ມາດເຂົ້າໃຈຄຳຂໍຮ້ອງພື້ນຖານທ່ານໄດ້. ໂດຍເລີ່ມຕົ້ນຈາກຄຳຂໍຮ້ອງແບບສັ້ນໆ, ເນັ້ນໜັກຄຳສັບທີ່ເດັກຮູ້ຈັກແລ້ວ ແລະ ໝູນໃຊ້ທ່າທາງເມື່ອເຮັດໃຫ້ຂ້ໍຄວາມນັ້ນຈະແຈ້ງຂຶ້ນ. ໃຫ້ເວລາແກ່ເດັກໃນການຕອບຢ່າງພຽງພໍ ແລະ ຖ້າຈຳເປັນກໍ່ໃຫ້ເວົ້າຄືນສິ່ງທີ່ທ່ານຮ້ອງຂໍນັ້ນອີກ.
| ຈາກນັ້ນ ຈົ່ງຂໍຮ້ອງກ່ຽວກັບ ວັດຖຸ ຫຼື ບຸກຄົນ ທີ່ເດັກສາ ມາດເຫັນອ້ອມຂ້າງຕົວເຂົາ. | ທຳອິດຈົ່ງຂໍຮ້ອງກ່ຽວກັບ ສິ່ງຂອງ ຫຼື ບຸກຄົນທີ່ເຂົາ ບໍ່ສາມາດເບິ່ງເຫັນ. |
 ປະເສີດ, ນຸ່ງເສື້ອແມ໊. |
 ໃສ່ເກີບແຕະຂອງ ລູກແມ໊ ບຸນມີ. ລູກ ຕ້ອງໃສ່ເກີບ ແຕະ ເມື່ອອອກໄປນອກ. |
ວິທີກະຕຸ້ນໃຫ້ເດັກໄດ້ຮຽນຮູ້ຄຳສັບເພີ່ມ
ວິທີທີ່ດີສຸດເພື່ອຊ່ວຍໃຫ້ເດັກຮຽນຄຳສັບເພີ່ມ ຄືການສື່ ສານກັບເດັກໃຫ້ຫຼາຍເທົ່າທີ່ຈະເຮັດໄດ້ ແລະ ກະຕຸ້ນໃຫ້ເດັກ
ເວົ້າກັບທ່ານ. ນີ້ແມ່ນບາງວິທີ ສຳລັບການສື່ສານຕະຫຼອດມື້ ກັບເດັກ.
- ໃນເວລາເຮັດກິດຈະວັດປະຈຳວັນ ແມ່ນໄລຍະເວລາທີ່ດີທີ່
ສຸດທີ່ຈະຮຽນຄຳສັບໃໝ່. ເປັນໂອກາດໃຫ້ ເດັກໄດ້ຝຶກຊ້ອມ ຄຳສັບເກົ່າ ເລື້ອຍໆ.
- ລອງເວົ້າຜິດເພື່ອກະຕຸ້ນໃຫ້ເດັກ ເວົ້າສິ່ງທີ່ຖືກຕ້ອງ.
- ຈົ່ງຊ່ອງຫວ່າງໃນເນື້ອເພງ ຫຼື ເພງ ຈັງຫວະຂອງ ເດັກອະນຸບານ ທີ່ເດັກ ເຄີຍໄດ້ຍິນເລື້ອຍໆ. ກະ ຕຸ້ນໃຫ້ເດັກ ເວົ້າເນື້ອເພງທີ່ຂາດຫາຍ.
ຫຼັງຈາກໝູນໃຊ້ຄຳສັບດ່ຽວ, ເດັກຈະເລີ່ມຮູ້ຈັກການນຳເອົາຄຳສັບຕ່າງໆມາລວມກັນເພື່ອສະແດງຄວາມຄິດທີ່ຄົບຖ້ວນ. ທຳອິດແມ່ນນຳເອົາ 2 ຄຳສັບມາປະກອບກັນ. ຫຼັງຈາກນັ້ນກໍ່ 3 ຄຳ ແລະ ສຸດທ້າຍກໍ່ເປັນກຸ່ມຄຳສັບທີ່ຍາວຂຶ້ນ.
ການນຳເອົາຄຳສັບມາລວມເປັນກຸ່ມແມ່ນບາດກ້າວທີ່ສຳຄັນຂອງເດັກ. ມັນເຮັດໃຫ້ເດັກ ສາມາດເວົ້າໄດ້ໃນຫຼາຍສິ່ງຫຼາຍຢ່າງກ່ຽວກັບວັດຖຸ ແລະ ສິ່ງຂອງທີ່ຢູ່ອ້ອມໂຕເດັກ. ເຊິ່ງທຳອິດເຂົາຈຳເປັນຕ້ອງໄດ້ຮຽນຮູ້ວິທີທີ່ຄົນອື່ນນຳເອົາຄຳສັບມາລວມກັນກ່ອນ ແລ້ວລາວຈຶ່ງສາມາດ ປະກອບຄຳສັບດ້ວຍຕົວເອງໄດ້.