Hesperian Health Guides
ເຄື່ອງຊ່ວຍໃນການຊ່ວຍຟັງເປັນທາງເລືອກທີ່ດີທີ່ສຸດສຳລັບຄອບຄົວຂອງທ່ານແລ້ວບໍ່?
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ພາກພະນວກ I: ເຄື່ອງຊ່ວຍໃນການຟັງ > ເຄື່ອງຊ່ວຍໃນການຊ່ວຍຟັງເປັນທາງເລືອກທີ່ດີທີ່ສຸດສຳລັບຄອບຄົວຂອງທ່ານແລ້ວບໍ່?
- ບ່ອນທີ່ລູກຂອງທ່ານຈະໄດ້ຮັບການກວດການຟັງ.
- ລາຄາເຄື່ອງຊ່ວຍໃນການຟັງອັນໜຶ່ງຈະມີມູນຄ່າເທົ່າໃດ.
ຄວາມສາມາດໃນການຟັງຂອງລູກຂອງທ່ານຕ້ອງໄດ້ຮັບການກວດຈາກຜູ້ທີ່ໄດ້ຮັບການເຝິກມາ ແລະ ມີເຄື່ອງມືໃນການກວດສອບຢ່າງຄັກແນ່. (ຈົ່ງເບິ່ງໃນບົດທີ 5 ສຳລັບຂ້ໍມູນ ເພີ່ມເຕີມ) ຂ້ໍມູນຈາກ ການກວດດັ່ງກ່າວແມ່ນຖືກນຳໃຊ້ເຂົ້າໃນການຕັ້ງເຄື່ອງຊ່ວຍໃນການຟັງ, ເຊ່ິງມັນຈະມີການປັບສຽງ ໃຫ້ມີລະດັບຄວາມດັງທີ່ເໝາະສົມກັບລູກຂອງທ່ານ ແລະ ເດັກຜູ້ທີ່ໃຊ້ເຄື່ອງຊ່ວຍການຟັງນັ້ນ ຕ້ອງໄດ້ຮັບການກວດຈາກທ່ານໝໍໃນທຸກໆປີ.
ຕໍ່ໄປນີ້ ແມ່ນບັນດາຄຳຖາມຈຳນວນໜຶ່ງທີ່ຄວນພິຈາລະນາ:
ພວກເຮົາສາມາດຮັບພາລະໃນການໃຊ້ຈ່າຍໃນການກວດໄດ້ບໍ່?
ໃນການກວດແຕ່ລະຄັ້ງນັ້ນແມ່ນຕ້ອງໃຊ້ເງິນເປັນຈຳນວນຫຼວງຫຼາຍ, ເຖິງແມ່ນວ່າ ມີບາງບ່ອນທີ່ໄດ້ໃຫ້ການບໍລິການກວດໃຫ້ລ້າ ຫຼື ດ້ວຍມູນຄ່າລາຄາຕ່ຳ.
ພວກເຮົາສາມາດຮັບພາລະໃນການໃຊ້ຈ່າຍສຳລັບເຄື່ອງຊ່ວຍໃນການຟັງບໍ່?
ເຄື່ອງຊ່ວຍໃນກນຟັງແມ່ນແພງຫຼາຍໃນເບື້ອງຕົ້ນ, ແຕ່ວ່າໃນການຊື້ເຄື່ອງຊ່ວຍໃນ ການຟັງນັ້ນ ບໍ່ພຽງແຕ່ຈ່າຍພຽງແຕ່ເທື່ອດຽວເທົ່ານັ້ນ, ເດັກທີ່ມີອາຍຸ 2-6 ປີ ຈະຕ້ອງການປ່ຽນເປົ້າຟັງອັນໃໝ່ໃນທຸກໆ 6 ເດືອນ. ເພາະວ່າ ຫູຂອງພວກເຂົາຈະມີການຈະເລີນເຕີບໂຕ ຢ່າງໄວວາ ແລະ ຫົວເປົ້າຟັງນັ້ນ ກໍ່ຕ້ອງເໝາະສົມເປັນຢ່າງດີ, ຖ້າບໍ່ດັ່ງນັ້ນ ເຄື່ອງຊ່ວຍການຟັງນັ້ນ ກໍ່ຈະບໍ່ເຮັດວຽກຢ່າງເຕັມທີ່.
ທ່ານອາດຈະຕ້ອງການໃຊ້ຖ່ານໃໝ່ ໃນທຸກໆອາທິດ ຫຼື ທຸກໆຂອງເດືອນ. ທ່ານ ຕ້ອງການຖ່ານໂຕ ໃໝ່ສຳລັບເຄື່ອງຊ່ວຍໃນການຟັງຫຼາຍສ່ຳໃດນັ້ນ, ແມ່ນຂຶ້ນກັບຄື: ຈຳນວນຊົ່ວໂມງທີ່ລູກຂອງທ່ານໃຊ້ເຄື່ອງຊ່ວຍໃນການຟັງໃນແຕ່ລະມື້ນັ້ນ, ປະເພດຂອງ ເຄື່ອງຊ່ວຍໃນການຟັງ ທີ່ເດັກໃຊ້ ແລະ ຊະນິດຂອງຖ່ານທີ່ເຂົາໃຊ້
ພວກເຮົາສາມາດກວດສອບເຄື່ອງຊ່ວຍໃນການຟັງໄດ້ທຸກໆມື້ ແລະ ດູແລມັນບໍ່?
ເຄື່ອງຊ່ວຍໃນການຟັງຕ້ອງໄດ້ຮັບການກວດກາທຸກໆເຊົ້າ ເພື່ອໃຫ້ແນ່ໃຈວ່າ ຖ່ານ ແລະ ເຄື່ອງຊ່ວຍດ່ັງກ່າວນັ້ນ ຍັງເຮັດວຽກດີຢູ່ບໍ່, ສ່ວນເປົ້າຟັງຍັງຕ້ອງການທີ່ຈະລ້າງ ແລະ ຕາກໃຫ້ແຫ້ງ ຢ່າງເປັນປົກກະຕິ, ເພື່ອບໍ່ໃຫ້ຂີ້ຝຸ່ນຕັນສຽງທີ່ເຂົ້າໄປໃນຫູນັ້ນ ແລະ ບັນດາອົງປະກອບຂອງເຄື່ອງຊ່ວຍໃນການຟັງຕ້ອງໄດ້ຖືຢ່າງລະມັດລະວັງ. ຖ້າເຄື່ອງຊ່ວຍໃນການຟັງຫາກປຽກ ຫຼື ຕົກ, ມັນອາດຈະເພ ຫຼື ຕ້ອງໄດ້ຮັບການ ສ້ອມແຊມໃໝ່.