ເດັກເກີດໃໝ່ ແລະ ການລ້ຽງລູກດ້ວຍນົມແມ່

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ​​ແອນ້ອຍ​ເກີດ​ໃໝ່ ​ແລະ ການ​ລ້ຽງ​ລູກ​ດ້ວຍ​ນົມ​ແມ່

ຢູ່ໃນພາກນີ້:

 

ຢູ່ໃນພາກນີ້:

ການດູແລເດັກຫຼັງເກີດ

ໃນຊົ່ວໂມງທໍາອິດຫຼັງຈາກເກີດ ສິ່ງທຳມະດາທີ່ທ່ານເຮັດແມ່ນຈະສາມາດຊ່ວຍໃຫ້ເດັກສາມາດມີຊີວິດລອດ ແລະມີສຸຂະພາບດີໃນໄລຍະຍາວ:

1. ຕ້ອງແນ່ໃຈວ່າເດັກຫາຍໃຈໄດ້ດີ.
2. ຮັກສາໃຫ້ເດັກອົບອຸ່ນ ແລະເຊັດໂຕໃຫ້ແຫ້ງ, ໃຫ້ຜິວໜັງສໍາຜັດກັບຜິວໜັງຂອງແມ່.
3. ຊ່ວຍໃຫ້ເດັກເລີ່ມດູດນົມແມ່.

ເດັກກຳລັງຫາຍໃຈໄດ້ດີບໍ?

ເມື່ອເດັກນ້ອຍເກີດມາເຮົາເຮັດເຊັດໂຕເດັກໃຫ້ແຫ້ງ ແລະເອົາໄປວາງໃສ່ເອິກຂອງຜູ້ເປັນແມ່, ຕ້ອງກວດເບິ່ງວ່າເດັກຫາຍໃຈໄດ້ດີບໍ. ເມື່ອທ່ານສາມາດປະຕິບັດໄດ້ທັນການ, ທ່ານສາມາດຊ່ວຍໃຫ້ເດັກທີ່ບໍ່ຫາຍໃຈລອດຊີວິດໄດ້.

ແຂນ ແລະ ຂາແຂງແຮງ ສີຜີວປົກກະຕິດີ ຫາຍໃຈ, ຫຼື ໄຫ້ໄດ້ດີ	ອ່ອນ, ອ່ອນແຫຼວ ສີແດງຊໍ້າ ຫຼື ສີມ້ວງ, ຫຼື ກາຍເປັນສີຟ້າ, ສີຈືດ, ຫຼືສີເຖົ່າ ມີບັນຫາກັບການຫາຍໃຈ, ຫຼືບໍ່ຫາຍໃຈ ຫຼືບໍ່ໄຫ້
ເດັກຄົນນີ້ເບິ່ງຄືສຸຂະພາບດີ	ເດັກຜູ້ນີ້ແມ່ນຕ້ອງການຄວາມຊ່ວຍເຫຼືອຢ່າງໄວວາ.

ຖ້າເດັກມີຕົນຕົວອ່ອນ, ມີສີຟ້າ, ຫຼືບໍ່ຫາຍໃຈ

ຢ່າຕີເດັກ.

1. ທໍາຄວາມສະອາດເອົາຂີ້ສະເຫຼດອອກຈາກປາກຂອງເດັກ ໂດຍໃຊ້ນີ້ວມືທີ່ພັນດ້ວຍຜ້າສະອາດ ຫຼືໃຊ້ສະແລງ ຫຼືແນວດູດດູດເອົາຂີ້ສະເຫຼດອອກຈາກປາກ, ຫຼັງຈາກນັ້ນແມ່ນດັງຂອງເດັກ.


2. ຖູຫຼັງເດັກຂຶ້ນລົງເບົາໆ. ໃຊ້ຜ້າເຊັດໂຕ ຫຼືຜ້າສະອາດເຊັດໃຫ້ແຫ້ງແລ້ວຫົ່ມໃຫ້ອົບອຸ່ນ. ໃຫ້ຖູພື້ນຕີນຂອງເດັກເຊັ່ນກັນ. ສິ່ງເຫຼົ່ານີ້ແມ່ນສາມາດເຮັດໃຫ້ເດັກຫາຍໃຈໄດ້ດີ. ຖ້າວ່າເດັກຍັງບໍ່ຫາຍໃຈ, ຫຼືຢຸດຫາຍໃຈ, ທ່ານຈໍາເປັນຕ້ອງໃຫ້ຄວາມຊ່ວຍເຫຼືອໃນການຫາຍໃຈ.

ການຊ່ວຍເຫຼືອການຫາຍໃຈ

1. ວາງເດັກລົງພື້ນພຽງທີ່ແຂງ: ຢູ່ເທິງໂຕະ ຫຼືພື້ນກໍ່ໄດ້. ຫາຜ້າຮອງພື້ນ ແລະຜ້າຫຸ້ມຫໍ່ຕົນຕົວຂອງເດັກໃຫ້ອົບອຸ່ນສະເໝີ.
2. ຍົກຄາງຂອງເດັກຂຶ້ນເລັກໜ້ອຍ, ເຮັດໃຫ້ຄາງແຫງ່ນຂຶ້ນຫາເພດານ. ທ່ານສາມາດກໍ້ຜ້າແລ້ວຍັດໄວ້ກ້ອງບ່າໄຫຼ່ຂອງເດັກ. ນີ້ມັນສາມາດເຮັດໃຫ້ຮູຄໍເປີດ ແລະສາມາດເຮັດໃຫ້ເດັກຫາຍໃຈໄດ້.

ໜ້າຂອງເດັກຄວນຈະຫງາຍຂຶ້ນແບບນີ້.	ບໍ່ແມ່ນແບບນີ້.

3. ອ້າປາກຂອງທ່ານໃຫ້ກວ້າງ. ໃຫ້ປາກກວມເອົາປາກ ແລະດັງຂອງເດັກ.

ທ່ານສາມາດໃຊ້ຖົງອາກາດ ແລະໜ້າກາກ (bag and mask) ແທນທີ່ຈະໃຊ້ປາກຂອງທ່ານເອງ.

4. ເປົ່າລົມເຂົ້າໃນປອດຂອງເດັກຄ່ອຍໆ. ເປົ່າລົມເຂົ້າເທື່ອລະໜ້ອຍ ແລະໄວໆໃນທຸກໆໜຶ່ງ ຫຼືສອງວິນາທີ. ຕ້ອງລະວັງບໍ່ໃຫ້ເປົ່າລົມເຂົ້າໃຫ້ເດັກແຮງເກີນໄປເພາະວ່າມັນສາມາດທໍາລາຍປອດນ້ອຍໆຂອງເດັກໄດ້.

   ຫຼັງຈາກເປົ່າລົມເຂົ້າ​ແຕ່​ລະ​ຄັ້ງໃຫ້ຖ້າບຶດໜຶ່ງ ​ເພື່ອໃຫ້ເດັກຫາຍໃຈອອກມາ.

   ໜຶ່ງ ແລະ…

   ເປົ່າ.

   
   ຖ້າວ່າອາກາດບໍ່ເຂົ້າ, ໃຫ້ຢຸດ.ໃຫ້ຍົກຄາງຂອງເດັກຂຶ້ນໃຫ້ຂະໜານກັບເພດານເພື່ອໃຫ້ຄໍເປີດແລ້ວໃຫ້ລອງເປົ່າລົມເຂົ້າ ອີກໃໝ່.

   ຖ້າວ່າເດັກເລີ່ມຮ້ອງໄຫ້ ຫຼືຫາຍໃຈດ້ວຍຕົວເອງປະມານ 30 ເທື່ອຕໍ່ນາທີ, ນີ້ແມ່ນໝາຍຄວາມວ່າເດັກປອດໄພແລ້ວ. ຫຼັງຈາກນັ້ນແມ່ນເອົາເດັກໄປວາງໃສ່ໜ້າເອິກຂອງແມ່ ແລະເຮັດໃຫ້ເດັກອົບອຸ່ນ. ຂະນະນີ້ແມ່ນເດັກບໍ່ເປັນຫຍັງແລ້ວ. ແຕ່ກໍ່ໃຫ້ຕິດຕາມໃກ້ຊິດໃນໄລຍະ 2 ຫາ 3 ຊົ່ວໂມງຕໍ່ມາ ສັງເກດເບິ່ງວ່າເດັກຈະມີສີຜີວປົກະຕິບໍ່? ຫາຍໃຈໄດ້ງ່າຍບໍ່? ຖ້າເດັກມີສີຟ້າອ້ອມໆໂຕ ຫຼືປາກ, ຫາຍໃຈຍາກ, ຈົ່ງໃຫ້ຄວາມຊ່ວຍເຫຼືອເດັກ.

   ຖ້າວ່າຫຼັງຈາກພະຍາຍາມຊ່ວຍເດັກຫາຍໃຈປະມານ 20 ນາທີແລ້ວ ເດັກຍັງບໍ່ຫາຍໃຈດ້ວຍຕົວເອງ, ເດັກອາດຈະເສຍຊີວິດແລ້ວ. ໃຫ້ໃກ້ຊິດກັບຄອບຄົວໃນຍາມທີ່ໂສກເສົ້າແນວນີ້. ພວກເຂົາຕ້ອງການການດູແລ ແລະເອົາໃຈໃສ່ຈາກທ່ານ.

   ເຮັດໃຫ້ເດັກອົບອຸ່ນ - ໂດຍການເອົາອາຍອຸ່ນຈາກແມ່ (ເອົາເດັກວາງໄວ້ໜ້າເອິກຂອງແມ່)

   
   

   
   

   

   ໃຫ້ຜິວໜັງຂອງເດັກສໍາພັດກັບຜິວໜັງຂອງແມ່.

   ປົກຫົວຂອງເດັກດ້ວຍໝວກ ຫຼືຜ້າຫົ່ມ.

   ອາຍອຸ່ນຈາກແມ່ໂດຍການເອົາເດັກວາງໄວ້ໜ້າເອິກຂອງແມ່ແມ່ນດີທີ່ສຸດ.

   
   

   
   ຕ້ອງໃຫ້ຄວາມອົບອຸ່ນແກ່ເດັກເກີດໃໝ່ ແລະເຊັດເດັກໃຫ້ແຫ້ງ. ອາຍອຸ່ນຈາກແມ່ຈະຊ່ວຍໃຫ້ຄວາມອົບອຸ່ນແກ່ເດັກ. ຢ່າເອົາ ເດັກໄປຈາກແມ່ເພື່ອທໍາການກວດ ຫຼືເອົາໄປອາບນໍ້າ. ມັນບໍ່ຈໍາເປັນທີ່ຈະອາບນໍ້າໃຫ້ເດັກທີ່ຫາກໍ່ເກີດ ເພາະວ່າມັນຈະເປັນ ອັນຕະລາຍແກ່ເດັກ ເຮັດໃຫ້ເດັກໜາວສັ່ນໄດ້. ແລະກໍບໍ່ມີເຫດຜົນທີ່ຈະແຍກລູກອອກຈາກແມ່ນອກຈາກວ່າທ່ານຕ້ອງໃຫ້ການ ຊ່ວຍເຫຼືອເດັກໃນການຫາຍໃຈ.

   • ເຊັດເດັກໃຫ້ແຫ້ງ ໃນຂະນະທີ່ທ່ານເອົາເດັກໄວ້ເທິງໜ້າເອິກຂອງແມ່.
   • ໃຫ້ຄວາມອົບອຸ່ນແກ່ເດັກ ໂດຍເອົາເດັກທີ່ບໍ່ໃສ່ເຄື່ອງນຸ່ງໃສ່ເທິງໜ້າເອີກຂອງແມ່ໃຫ້ຜິວໜັງລູກແປະກັບຜິວໜັງຂອງແມ່ໂດຍກົງໂດຍບໍ່ມີຫຍັງຂັ້ນກາງ.

   ຫຼັງຈາກນັ້ນເອົາຜ້າຫົ່ມ ຫຼືເຄື່ອງຫົ່ມປົກໃຫ້ທັງແມ່ ແລະເດັກໃຫ້ມີຄວາມອົບອຸ່ນ. ຖ້າວ່າຜ້າຫົ່ມທີ່ປຽກແມ່ນໃຫ້ປ່ຽນຜ້າຫົ່ມ ທັນທີເພາະວ່າຈະເຮັດໃຫ້ເດັກນ້ອຍໝາວ.

   ຖ້າວ່າແມ່ຕ້ອງຖືກນໍາສົ່ງເດັກໄປໂຮງໝໍ ຫຼືຍ້ອນເຫດຜົນອື່ນທີ່ພວກເຂົາບໍ່ສາມາດໃຫ້ຄວາມອົບອຸ່ນແກ່ລູກໂດຍການເອົາລູກແປະເທິງໜ້າເອິກແມ່ໄດ້ ຜູ້ເປັນພໍ່ ຫຼືຜູ້ອຶື່ນໃນຄອບຄົວສາມາດເຮັດໜ້າທີ່ນີ້ແທນໄດ້.

   ເລີ່ມໃຫ້ລູກກິນນົມແມ່

   ສ່ວນຫຼາຍແອນ້ອຍມັກນອນຫຼັບພາຍໃນເວລາປະມານໜຶ່ງຊົ່ວໂມງຫຼັງຈາກເກີດ. ຄວນຈະໃຫ້ນົມແມ່ກ່ອນເດັກຈະນອນຫຼັບ. ສະນັ້ນຖ້າເດັກບໍ່ກິນນົມເທື່ອໃຫ້ພະຍາຍາມບີບເອົານົມແມ່ຈັກສອງສາມຢອດ ຢອດໃສ່ປາກຂອງແອນ້ອຍໃຫ້ລາວໄດ້ຮູ້ລົດຊາດຂອງນົມແມ່. ຫຼື ວ່າໃຫ້ເອົາຫົວນົມແມ່ຕ້ອຍໃສ່ແກ້ມຂອງເດັກ. ບໍ່ມີຫັຍງທີ່ຈະໃຫ້ເຮັດໃຫ້ເດັກນ້ອຍ ມີສຸຂະພາບດີເທົ່າກັບນົມແມ່. ສໍາລັບຂໍ້ມູນກ່ຽວກັບການໃຫ້ນົມແມ່ ແລະ ຄວາມສໍາຄັນຂອງການໃຫ້ນົມທີ່ໄຫຼອອກຄັ້ງທໍາອິດຂອງແມ່, ທີ່ເອີ້ນວ່ານ້ຳນົມເຫຼືອງ, ຄຼິກເບິ່ງຢູ່​ບ່ອນ​ນີ້