ຢາສຳລັບອາການແພ້ ຫຼື ແກ້ຄັນ: ຢາແກ້ແພ້

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ​​ການເບິ່ງແຍງເດັກ > ຢາສຳລັບອາການແພ້ ຫຼື ແກ້ຄັນ: ຢາແກ້ແພ້

ການເບິ່ງແຍງເດັກ: ຢາປິ່ນປົວ

 

ການເບິ່ງແຍງເດັກ: ຢາປິ່ນປົວ

• ຢາສຳລັບຫຼຸດຜ່ອນອາການເຈັບປວດ ແລະ ໄຂ້
• ຢາຕ້ານເຊື້ອແມ່ນຕໍ່ສູ້ກັບການຕິດເຊື້ອ
• ຢາສຳລັບອາການຊັກ
• ຢາສຳລັບອາການແພ້ ຫຼື ແກ້ຄັນ: ຢາແກ້ແພ້
• ຢາຂ້າແມ່ທ້ອງ
• ວິຕະມິນ ແລະ ແຮ່ທາດ

ອາການຄັນ, ນ້ຳມູກໄຫຼ ແລະ ຜື່ນຂຶ້ນເປັນສາເຫດມາຈາກການແພ້, ສາມາດປິ່ນປົວດ້ວຍຢາແກ້ແພ້ໄດ້. ທຸກຢາແກ້ແພ້ອອກລິດໄດ້ດີຄືກັນໝົດ. ດັ່ງນັ້ນຖ້າວ່າທ່ານບໍ່ມີ chlorpheniramine (ອະທິບາຍໃນຂ້າງລຸ່ມນີ້) ຫຼື diphenhydramine, ສາມາດນຳໃຊ້ຢາແກ້ແພ້ໂຕອື່ນໃນປະລິມານທີ່ຖືກຕ້ອງ (ມັນຈະແຕກຕ່າງກັນໃນແຕ່ລະໂຕຢາ). ທຸກຢາແກ້ແພ້ທຸກຊະນິດສາມາດເຮັດໃຫ້ຄົນເຈັບງ້ວງໄດ້, ແຕ່ຢາບາງຊະນິດແມ່ນອາດຈະເຮັດໃຫ້ງ້ວງກວ່າບາງຊະນິດ.

ຢາຈຳພວກນີ້ບໍ່ມີປະໂຫຍດໃນຄົນເຈັບທີ່ເປັນໄຂ້ຫວັດ.

ສຳລັບການແພ້ທີ່ຮຸນແຮງທີ່ມີອາການຫາຍໃຈຝືດ, ການໃຊ້ epinephrine (adrenaline) ແມ່ນມີຄວາມຈຳເປັນກວ່າ ຢາແກ້ແພ້ antihistamines.

ຢາຄລໍເຟນິຣາມິນ Chlorpheniramine, chlorphenamine

---

Chlorpheniramine ແມ່ນຢາແກ້ແພ້ຊະນິດໜຶ່ງທີ່ສາມາດຫຼຸດຜ່ອນອາການຄັນ, ນ້ຳມູກໄຫຼ, ຜື່ນ ແລະ ບັນຫາອື່ນໆທີ່ເກີດຈາກການແພ້. ຢາຊະນິດນີ້ມັນສາມາດນຳໃຊ້ຫຼັງຈາກຖືກແມງໄມ້ຕອດ, ແພ້ເລັກໜ້ອຍທີ່ເກີດຈາກການແພ້ອາຫານ ຫຼື ຢາ, ຫຼືສຳລັບ ບັນຫາທີ່ເກີດຈາກການລະລາຍເຄືອງ “hay fever” (ນ້ຳມູກໄຫຼ ແລະ ຄັນຕາຈາກຂີ້ຝຸ່ນທີ່ຢູ່ໃນອາກາດ).

ຜົນ​ຂ້າງຄຽງ

ມີອາການງ້ວງນອນ (ແຕ່ມີຜົນໜ້ອຍກວ່າຢາແກ້ແພ້ໂຕອື່ນ).

ຈະ​ໃຊ້​ແນວ​ໃດ

ອາຍຸແຕ່ 1 ຫາ 2 ປີ: ໃຫ້ຢາໃນປະລິມານ 1 ມກ, ແບ່ງ 2 ຄັ້ງ/ມື້ ຈົນກວ່າເດັກນ້ອຍມີອາການຈະດີຂຶ້ນ.
ອາຍຸແຕ່ 3 ຫາ 5 ປີ: ໃຫ້ຢາປະລິມານ 1 ມກ, ແບ່ງ 4 ຫາ 6 ຄັ້ງ/ມື້ ຈົນກວ່າເດັກນ້ອຍມີອາການຈະດີຂຶ້ນ.
ອາຍຸແຕ່ 6 ຫາ 12 ປີ: ໃຫ້ຢາປະລິມານ 2 ມກ, ແບ່ງ 4 ຫາ 6 ຄັ້ງ/ມື້ ຈົນກວ່າເດັກນ້ອຍມີອາການຈະດີຂຶ້ນ.
ອາຍຸຫຼາຍກວ່າ 12 ປີ: ໃຫ້ຢາປະລິມານ 4 ມກ, ແບ່ງ 4 ຫາ 6 ຄັ້ງ/ມື້ ຈົນກວ່າເດັກນ້ອຍມີອາການຈະດີຂຶ້ນ.

ສໍາລັບອາການແພ້ທີ່ຮຸນແຮງ, ກ່ອນອື່ນໝົດໃຫ້ສັກຢາ epinephrine. ຫຼັງຈາກນັ້ນໃຫ້ສັກຢາ chlorpheniramine ໃນປະລິມານທີ່ຢູ່ຂ້າງເທິງ ເພື່ອປ້ອງກັນອາການແພ້ກັບມາອີກຄັ້ງເມື່ອ epinephrine ໝົດລິດ. (ຫາກທ່ານບໍ່ມີ chlorpheniramine ແນວສັກ, ໃຫ້ກິນກໍໄດ້ໂດຍໃຫ້ຕາມໃນປະລິມານທີ່ໄດ້ກວ່າໄວ້ທາງຂ້າງເທິງນັ້ນ).

ອາຍຸ 1 ຫາ 5 ປີ: ສັກຢາໃນປະລິມານ 2.5 ຫາ 5 ມກ, ໃຫ້ທຸກໆ 4 ຫາ 6 ຊົ່ວໂມງຈົນກວ່າອາການແພ້ຈະຫາຍໄປ.
ອາຍຸ 6 ຫາ 12 ປີ: ສັກຢາໃນປະລິມານ 5 ຫາ 10 ມກ, ໃຫ້ທຸກໆ 4 ຫາ 6 ຊົ່ວໂມງຈົນກວ່າອາການແພ້ຈະຫາຍໄປ.
ອາຍຸຫຼາຍກວ່າ 12 ປີ: ສັກຢາໃນປະລິມານ 10 ຫາ 20 ມກ (ຫ້າມໃຫ້ເກີນ 40 ມກພາຍໃນ 24 ຊົ່ວໂມງ), ໃຫ້ທຸກໆ 4 ຫາ 6 ຊົ່ວໂມງຈົນກວ່າອາການແພ້ຈະຫາຍໄປ.

This page was updated: ໐໕ ມັງກອນ ໒໐໒໔