Hesperian Health Guides
ການທຳຄວາມເຂົ້າໃຈກຸ່ມຄຳສັບທີ່ຄົນອື່ນໃຊ້
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 9: ການຮຽນຮູ້ເພື່ອໝູນໃຊ້ພາສາເວົ້າ > ການທຳຄວາມເຂົ້າໃຈກຸ່ມຄຳສັບທີ່ຄົນອື່ນໃຊ້
ວິທີຊ່ວຍໃຫ້ລູກຂອງທ່ານເຂົ້າໃຈກຸ່ມຄຳສັບ
- ເມື່ອລູກຂອງທ່ານເວົ້າຊື່ວັດຖຸ ຫຼື ບຸກຄົນໃດໜຶ່ງ, ຈົ່ງຂະຫຍາຍ ສິ່ງທີ່ເຂົາເວົ້າ. ເນັ້ນສຽງກຸ່ມຄຳສັບທີ່ທ່ານຢາກໃຫ້ລູກຮຽນ ແລະ ເວົ້າຄືນກຸ່ມຄຳສັບດັ່ງກ່າວຊ້ໍາໄປຊ້ໍາມາ.
- ຍ້ອງຍໍເດັກເມື່ອເດັກມີການຕອບສະໜອງແນວໃດແນວ ໜຶ່ງ. ຖ້າເຂົາບໍ່ມີການຕອບສະໜອງໃຫ້ເວົ້າຄືນຄຳສັບເຫຼົ່າ ນັ້ນຫຼາຍໆຄັ້ງ.
- ໃຊ້ຄຳສັບດ່ັງກ່າວໃຫ້ຫຼາຍເທົ່າທີ່ຈະຫຼາຍໄດ້ຕະຫຼອດມື້. ກະຕຸ້ນໃຫ້ສະມາຊິກໃນຄອບຄົວຄົນອື່ນໆ ໃຊ້ມັນຄືກັນ.
ໄກ່!
ປ່ອຍໄກ່, ປັນຍາ, ມື້ນີ້ ພວກເຮົາຕ້ອງ ການໄຂ່ໄກ່.
ລູກລອງຊອກໄຂ່ໄກ່ອີກເບິ່ງ? ພວກເຮົາຊິຂົ້ວໄຂ່ກິນແລງ.
ແມ່ບອກວ່າມື້ນີ້ເຈົ້າ ຊອກໄຂ່ໄກ່ໄດ້ 3 ໜ່ວຍບໍ?
ໄຂ່
ໃນຕົວຢ່າງນີ້ ພໍ່ ແລະ ແມ່ ນຳເອົາຊື່ຂອງວັດຖຸ (ໄຂ່) ມາປະ ສົມກັບຄຳທີ່ໃຊ້ຂະຫຍາຍມັນ (ໄກ່). ການໝູນໃຊ້ກຸ່ມຄຳສັບ ໃນປະໂຫຍກສົມບູນຊ່ວຍໃຫ້ເດັກຫັນຄວາມສົນໃຈໃສ່ຄຳສັບ ນັ້ນໆ.
ເພື່ອສອນລູກໃຫ້ຮູ້ຈັກກຸ່ມຄຳສັບອື່ນໆ, ພະຍາຍາມເອົາຊື່ຂອງວັດຖຸ ແລະ ບຸກຄົນມາປະກອບເຂົ້າກັບ:
- ຄຳສັບທີ່ສະແດງການກະທຳຂອງບຸກຄົນ ຫຼື ວັດ ຖຸສິ່ງຂອງ.
ປາລອຍນ້ໍາ
- ຄຳສັບທີ່ສະແດງວ່າວັດຖຸນັ້ນ ຂຶ້ນກັບໃຜ ຫຼື ຂຶ້ນກັບສິ່ງໃດ.
ເສື້ອຂອງພໍ່
- ຄຳສັບທີ່ສະແດງວ່າວັດຖຸ ຫຼື ບຸກຄົນນັ້ນຢູ່ໃສ.
ປານີ ຢູ່ເທິງ ໂອ້ນຊາ
- ຄຳສັບທີ່ສະແດງວ່າບຸກ ຄົນຕ້ອງການໃຫ້ສິ່ງໃດ ໜຶ່ງເກີດຂຶ້ນອີກ.
ເຈົ້າຕ້ອງການ ຖົ່ວຕ່ືມບໍ?
- ຄຳສັບທີ່ສະແດງວ່າບາງສິ່ງບາງຢ່າງໄດ້ສິ້ນສຸດລົງ ຫຼື ບໍ່ສາມາດເຮັດສຳເລັດ.
ເຂົ້າໝົດແລ້ວ.
ເດັດໝາກຖົ່ວ ແລະ ເອົາໃສ່ໃນກະຕ່າ.
ວິທີຊ່ວຍໃຫ້ເດັກເຮັດຕາມຄຳຂໍຮ້ອງ 2 ຂັ້ນ
ເມື່ອລູກຂອງທ່ານເຂົ້າໃຈຄຳສັບຂຶ້ນຫຼາຍແດ່ແລ້ວ, ເຂົາສາມາດເຮັດຕາມຄຳຂໍຮ້ອງທີ່ຍາກຂຶ້ນໄດ້. ທ່ານອາດເລີ່ມຕົ້ນຈາກການຂະຫຍາຍຄຳຂໍຮ້ອງແບບພື້ນຖານທີ່ເດັກສາມາດເຂົ້າໃຈແລ້ວໂດຍການເຮັດໃຫ້ຄຳຂໍ ຮ້ອງດັ່ງກ່າວມີ 2 ຂັ້ນ.
ປານີ, ເອົາກະຕ່ານັ້ນໄປ ຖອກ ແລະ ເອົາມັນກັບມາ.
ຈາກນັ້ນຈິ່ງເຮັດໃຫ້ຄຳຂໍຮ້ອງມີຄວາມຍາກຂຶ້ນກວ່າເກົ່າ.