Hesperian Health Guides
ເຊື້ອໄວຣັດສ໌ເວັດນາຍ
ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ໄຂ້ມາລາເລຍ, ໄຂ້ເລືອດອອກ, ແລະໂລກໄພໄຂ້ເຈັບອື່ນໆທີ່ເກີດຈາກຍຸງ > ເຊື້ອໄວຣັດສ໌ເວັດນາຍ
ເຊື້ອໄວຣັດສ໌ເວັດນາຍໄດ້ຖືກແຜ່ເຊື້ອໂດຍຍຸງພັນ Culex. ຍຸງເຫຼົ່ານີ້ແມ່ນມີຂະໜາດກາງ, ມີສີນ້ຳຕານ, ແລະມີລາຍສີຂາວຢູ່ບໍລິເວນທ້ອງຂອງມັນ. ໃນຕອນກາງເວັນ, ມັນອາໄສຢູ່ໃນບໍລິເວນເຮືອນ ແລະ ຕາມສິ່ງກໍ່ສ້າງຕ່າງໆ ແລະມັກຢູ່ບໍລິເວນຮົ່ມໄມ້ຕ່າງໆ. ໂຕກາ, ນົກຊະນິດອື່ນໆ ແລະມ້າເປັນພາຫະນຳເຊື້ອໄວຣັດສ໌ເວັດນາຍນີ້. ຍຸງໄດ້ໄປກັດສັດທີ່ຕິດເຊື້ອ ແລະ ຫຼັງຈາກນັ້ນກໍໄດ້ມາກັດຄົນ, ເຊິ່ງເປັນການ ສົ່ງຜ່ານ ໄວຣັດສ໌ ແລະ ກໍ່ໃຫ້ເກີດເປັນພະຍາດ.
ອາການອອກຂອງເຊື້ອໄວຣັດສ໌ ເວັດນາຍ
ຄົນສ່ວນໃຫຍ່ທີ່ຕິດເຊື້ອໄວຣັດສ໌ເວັດນາຍ ບໍ່ໄດ້ມີອາການສະແດງອອກການເຈັບປ່ວຍໃດໆ ແລະ ອາດບໍ່ຮູ້ ຕົວວ່າເຂົາເຈົ້າໄດ້ມີເຊື້ອນີ້ແລ້ວ. ແຕ່ 1 ໃນ 5 ຄົນທີ່ຕິດເຊື້ອຈະຮູ້ສຶກປ່ວຍ ແລະ ອາດມີ ບາງອາການດັ່ງຕໍ່ ໄປນີ້:
- ໄຂ້
- ເຈັບຫົວ
- ຮູ້ສຶກອິດເມື່ອຍຕະຫຼອດເວລາ (ອິດເມື່ອຍອ່ອນແຮງ)
- ເຈັບປວດຕາມຕົນໂຕ
- ຮາກ
- ເປັນຜື່ນຕາມຕົນໂຕ
- ຄຳພົບຕ່ອມກະດັນ
ການປິ່ນປົວ ອາດຊ່ວຍໃຫ້ທ່ານຮູ້ສຶກດີຂຶ້ນ.
ໂລກໄວຣັດສ໌ເວັດນາຍ ສາມາດເປັນຂັ້ນຮຸນແຮງໄດ້, ເຖິງແນວໃດກໍບໍ່ມັກພົບເລື້ອຍ. ແບບທີ່ຮຸນແຮງ ແມ່ນເຂົ້າສະໝອງ. ຜູ້ເຖົ້າແມ່ນມີແນວໂນ້ມທີ່ຈະພັດທະນາໄປເປັນແບບທີ່ຮຸນແຮງໄດ້ກວ່າຄົນໜຸ່ມນ້ອຍ. ໃຫ້ໄປພົບແພດໝໍຢ່າງໄວວາຫາກມີອາການອັນຕະລາຍສະແດງທີ່.
ອາການຕ່າງໆທີ່ອັນຕະລາຍຂອງໄວຣັດສ໌ເວັດນາຍແບບຮຸນແຮງ
- ຄໍແຂງ
- ກະຕຸກ (ສັ່ນ)
- ອຳມະພາດ (ບໍ່ສາມາດເຄື່ອນເໜັງໄປມາໄດ້)
- ໝົດສະຕິ
ການປ້ອງກັນ
ນົກຕາຍ ແລະ ມ້າທີ່ເຈັບປ່ວຍໃນຂົງເຂດທີ່ມີໄວຣັດສ໌ເວັດນາຍນັ້ນຄືສັນຍານທີ່ບອກວ່າ ພະຍາດ ອາດຈະ ເລີ່ມເກີດໄດ້ໃນຄົນ. ມັນມີວັກແຊ້ງສຳລັບໂຕມ້າທີ່ໄວ້ປ້ອງກັນໄວຣັດສ໌ເວັດນາຍ; ສະນັ້ນການໃຫ້ຢາ ວັກແຊ້ງ ແກ່ມ້າກໍສາມາດປົກປ້ອງການຕິດເຊື້ອສູ່ຄົນໄດ້ອີກດ້ວຍ. ຮູບແບບຂອງພະຍາດນີ້ແມ່ນສົ່ງຜົນຕໍ່ສະໝອງ. ດັ່ງນັ້ນກໍຄວນຫຼີກເວັ້ນຍຸງກັດເຊັ່ນກັນ ແລະ ການປ້ອງກັນການເພາະພັນຂອງຍຸງ.