Hesperian Health Guides
ວິທີໃນການຮັກສາເຄື່ອງຊ່ວຍໃນການຟັງ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ພາກພະນວກ I: ເຄື່ອງຊ່ວຍໃນການຟັງ > ວິທີໃນການຮັກສາເຄື່ອງຊ່ວຍໃນການຟັງ
ສິ່ງຕໍ່ໄປນີ້ແມ່ນເຄັດລັບຈຳນວນໜຶ່ງ ສຳລັບການໃຊ້ເຄື່ອງຊ່ວຍໃນການຟັງທີ່ດີ
- ຮັກສາເຄື່ອງຊ່ວຍໃນການຟັງນັ້ນ ໃຫ້ຢູ່ຫ່າງໄກຈາກອຸປະກອນການໃຊ້ໄຟຟ້າ ເຊັ່ນ: ຕູ້ເຢັນ ແລະ ໂທລະທັດ.
- ບໍ່ໃຫ້ເຄື່ອງຊ່ວຍໃນການຟັງນັ້ນຢູ່ໃນອຸນຫະພູມທີ່ຮ້ອນຫຼາຍ ຫຼື ເຢັນຫຼາຍ
- ຈົ່ງຮັກສາໃຫ້ມັນແຫ້ງຢູ່ສະເໝີ, ເພາະວ່າເຫື່ອ ຫຼື ນ້ໍາສາມາດທຳລາຍເຄື່ອງຊ່ວຍໃນ ການຟັງ. ໃນເວລາຕອນກາງເວັນ ແມ່ນໃຫ້ພະຍາຍາມເຊັດເຫື່ອ ຫຼື ຄວາມຊຸ່ມອອກ, ຈົ່ງປົດ ເຄື່ອງຊ່ວຍໃນການຟັງອອກກ່ອນທີ່ຈະອາບນ້ໍາ ຫຼື ລອຍນ້ໍາ ຫຼື ໃນເວລາທີ່ຕາກຝົນ. ໃນເວລາກາງຄືນ ໃຫ້ເອົາເຄື່ອງຊ່ວຍໃນການຟັງເຂົ້າໄວ້ໃນພາຊະນະບັນຈຸແພນຸ້ມທີ່ມີສານດູດຊຶມຄວາມຊຸ່ມຊື່ນ ບໍ່ໃຫ້ໃຊ້ນ້ໍາຫອມ ຫຼື ສະເປທຸກທປະເພດ ສິດໃສ່ເຄື່ອງຊ່ວຍໃນການຟັງດັ່ງກ່າວ.
ການທຳຄວາມສະອາດ
- ໃຊ້ແພທີ່ນຸ້ມ ແລະ ແຫ້ງດີ ໃນການທຳຄວາມສະອາດມັນ, ບໍ່ໃຫ້ໃຊ້ທາດແຫຼວອໃດໆ ທັງໝົດທຳຄວາມສະອາດ.
ເປົ້າຟັງ
- ກວດເບິ່ງຂີ້ຫູທີ່ຢູ່ໃນເປົ້າຟັງນັ້ນຢ່າງເປັນປົກກະຕິ.
- ທຳຄວາມສະອາດເປົ້າຟັງດ້ວຍນ້ໍາອຸ່ນ.
ຖ່ານ (Battery)
- ການທີ່ຈະເຮັດໃຫ້ຖ່ານໃຊ້ໄດ້ດົນນັ້ນ ໃຫ້ປິດເຄື່ອງຊ່ວຍໃນການຟັງ ເມື່ອບໍ່ໄດ້ໃຊ້ງານ ແລ້ວ.
- ຈົ່ງຮັກສາໃຫ້ຖ່ານນັ້ນສະອາດ ແລະ ເອົາເຄື່ອງຊ່ວຍໃນການຟັງນັ້ນອອກ ເມື່ອບໍ່ໄດ້ໃຊ້ ເປັນເວລາດົນນານ, ຕົວຢ່າງ: ຕອນທີ່ເດັກນອນຕອນກາງຄືນ.
- ປ່ຽນຖ່ານເປັນປົກກະຕິ, ໃຫ້ກວດເບິ່ງ ເມື່ອຮອດເວລາປ່ຽນຖ່ານແລ້ວ ດ້ວຍການເປີດໃຫ້ຢູ່ໃນລະດັບສຽງທີ່ສູງສຸດ, ຖ້າຫາກສຽງຂອງນົກບິນຍັງສາມາດໄດ້ຍິນ ແມ່ນຖືວ່າ ຖ່ານດັ່ງກ່າວນັ້ນຍັງສາມາດໃຊ້ໄດ້. ແຕ່ຖ້າຫາກບໍ່ດັ່ງນັ້ນ ກໍ່ໝາຍວ່າ ມັນເຖິງເວລາທີ່ຈະຕ້ອງປ່ຽນຖ່ານໃໝ່ແລ້ວ. ຖ້າຫາກຖ່ານສູນເສຍພະລັງງານໄປຢ່າງຜິດປົກກະຕິ ມັນອາດຈະເປັນສັນຍານເຖິງບັນຫາທີ່ຈະເກີດຂຶ້ນກັບເຄື່ອງຊ່ວຍໃນການຟັງ.
- ຈົ່ງຮັກສາຖ່ານໄວ້ໃນບ່ອນທີ່ມີອາກາດເຢັນ, ແຫ້ງໃຫ້ນຳເອົາຖ່ານທີ່ເກັບມ້ຽນໃນຕູ້ເຢັນນັ້ນ ໄປໃນຫ້ອງທີ່ມີອຸນຫະພູມທີ່ສູງເສຍກ່ອນ, ກ່ອນທີ່ຈະໃຊ້ງານ.
ຈົ່ງພະຍາຍາມນຳເອົາເຄື່ອງຊ່ວຍໃນການຟັງໄປກວດກາໃນຄີນິກທີ່ກ່ຽວຂ້ອງກັບເຄື່ອງຊ່ວຍໃນການຟັງ ຫຼື ຫ້າງຮ້ານຕ່າງໆ ຕາມໄລຍະເວລາທີ່ກຳນົດໃຫ້.
ເຄື່ອງຊ່ວຍໃນການຟັງນັ້ນ ອາດຈະຕ້ອງໄດ້ຮັບການສ້ອມແປງ, ຕາມປົກກະຕິແລ້ວ ການສ້ອມແປງນັ້ນ ສາມາດເຮັດໄດ້ໃນສະເພາະບັນດາຕົວເມືອງໃຫຍ່ເທົ່ານັ້ນ. ແຕ່ອົງການເດັກພິການທາງຫູ ໄດ້ເລີ່ມມີການເຝິກອົບຮົມໃຫ້ແກ່ຄົນພິການທາງຫູ ໂດຍປະກອບມີການສ້າງເປົ້າຟັງ ແລະ ສ້ອມແປງເຄື່ອງຊ່ວຍໃນ ການຟັງ.
ບັນຫາ ແລະ ການແກ້ໄຂບັນຫາທົ່ວໄປ ສຳລັບເຄື່ອງຊ່ວຍໃນການຟັງ
ຈົ່ງໃຊ້ລາຍການຕໍ່ໄປນີ້ ຊ່ວຍທ່ານໃນການກວດສອບ ແລະ ສ້ອມແປງບາງບັນຫາທີ່ທຳມະດາທີ່ມັກເກີດຂຶ້ນກັບເຄື່ອງຊ່ວຍໃນການຟັງ, ຖ້າຫາກເຄື່ອງຊ່ວຍໃນການຟັງດັ່ງກ່າວ ຍັງບໍ່ທັນເຮັດວຽກ, ມັນອາດຈະຕ້ອງໄດ້ຮັບການສ້ອມແປງ.
| ຖ້າຫາກເຄື່ອງຊ່ວຍໃນການຟັງຕາຍ:" |  | ||
|
ເປີດສະວິກ. | ||
|
ປ່ຽນ ຖ່ານອອກ. | ||
|
ກວດເບິ່ງ ສົ້ນລົບ ແລະ ສົ້ນບອກຂອງຖ່ານ ນັ້ນແມ່ນຖືກຕ້ອງກັບ ລະບົບໄຟຂອງ ເຄື່ອງຊ່ວຍໃນການຟັງນັ້ນແລ້ວບໍ່. | ||
|
ປ່ຽນ ສາຍໄຟໃໝ່. | ||
|
ທຳຄວາມ ສະອາດເປົ້າຟັງຫູ. | ||
|
ປ່ຽນຖ່ານ ໃໝ່, ຜັດໃຫ້ສະອາດ ແລະ ເອົາໄວ້ໃນແພ ທີ່ມີທາດດູດຄວາມຊຸ່ມ. | ||
| ຖ້າຫາກສຽງບໍ່ດັງເທົ່າທີ່ຄວນ | |||
|
ປ່ຽນ ທ່ານໃໝ່. | ||
|
ເປີດ ໃຫ້ສຽງດັງຂຶ້ນ. | ||
|
ເອົາເຂົ້າ ໄປໃນຫູຢ່າງລະມັດລະວັງ. | ||
|
ທຳຄວາມ ສະອາດຂີ້ຫູ. | ||
|
ກວດສອບ ເບິ່ງການຟັງ. | ||
| ຖ້າຫາກມີສຽງລົບກວນເກີດຂຶ້ນ | |||
|
ປ່ຽນຖ່ານ. | ||
|
ປ່ຽນສາຍ. | ||
| ຖ້າຫາກມີສຽງຄ້າຍຄືກັບການທອດໄຂ່ | |||
|
ປ່ຽນຖ່ານ. | ||
| ຖ້າຫາກສຽງບໍ່ຈະແຈ້ງ ຫຼື ບິດເບືອນໄປແນວອື່ນ | |||
|
ປ່ຽນຖ່ານ. | ||
|
ປ່ຽນສາຍ. | ||
|
ເປີດໃຫ້ ໄມອອກມາ. | ||
|
ທຳຄວາມສະອາດ ໂດຍການໃຊ້ຜ້າ ທີ່ນຸ້ມ ຫຼື ຟອຍຜັດ. | ||