Hesperian Health Guides
ພາກພະນວກ I: ເຄື່ອງຊ່ວຍໃນການຟັງ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ພາກພະນວກ I: ເຄື່ອງຊ່ວຍໃນການຟັງ
ເຄື່ອງຊ່ວຍໃນການຟັງສາມາດໃສ່ໄດ້ດ້ວຍຫູເບື້ອງດຽວ ຫຼື ຫູທັງສອງເບື້ອງ, ຂຶ້ນກັບແຕ່ລະປະເພດການສູນເສຍ ການຟັງໃນແຕ່ລະປະເພດທີ່ເດັກເປັນ ເຊິ່ງມັນສາມາດຊ່ວຍເດັກຜູ້ທີ່ສາມາດໄດ້ຍິນສຽງສ່ວນໃດສ່ວນໜຶ່ງນັ້ນ ໄດ້ຍິນສຽງດີຂຶ້ນກວ່າເກົ່າ. ຖ້າຫາກເດັກບໍ່ສາມາດໄດ້ຍິນສຽງໄດ້ຈັກໜ້ອຍເລີຍ, ເຄື່ອງຊ່ວຍໃນການຟັງນັ້ນກໍ່ບໍ່ສາມາດທີ່ຈະຊ່ວຍຫຍັງໄດ້.
ເຄື່ອງຊ່ວຍໃນການຟັງແມ່ນເໝາະສົມກັບລູກຂອງຂ້ອຍບໍ່?
ເຄື່ອງຊ່ວຍໃນການຟັງຈະໄດ້ຮັບຜົນດີ ຖ້າຫາກມັນເໝາະສົມກັບຫູຂອງເດັກ. ເປົ້າຟັງຫູ (ພາກສ່ວນທີ່ນຳເຂົ້າໄປໃນຫູ) ເຊິ່ງເຮັດໜ້າທີ່ຮັບສຽງມາຈາກອຸປະກອນທີ່ຢູ່ພາຍນອກຂອງຫູ ແລະ ເປົ້າຟັງຫູທັງສອງຂ້າງບາງອັນກໍ່ຈະບໍ່ພໍດີກັບຫູຂອງເດັກ. ເປົ້າຟັງຫູຕ້ອງໄດ້ຮັບການກວດກາຢ່າງໜ້ອຍ 2 ຄັ້ງຕໍ່ປີ, ມັນຈຳເປັນ ຕ້ອງໄດ້ປ່ຽນຕາມການຈະເລີນເຕີບໂຕຂອງຫູຂອງເດັກ ແລະ ປ່ຽນຂະໜາດ ຮູບຮ່າງຂອງມັນ.
ສິ່ງທີ່ເຄື່ອງຊ່ວຍໃນການຟັງສາມາດເຮັດໄດ້
ຜົນໄດ້ຮັບຂອງເຄື່ອງຊ່ວຍໃນການຟັງ ແມ່ນຂຶ້ນກັບປະເທດຂອງການສູນເສຍການຟັງທີ່ ເດັກເປັນຢູ່ນັ້ນ.
- ຖ້າຫາກວ່າເດັກສາມາດໄດ້ຍິນສຽງສ່ວນໃດສ່ວນໜຶ່ງ, ເຄື່ອງຊ່ວຍໃນການຟັງຈະຊ່ວຍໃຫ້ເຂົາຮູ້ໄດ້ ແລະ ລະວັງຕົວຕໍ່ສຽງອັນຕະລາຍທີ່ອາດຈະເກີດຂຶ້ນກັບເຂົາ.
- ຖ້າຫາກສາມາດໄດ້ຍິນສຽງຄຳເວົ້າທີ່ບໍ່ຈະແຈ້ງປານໃດ, ເຄື່ອງຊ່ວຍໃນການຟັງຈະຊ່ວຍເຮັດໃຫ້ສຽງຄຳເວົ້າດັ່ງກ່າວນັ້ນ ດັງແຮງຂຶ້ນ ແລະ ອາດຈະຊ່ວຍເຂົາໃຫ້ໄດ້ຍິນໃນສິ່ງທີ່ຄົນອື່ນເວົ້າ. ສິ່ງດັ່ງກ່າວນີ້ ຍັງສາມາດຊ່ວຍໃຫ້ເດັກຮຽນຮູ້ພາສາເວົ້າໄດ້.
- ຖ້າຫາກເດັກສາມາດໄດ້ຍິນສຽງໄດ້ພາກສ່ວນໃດພາກສ່ວນໜຶ່ງ, ເຄື່ອງຊ່ວຍໃນການຟັງຈະຊ່ວຍໃນການໄດ້ຍິນສຽງ ຂອງພວກເຂົາຊັດເຈນຂຶ້ນ. ເຖິງແມ່ນວ່າ ສຽງດັ່ງກ່າວນັ້ນຈະເປັນສຽງທີ່ເບົາຫຼາຍກໍ່ຕາມ ແລະ ເຂົາກໍ່ຈະສາມາດໄດ້ຍິນສຽງດ້ວຍຕົວຂອງຕົນເອງ.
ສິ່ງທີ່ເຄື່ອງຊ່ວຍໃນການຟັງບໍ່ສາມາດເຮັດໄດ້
- ຖ້າຫາກເດັກບໍ່ສາມາດໄດ້ຍິນສຽງຈັກໜ້ອຍເລີຍໃນລະດັບສຽງໃດໜຶ່ງ. ເຄື່ອງຊ່ວຍໃນການຟັງກໍ່ຈະບໍ່ສາມາດຊ່ວຍໃຫ້ພວກເຂົາສາມາດໄດ້ຍິນສຽງປະເພດ ເຫຼົ່ານັ້ນໄດ້. ເບິ່ງຂໍ້ມູນເພີ່ມຕື່ມໄດ້ໃນບົດທີ5.
- ເຄື່ອງຊ່ວຍໃນການຟັງແມ່ນເຮັດໃຫ້ທຸກໆສຽງດັງຂຶ້ນ, ນີ້ກໍ່ໝາຍຄວາມວ່າ ເຄື່ອງຊ່ວຍໃນການຟັງຈະບໍ່ໄດ້ຊ່ວຍໃຫ້ຄົນຫູໜວກ ໄດ້ຍິນສຽງຄົນເວົ້າໄດ້ຢ່າງຈະແຈ້ງ ເມື່ອຢູ່ໃນສະຖານທີ່ເນືອງນັນ.