Hesperian Health Guides
ຮ່ວມມືກັນເພື່ອການປ່ຽນແປງ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 14: ການສະໜັບສະໜູນສຳລັບພໍ່ແມ່ ແລະ ຜູ້ດູແລເດັກ > ຮ່ວມມືກັນເພື່ອການປ່ຽນແປງ
- ຊອກຫາວິທີ ເພື່ອໃຫ້ໄດ້ເງິນທຶນສະໜັບສະໜູນສຳລັບໂຄງການໃໝ່ ເພື່ອຊ່ວຍເດັກຫູໜວກ.
- ຊ່ວຍໃຫ້ພໍ່ແມ່ໄດ້ຮັບການພັດທະນາທັກສະທາງອາຊີບໃໝ່ໆ.
- ສະເໜີການຈັດສຳມະນາກ່ຽວກັບວິທີສິດສອນ ແລະ ຊ່ວຍເຫຼືອເດັກ.
- ແລກປ່ຽນຂ້ໍມູນຄວາມຮູ້ກ່ຽວກັບວິທີສິດສອນ ແລະ ຊ່ວຍເຫຼືອເດັກ.
- ຈັດໃຫ້ມີຫ້ອງຮຽນພາສາມື.
ນຳເອົາຄົນຫູດີ ແລະ ຄົນຫູໜວກມາຢູ່ຮ່ວມກັນ. ກຸ່ມຂອງພໍ່ແມ່ຫຼາຍໆກຸ່ມໄດ້ເຮັດວຽກຮ່ວມກັນ ເພື່ອໃຫ້ຊຸມຊົນທີ່ເຫຼືອໄດ້ຮຽນຮູ້ກ່ຽວກັບຄວາມຫູໜວກ. ພວກເຂົາມັກຈະເຮັດວຽກນຳຄົນຫູໜວກເປັນປະຈຳໂດຍສ້າງການປຶກສາຫາລື, ລາຍການວິທະຍຸ, ຈົດໝາຍຂ່າວ, ໃບປິວ, ລະຄອນເຄື່ອນທີ່ ແລະ ຕິດປ້າຍບັນດາແມ່ຂອງເດັກເຫຼົ່ານີ້ໄດ້ຮຽນຮູ້ວິທີຕັດເຄື່ອງນຸ່ງເພື່ອໃຫ້ພວກເຂົາສາມາດຫາລ້ຽງຊີບ, ເຮັດວຽກໃຫ້ບ້ານ ແລະ ໃຊ້ເວລາຢູ່ກັບລູກຂອງພວກເຂົາໃຫ້ຫຼາຍຂຶ້ນ. ໂຄສະນາ ເພື່ອຊ່ວຍໃຫ້ຜູ້ອື່ນເຂົ້າໃຈກ່ຽວກັບຄວາມຫູໜວກຫຼາຍຂຶ້ນ.
ກຸ່ມຂອງພໍ່ແມ່ບາງກຸ່ມເຮັດວຽກ ເພື່ອພັດທະນາລັດ ແລະ ກົດໝາຍສຳລັບເດັກຫູໜວກ. ພວກເຂົາຕິດຕໍ່ພົວພັນກັບພະນັກງານພາກລັດ ເຊັ່ນ: ລັດຖະມົນຕີກະຊວງສາທາລະນະສຸກ ຫຼື ກະຊວງສຶກສາ. ພວກເຂົາບອກໃຫ້ມີໂຮງຮຽນສຳລັບລູກຂອງພວກເຂົາຫຼາຍຂຶ້ນ, ໃຫ້ມີກົດໝາຍເພື່ອປົກປ້ອງລູກຂອງພວກເຂົາ, ໃຫ້ມີການບໍລິການສຳລັບເດັກຫູໜວກຫຼາຍຂຶ້ນ. ເຂົາບອກກ່ຽວກັບການບໍລິການທີ່ຊຸມຊົນຂອງພວກເຂົາຕ້ອງການ, ກ່ຽວກັບກົດໝາຍ ເພື່ອປົກປ້ອງເດັກຫູໜວກ ຫຼື ເດັກທີ່ມີບັນຫາໃນການໄດ້ຍິນ.