Hesperian Health Guides
ພາກພະນວກ II: ແຜນວາດສະແດງການພັດທະນາຂອງເດັກ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ພາກພະນວກ II: ແຜນວາດສະແດງການພັດທະນາຂອງເດັກ
ວິທີການໃຊ້ແຜນວາດ ການພັດທະນາຂອງເດັກເຫຼົ່ານີ້
ການພັດທະນາຂອງເດັກແມ່ນຈະຢູ່ໃນຂົງເຂດ: ທາງດ້ານຮ່າງກາຍ (ຮ່າງກາຍ), ທາງດ້ານສະຕິປັນ ຍາ (ຈິດໃຈ), ທາງດ້ານ ການສື່ສານ (ການສັນຍະລັກ ຫຼື ການເວົ້າ) ແລະ ທາງດ້ານ ສັງຄົມ (ການສ້າງສາຍພົວພັນກັບຄົນອື່ນ). ການກະທຳໃດໜຶ່ງ ທີ່ເດັກສະແດງອອກເລື້ອຍໆນັ້ນ, ແມ່ນລວມຢູ່ໃນບັນດາທັກສະທີ່ມາຈາກໃນຂົງເຂດນັ້ນ. ຕົວຢ່າງ ເຊັ່ນ:
ເມື່ອເດັກໄດ້ຊູແຂນຂອງ ເຂົ້າຂຶ້ນນັ້ນ, ເຂົາຕ້ອງໄດ້ໃຊ້:
- ທັກສະທາງດ້ານຮ່າງກາຍ: ຄືເຂົາໄດ້ຍົກແຂນຂອງເຂົາຂຶ້ນ.
- ທັກສະທາງດ້ານສະຕິປັນຍາ: ເຂົາສາມາດຈື່ທ່ານ
- ທັກສະທາງດ້ານການສື່ສານ: ເຂົາບອກທ່ານວ່າເຂົາຕ້ອງການຫຍັງ.
- ທັກສະສັງຄົມ: ເຂົາມີຄວາມມ່ວນຊື່ນ ກັບສິ່ງທີ່ທ່ານເຮັດຂຶ້ນມາ.
ແຜນວາດທີ່ຢູ່ໃນໜ້ານີ້ ສະແດງໃຫ້ເຫັນທາງດ້ານທັກສະທີ່ເດັກຮຽນຮູ້ໃນໄວອາຍຸທີ່່ ເດັກເກືອບທຸກຄົນໄດ້ຮຽນຮູ້. ທ່ານສາມາດໃຊ້ແຜນວາດດັ່ງກ່າວນີ້ ເພ່ືອເອົາຂ້ໍມູນທົ່ວໄປກ່ຽວກັບວ່າ ລູກຂອງທ່ານມີການພັດທະນາແລ້ວໃດ ແລະ ຊ່ວຍທ່ານໃນການຕັດສິນໃຈວ່າມີທັກສະໃດແດ່ ທີ່ລູກຂອງທ່ານຕ້ອງການຮຽນຮູ້.
ເດືອນ
ເດືອນ
ປີ
ຈະຮູ້ໄດ້ແນວໃດວ່່າມີທັກສະໃດແດ່ ທີ່ລູກຂອງທ່ານຕ້ອງການທີ່ຈະຮຽນຮູ້
ພິສູດດ້ວຍການເຮັດແຜນວາດ ສຳລັບກຸ່ມເດັກນ້ອຍຜູ້ທີ່ມີອາຍຸໃກ້ຄຽງກັບລູກຂອງທ່ານ. ໃນແຜນວາດ ໃຫ້ຂີດອ້ອມເອົາບັນດາທັກສະທີ່ລູກຂອງທ່ານໄດ້ສະແດງອອກ, ແລ້ວທ່ານ ອາດຈະເຫັນໄດ້ວ່າ ລູກຂອງທ່ານບໍ່ໄດ້ສະແດງອອກທັກສະໃດທັກສະໜຶ່ງ ທີ່ເດັກຄົນອື່ນ ເຊິ່ງມີອາຍຸຣຸ້ນຣາວຄາວດຽວກັນສະແດງອອກ, ການທີ່ໄດ້ຮູ້ໃນສິ່ງດັ່ງກ່າວນີ້ ສາມາດຊ່ວຍທ່ານຕັດສິນໃຈໄດ້ວ່າ ກິດຈະກຳໃດທີ່ທ່ານຕ້ອງການເຮັດກັບລູກຂອງທ່ານ. ເບິ່ງຂໍ້ມູນເພີ່ມຕື່ມໄດ້ໃນບົດທີ4.
ໃນແຜນວາດຂ້າງເທິງນີ້ ຜູ້ເປັນແມ່ຄົນໜຶ່ງໄດ້ຂີດອ້ອມເອົາກ່ຽວກັບບັນດາທັກສະທີ່ລູກ ມີອາຍຸ 8 ເດືອນຂອງເຂົາ, ທີ່ສາມາດສະແດງອອກໄດ້. ລູກຂອງເຂົາຕ້ອງການຄວາມຊ່ວຍເຫຼືອໃນການຮຽນຮູ້ທັກສະອື່ນໆ ໃນແຕ່ລະຂົງເຂດ, ແຕ່ວ່າເຂົາຕ້ອງການຄວາມຊ່ວຍເຫຼືອ ໃນດ້ານການສື່ສານເປັນສ່ວນຫຼາຍ ແລະ ໃນຂົງເຂດທາງດ້ານສະຕິປັນຍາ. ສຳລັບເດັກຄົນນີ້, ຄອບຄົວຂອງເຂົາຄວນຈະເຮັດໃຫ້ມີການສື່ສານຂັ້ນພື້ນ ຖານ (ບົດທີ 4) ແລະ ເລີ່ມທີ່ຈະເຂົ້າສູ່ການຮຽນຮູ້ພາສາ.
ສຳລັບເດັກຜູ້ທີ່ມີອາຍຸຫຼາຍກວ່ານີ້, ທ່ານສາມາດທີ່ຈະເລີ່ມຕົ້ນດ້ວຍການສັງເກດໃນ ແຜນວາດທີ່ໃກ້ຄຽງກັບອາຍຸຂອງເຂົາທີ່ສຸດ. ແຕ່ທ່ານອາດຕ້ອງໄດ້ເບິ່ງໃນແຜນວາດສຳລັບຂອງເດັກຜູ້ທີ່ມີອາຍຸອ່ອນກວ່າ ເພື່ອສັງເກດເບິ່ງບັນດາທັກສະທີ່ເດັກສາມາດເຮັດໄດ້. ສ່ວນແຜນວາດອື່ນໆນັ້ນ ຈະເປັນການໃຫ້ຄວາມຄິດເຫັນກ່ຽວກັບບັນດາປະເພດຂອງທັກສະທີ່ລູກຂອງທ່ານຕ້ອງການຮຽນຮູ້, ກ່ອນທີ່ເຂົາຈະສາມາດຮຽນຮູ້ທັກສະອື່ນໆຄືກັບເດັກຄົນອື່ນໆ ຢູ່ໃນແຜນວາດ ທີ່ມີອາຍຸໃກ້ຄຽງກັນທີ່ສຸດ.
ຖ້າຫາກລູກຂອງທ່ານບໍ່ສາມາດຮັບຟັງໄດ້ດີກໍ່ເປັນຄ້າຍຄືກັນກັບວ່າ: ເຂົາຕ້ອງການ ຄວາມຊ່ວຍ ເຫຼືອພິເສດໃນການພັດທະນາທັກສະທາງດ້ານການສ່ືສານ, ທາງດ້ານສະຕິປັນຍາ ແລະ ທາງດ້ານສັງຄົມຂອງເຂົາ, ຢູ່ໃນບົດທີ 2 ແລະ ບົດທີ 3 ຈະຊ່ວຍໄດ້ຫຼາຍເພາະວ່າ ມັນໄດ້ ອະທິບາຍລະອຽດເຖິງບັນດາວິທີທີ່ເດັກຮຽນຮູ້ພາສາ ແລະ ຍັງໄດ້ໃຫ້ເຄັດລັບທົ່ວໄປໃນການທີ່ຈະເຮັດກິດຈະກຳກັບເດັກໃໝ່ນັ້ນ. ເພາະວ່າ ທັກສະທາງດ້ານສະຕິປັນຍາຂອງເດັກ ແມ່ນໄດ້ມີການຂະຫຍາຍຕົວໄປພ້ອມກັບທັກສະການສື່ສານ, ບັນດາກິດຈະກຳທີ່ຢູ່ໃນບົດທີ 4, ບົດທີ 7, ບົດທີ 8 ແລະ ບົດທີ 9 ຈະຊ່ວຍໃຫ້ເດັກມີການພັດທະນາທາງດ້ານການສື່ສານ ແລະ ທາງດ້ານສະຕິປັນຍາຂອງເຂົາ. ໃນບົດທີ 10, ເຊິ່ງກ່ຽວຂ້ອງກັບທັກສະທາງສັງຄົມນັ້ນແມ່ນໄດ້ມີການແນະນຳຫຼາຍວິທີ ທີ່ທ່ານສາມາດຊ່ວຍເດັກໃຫ້ມີການພັດທະນາການປະຕິສຳພັນສັງຄົມຂອງເຂົາໄດ້.
ໃນແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກແດງຫຼາຍໆຄົນໄດ້ສະແດງອອກ ເມື່ອພວກເຂົາມີອາຍຸ 3 ເດືອນ.
ເດັກທີ່ພິການທາງຫູ ແລະ ຜູ້ທີ່ບໍ່ສາມາດຮັບຟັງໄດ້ດີນັ້ນ ຈະໄດ້ຮັບຜົນປະໂຫຍດຈາກ ບັນດາກິດຈະ ກຳທີ່ຊ່ວຍພວກເຂົາໃນການພັດທະນາທັກສະທັງໝົດໃນແຕ່ລະຂົງເຂດນັ້ນ. ບັນດາຮູບພາບເປັນພຽງແຕ່ຕົວ ຢ່າງຂອງບັນດາທັກສະເທົ່ານັ້ນ. ໃນຕົວຢ່າງດັ່ງກ່າວນີ້ແມ່ນໃຫ້ເບິ່ງໃນພາກສ່ວນຂອງການສື່ສານຕື່ມ. ຄືທ່ານບໍ່ຈຳເປັນຕ້ອງເປົ່າປີ່ໃຫ້ເດັກຟັງ, ໃຫ້ຖາມຕົວທ່ານເອງວ່າ ຄວນຈະເຮັດຫຍັງແທນ, ຖ້າເຂົາຫາກມີປະຕິລິຍາຕໍ່ສຽງ ແລະ ການເຄື່ອນໄຫວໂດຍທັນທີແທ້.
ຕ້ອງເອົາໃຈໃສ່ສະເໝີວ່າ ຈຸດປະສົງແມ່ນເພື່ອໃຫ້ລູກຂອງທ່ານ ໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຮຸ່ນດຽວກັນນັ້ນ ໄດ້ສະແດງອອກຢູ່ໃນຊຸມຊົນຂອງທ່ານ.
ແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກຫຼາຍໆຄົນ ໄດ້ສະແດງອອກ ເມື່ອພວກເຂົາມີອາຍຸ 6 ເດືອນ.
ເດັກທີ່ພິການທາງຫູ ຫຼື ບໍ່ສາມາດຮັບຟັງໄດ້ດີນັ້ນ ຈະໄດ້ຮັບຜົນປະໂຫຍດຈາກບັນດາກິດຈະກຳ ທີ່ຊ່ວຍພວກເຂົາ ໃນການພັດທະນາທັກສະຕ່າງໆ ໃນແຕ່ລະຂົງເຂດນັ້ນ, ບັນດາຮູບພາບ ເປັນພຽງແຕ່ຕົວຢ່າງຂອງທັກສະຕ່າງໆເທົ່ານັ້ນ. ໃນຕົວຢ່າງດັ່ງກ່າວນີ້ ແມ່ນໃຫ້ເບິ່ງໃນພາກສ່ວນຂອງຮ່າງກາຍລູກຂອງທ່ານບໍ່ຈຳເປັນທີ່ຈະຫຼິ້ນກັບເຄື່ອງຫຼິ້ນທີ່ສັ່ນແລ້ວເກີດມີສຽງເທົ່ານັ້ນ. ໃຫ້ຖາມຕົວທ່ານເອງວ່າ ມີວິທີໃດເໝາະສົມກວ່າ ເພື່ອທີ່ຈະເຮັດໃຫ້ລູກຂອງທ່ານມີການສັ່ນ ຫຼື ຢຽດແຂນ ແລະ ຂາອອກ.
ຕ້ອງໃສ່ໃຈສະເໝີວ່າ ຈຸດປະສົງກໍ່ແມ່ນເພື່ອໃຫ້ລູກຂອງທ່ານ ໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຣຸ້ນດຽວກັນນັ້ນ ໄດ້ສະແດງອອກຢູ່ໃນຊຸມຊົນຂອງທ່ານ.
ແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກຫຼາຍໆຄົນໄດ້ສະແດງອອກ ເມື່ອພວກເຂົາມີອາຍຸ 12 ເດືອນ.
ເດັກທີ່ພິການທາງຫູ ຫຼື ບໍ່ສາມາດຮັບຟັງໄດ້ດີນັ້ນ ຈະໄດ້ຮັບຜົນປະໂຫຍດຈາກບັນດາກິດຈະກຳ ທີ່ຊ່ວຍພວກເຂົາ ໃນການພັດທະນາທັກສະຕ່າງໆ ໃນແຕ່ລະຂົງເຂດນັ້ນ, ບັນດາຮູບພາບ ເປັນພຽງແຕ່ບັນດາຕົວຢ່າງຂອງທັກສະຕ່າງໆເທົ່ານັ້ນ. ໃນຕົວຢ່າງດັ່ງກ່າວນີ້ ແມ່ນໃຫ້ເບິ່ງໃນພາກສ່ວນຂອງສັງຄົມທ່ານບໍ່ຈຳ ເປັນທີ່ຈະຫຼິ້ນເກມເຊື່ອງຕົວ, ໃຫ້ຖາມຕົວທ່ານເອງວ່າ ມີວິທີໃດເໝາະສົມກວ່າ ເພື່ອທີ່ຈະເຮັດໃຫ້ລູກຂອງທ່ານ ມີຄວາມມ່ວນຊື່ນກັບຫານຫຼິ້ນເກມສັງຄົມນັ້ນ.
ຕ້ອງໃສ່ໃຈສະເໝີວ່າ ຈຸດປະສົງກໍ່ແມ່ນເພື່ອໃຫ້ລູກຂອງທ່ານໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຮຸ່ນດຽວກັນນັ້ນ ໄດ້ສະແດງອອກຢູ່ໃນຊຸມຊົນຂອງທ່ານ.
ແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກຫຼາຍໆຄົນ ໄດ້ສະແດງອອກ ເມື່ອພວກເຂົາມີອາຍຸ 2 ປີ.
ເດັກທີ່ພິການທາງຫູ ຫຼື ບໍ່ສາມາດຟັງໄດ້ດີ ນັ້ນຈະໄດ້ຮັບຜົນປະໂຫຍດຈາກບັນດາກິດຈະກຳ ທີ່ຊ່ວຍພວກເຂົາ ໃນການພັດທະນາທັກສະຕ່າງໆ ໃນແຕ່ລະຂົງເຂດ, ບັນດາຮູບພາບ ເປັນພຽງແຕ່ຕົວຢ່າງຂອງທັກສະຕ່າງໆເທົ່ານັ້ນ. ໃນຕົວຢ່າງດັ່ງກ່າວນີ້ ແມ່ນໃຫ້ເບິ່ງໃນພາກສ່ວນສະຕິປັນຍາລູກຂອງທ່ານບໍ່ຈຳເປັນຕ້ອງ ຫຼິ້ນກອງ, ໃຫ້ຖາມຕົວທ່ານເອງວ່າ ມີວິທີໃດເໝາະສົມກວ່າ ເພື່ອທີ່ຈະເຮັດໃຫ້ລູກຂອງທ່ານ ມີການໃຊ້ບັນ ດາວັດຖຸທີ່ມີຄວາມສຳພັນກັນນັ້ນ.
ຕ້ອງໃສ່ໃຈສະເໝີວ່າ ຈຸດປະສົງກໍ່ແມ່ນເພື່ອໃຫ້ລູກຂອງທ່ານໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຣຸ້ນນດຽວກັນນັ້ນ ໄດ້ສະແດງອອກຢູ່ໃນຊຸມຊົນຂອງທ່ານ.
ແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກຫຼາຍໆຄົນ ໄດ້ສະແດງອອກ ເມື່ອພວກເຂົາມີອາຍຸ 3 ປີ.
ເດັກທີ່ພິການທາງຫູ ຫຼື ບໍ່ສາມາດຮັບຟັງໄດ້ດີນັ້ນ ຈະໄດ້ຮັບຜົນປະໂຫຍດຈາກບັນດາກິດຈະກຳ ທີ່ຊ່ວຍພວກເຂົາ ໃນການພັດທະນາທັກສະຕ່າງໆ ໃນແຕ່ລະຂົງເຂດນັ້ນ, ບັນດາຮູບພາບ ເປັນພຽງ ແຕ່ຕົວຢ່າງຂອງທັກສະຕ່າງໆເທົ່ານັ້ນ. ໃນຕົວຢ່າງດັ່ງກ່າວນີ້ ແມ່ນໃຫ້ເບິ່ງໃນພາກສ່ວນຂອງສັງຄົມ ລູກຂອງທ່ານບໍ່ຈຳ ເປັນຈະຕ້ອງກວາດພື້ນ, ໃຫ້ຖາມຕົວທ່ານເອງວ່າ ມີວຽກຂອງຄອບຄົວອັນອື່ນເໝາະສົມກວ່າ ທີ່ເຮັດໃຫ້ລູກຂອງທ່ານມີຄວາມສະໜຸກສະໜານໃນການຊ່ວຍວຽກຂອງຄອບຄົວນັ້ນ.
ຕ້ອງໃສ່ໃຈສະເໝີວ່າ ຈຸດປະສົງກໍ່ແມ່ນເພື່ອໃຫ້ລູກຂອງທ່ານໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຣຸ້ນດຽວກັນນັ້ນ ໄດ້ ສະແດງອອກຢູ່ໃນຊຸມຊົນຂອງທ່ານ.
ແຕ່ລະພາກສ່ວນຂອງວົງນີ້ ໄດ້ສະແດງໃຫ້ເຫັນການພັດທະນາໃນແຕ່ລະຂົງເຂດທີ່ແຕກຕ່າງກັນ. ບັນດາຮູບພາບ ແລະ ຄຳເວົ້າແມ່ນຕົວຢ່າງຂອງບັນດາທັກສະທີ່ເດັກຫຼາຍໆຄົນ ໄດ້ສະແດງອອກ ເມື່ອພວກເຂົາມີອາຍຸ 5 ປີ.
ເດັກທີ່ພິການທາງຫູ ຫຼື ບໍ່ສາມາດຮັບຟັງໄດ້ດີນັ້ນ ຈະໄດ້ຮັບຜົນປະໂຫຍດຈາກບັນດາກິດຈະກຳ ທີ່ຊ່ວຍພວກເຂົາ ໃນການພັດທະນາທັກສະຕ່າງໆ ໃນແຕ່ລະຂົງເຂດນັ້ນ, ບັນດາຮູບພາບເປັນພຽງແຕ່ຕົວຢ່າງ ຂອງທັກສະຕ່າງໆເທົ່ານັ້ນ. ໃນຕົວຢ່າງດັ່ງກ່າວນີ້ ແມ່ນໃຫ້ເບິ່ງໃນພາກສ່ວນຂອງສັງຄົມ ລູກຂອງທ່ານບໍ່ຈຳ ເປັນຈະຕ້ອງມີການຫຼິ້ນຕີນລົດ, ໃຫ້ຖາມຕົວທ່ານເອງວ່າ ຖ້າລູກຂອງທ່ານເຂົ້າໃຈກົດລະບຽບຄືກັບເດັກຄົນອື່ນ.
ຕ້ອງໃສ່ໃຈສະເໝີວ່າ ຈຸດປະສົງກໍ່ແມ່ນເພື່ອໃຫ້ລູກຂອງທ່ານໄດ້ເຮັດກິດຈະກຳທີ່ເດັກຄົນອື່ນໆ ທີ່ມີອາຍຸຣຸ້ນດຽວ ກັນນັ້ນ ໄດ້ສະແດງອອກຢູ່ໃນຊຸມຊົນຂອງທ່ານ.