Hesperian Health Guides
ບົດທີ 7: ການເລືອກເຟັ້ນ ແລະ ການຮຽນຮູ້ພາສາ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 7: ການເລືອກເຟັ້ນ ແລະ ການຮຽນຮູ້ພາສາ
ປະເພດພາສາທີ່ເດັກຈະຮຽນນັ້ນ ກໍ່ຂຶ້ນກັບຫຼາຍປັດໄຈ ເຊັ່ນ: ຄວາມສາມາດໃນການໄດ້ຍິນຂອງເດັກຜູ້ນັ້ນ, ພາສາປະເພດໃດທີ່ລາວມັກ, ຄວາມສາມາດພື້ນຖານຂອງເດັກ ແລະ ຂ້ໍມູນ, ອຸປະກອນ ທີ່ພໍ່ແມ່ຂອງເດັກຈະສາມາດໄດ້ຈາກຊຸມຊົນ. ພ້ອມນັ້ນກໍ່ຂຶ້ນກັບຄວາມເຂົ້າໃຈ ຂອງຜູ້ເປັນພໍ່ແມ່ ທີ່ມີຕໍ່ຄົນຫູໜວກ. ຖ້າພໍ່ແມ່ຂອງເດັກຫາກຮູ້ຈັກກັບຄົນຫູໜວກຜູ້ໃດຜູ້ໜຶ່ງໃນຊຸມຊົມ, ກໍ່ຍິ່ງຈະຊ່ວຍໃຫ້ເຂົາເຈົ້າມີຄວາມເຂົ້າໃຈ ແລະ ຍອມຮັບຄວາມຫູໜວກຂອງເດັກໄດ້ດີຂຶ້ນ, ພ້ອມນັ້ນຍັງຈະຊ່ວຍໃຫ້ພໍ່ແມ່ເດັກສາມາດຊອກຮູ້ວິທີທາງ ເພື່ອຊ່ວຍໃຫ້ເດັກສາມາດຮຽນຮູ້ ພາສາໄດ້ອີກດ້ວຍ.
ໃນບາງຂົງເຂດ ທີ່ມີຂ້ໍມູນ ອຸປະກອນ ກ່ຽວກັບເດັກຫູໜວກຈຳກັດ, ຜູ້ເປັນພໍ່ແມ່ບໍ່ມີທາງເລືອກສຳລັບປະເພດພາສາທີ່ເດັກຄວນຮຽນ. ແຕ່ຖ້າພໍ່ແມ່ຂອງເດັກເອົາໃຈໃສ່ສັງເກດເຖິງຄວາມຕ້ອງການ ແລະ ຄວາມສາມາດຂອງເດັກ, ກໍ່ອາດຈະຊ່ວຍໃຫ້ເຂົາເຈົ້າສາມາດຕັດສິນໃຈໄດ້ຖືກຕ້ອງ.
