Hesperian Health Guides
ຂ້ອຍຈະຮູ້ໄດ້ແນວໃດວ່າລູກຂ້ອຍກຳລັງຮຽນ?
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 7: ການເລືອກເຟັ້ນ ແລະ ການຮຽນຮູ້ພາສາ > ຂ້ອຍຈະຮູ້ໄດ້ແນວໃດວ່າລູກຂ້ອຍກຳລັງຮຽນ?
ຢູ່ໃນພາກນີ້:
- ບົດທີ 7: ການເລືອກເຟັ້ນ ແລະ ການຮຽນຮູ້ພາສາ
- ການຮຽນພາສາຕັ້ງແຕ່ອາຍຸຍັງນ້ອຍ ແມ່ນມີຄວາມສຳຄັນ
- ພາສາມື ແລະ ພາສາເວົ້າ
- ການໝູນໃຊ້ພາສາມື
- ການໝູນໃຊ້ພາສາເວົ້າ
- ສິ່ງທີ່ຄວນອຄິດເຖິງ
- ຂ້ອຍຈະຮູ້ໄດ້ແນວໃດວ່າລູກຂ້ອຍກຳລັງຮຽນ?
- ແມ່ນຜູ້ໃດທີ່ຮູ້ວ່າສິ່ງໃດດີທີ່ສຸດສຳລັບລູກຂອງທ່ານ?
- ໃຊ້ພາສາທີ່ເໝາະສົມກັບລູກຂອງທ່ານ
- ສະຖານທີ່, ບຸກຄົນທ່ີສາມາດໃຫ້ຄວາມຊ່ວຍເຫຼືອແກ່ພໍ່ແມ່ເດັກ
ອາດກິນເວລາດົນ ກ່ອນທີ່ທ່ານຈະຮູ້ວ່າລູກມີ ຄວາມຄືບໜ້າ ໃນການຮຽນພາສາບໍ່. ຫຼັງຈາກທ່ານ ໄດ້ ພະຍາຍາມສອນພາສາໃຫ້ເດັກເປັນເວລາຫຼາຍ ເດືອນ ຫຼື ຫຼາຍກວ່ານັ້ນ, ຈົ່ງປະເມີນວ່າ ເດັກມີ ຄວາມຄືບໜ້າ ບໍ່ໂດຍຖາມຄຳຖາມເຫຼົ່ານີ້ ກັບຕົວທ່ານເອງ:
- ລູກຂອງຂ້ອຍເຂົ້າໃຈຫຼາຍຂຶ້ນກວ່າທີ່ຜ່ານມາບໍ?
- ລູກຂອງຂ້ອຍໃຊ້ຄຳເວົ້າ ຫຼື ພາສາໃບ້ເລື້ອຍໆ ຂຶ້ນກວ່າແຕ່ກ່ອນບໍ?
- ລູກມີຄວາມສົນໃຈໃນການຮຽນ ເພື່ອການສື່ສານ ບໍ?, ຫຼື ລູກຍິ່ງມີຄວາມສັບສົນຂຶ້ນກວ່າເກົ່າ?
- ລູກຂອງຂ້ອຍມີບັນຫາໃນການດ້ານປະພຶດທີ່ ເກີດຈາກຄວາມສັບສົນ ຍ້ອນບໍ່ເຂົ້າໃຈພາສາ ຫຼື ບໍ? ຫຼື ຍ້ອນຮູ້ພາສາ ຍັງບໍ່ພຽງພໍ ທີ່ຈະເຂົ້າໃຈຜູ້ ອື່ນ ແລະ ສະແດງຄວາມຮູ້ສຶກ ຂອງຕົນ?
- ຂ້ອຍມີຄວາມສຸກກັບການສື່ສານກັບລູກຂອງຂ້ອຍບໍ ຫຼື ມີແຕ່ຄວາມສັບສົນເມື່ອສື່ສານກັນ?
- ພວກເຮົາສາມາດສື່ສານກັນໄດ້ຢ່າງງ່າຍດາຍ ຈົນຂ້ອຍສາມາດສົນທະນາກັບລູກວ່າມີຫຍັງແດ່ທີ່ກຳລັງເກີດຂຶ້ນບໍ?
- ລູກຂ້ອຍສາມາດສື່ສານກັບຄົນອື່ນໆໄດ້ດີ ຫຼື ບໍ?
- ລູກຂອງຂ້ອຍສາມາດເຂົ້າໃຈຂ້ໍມູນຂ່າວສານ ທີ່ອ້າຍເອື້ອຍຂອງເຂົາເຂົ້າໃຈໄດ້ ຫຼື ບໍ?
ສິ່ງທີ່ຜູ້ເປັນພໍ່ແມ່ມັນຖືກແນະນຳຢູ່ສະເໝີ ຄືໃຫ້ເລືອກປະເພດພາສາໃດໜຶ່ງ ເພື່ອໃຊ້ສື່ສານກັບລູກ ຂອງຕົນ ແລ້ວກໍ່ໃຊ້ແຕ່ພາສາປະເພດນັ້ນ. ໂດຍບໍ່ສົນໃຈວ່າເດັກມີຄວາມສາມາດຮຽນໄດ້ຫຼາຍໜ້ອຍປານ ໃດ. ພະນັກງານທີ່ເຮັດວຽກດ້ານນີ້ ສະໜັບສະໜູນແນວຄິດແບບນີ້ ເພາະພວກເຂົາຄິດວ່າ ຖ້າວິທີນີ້ຖືກຕ້ອງ ແລະ ວິທີອື່ນແມ່ນບໍ່ຖືກ. ແຕ່ວ່າບໍ່ມີສິ່ງໃດທີ່ສົມບູນແບບທັງໝົດ.
ຂ້ອຍພຽງຢາກໃຫ້ “ມີນາ” ຮຽນເວົ້າ ໃຫ້ເປັນ. ແຕ່ບາງຄັ້ງຂ້ອຍກໍ່ຮູ້ສຶກ ໃຈຮ້າຍໃຫ້ລາວ ເມື່ອຂ້ອຍບໍ່ເຂົ້າ ໃຈວ່າ ລາວຕ້ອງການຫຍັງ ແລະ ລາວເອງກໍ່ໃຈ້ຮາຍໃຫ້ຂ້ອຄືກັນ.
ພວກເຮົາຢ່າຟ້າວສິ້ນຫວັງ ເທື່ອ, ພວກເຮົາສາມາດ ຮ່ວມມືກັນ ຊອກຫາວິທີ ການໃໝ່ສຳລັບລາວໄດ້.