Hesperian Health Guides
ສິ່ງທີ່ຄວນອຄິດເຖິງ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 7: ການເລືອກເຟັ້ນ ແລະ ການຮຽນຮູ້ພາສາ > ສິ່ງທີ່ຄວນອຄິດເຖິງ
| ພາສາມື | ||
| ອາດຈະປະສົບຜົນສຳເລັດຍິ່ງຂຶ້ນຖ້າ: | ອາດຈະປະສົບຜົນສຳເລັດຖ້າ: | |
|
|
|
| ພາສາເວົ້າ | |
| ອາດຈະປະສົບຜົນສຳເລັດຍິ່ງຂຶ້ນຖ້າ: | ອາດຈະປະສົບຜົນສຳເລັດຖ້າ: |
|
|
ເນື້ອໃນ
ແມ່ນໃຜແດ່ທີ່ລູກຂອງທ່ານຈະສາມາດສື່ສານນຳໄດ້?
ເດັກທີ່ມີບັນຫາໃນການໄດ້ຍິນ ຄວນໄດ້ສື່ສານກັບຄົນອື່ນໆ ເຊິ່ງເປັນສິ່ງທີ່ສຳຄັນ. ເດັກທີ່ຮຽນຮູ້ແຕ່ພາສາມືທີ່ໃຊ້ສະເພາະໃນຄອບຄົວຈະສາມາດສື່ສານໄດ້ແຕ່ນຳສະມາຊິກໃນຄອບຄົວເທົ່ານັ້ນ. ເດັກທີ່ຮຽນຮູ້ການໃຊ້ພາສາມື ຫຼື ພາສາເວົ້າ (ການອ່ານຮີມສົບ) ທີ່ສົມບູນຈະມີຄວາມສາມາດສື່ສານກັບຄົນອື່ນໆໄດ້ຫຼາຍຂຶ້ນ. ໂດຍສະເພາະແມ່ນເດັກທີ່ສາມາອ່ານ ແລະ ຂຽນ ພາສາເວົ້າຂອງທ້ອງຖິ່ນນັ້ນ ກໍ່ຍິ່ງສາມາດສື່ສານກັບຄົນອື່ນໄດ້ດີຂຶ້ນຕື່ມ.
ບໍ່ວ່າທ່ານຈະນຳໃຊ້ພາສາມື ຫຼື ພາສາເວົ້າ, ມັນມີຄວາມສຳຄັນ ທີ່ທຸກໆຄົນໃນຄອບຄົວຕ້ອງໝູນໃຊ້ນຳກັນ. ວິທີນີ້ຈະຊ່ວຍໃຫ້ເດັກສາມາດສື່ສານກັບສະມາຊິກໃນຄອບຄົວໄດ້ທຸກໆຄົນ. ເຂົາຈະຮູ້ສຶກວ່າ ຕົນເອງກໍ່ເປັນສ່ວນໜຶ່ງຂອງຄອບຄົວ ແລະ ຮຽນຮູ່ສິ່ງຕ່າງໆໂດຍຜ່ານການສົນທະນາ.
ຄົນທີ່ບໍ່ມີບັນຫາໃນການໄດ້ຍິນ ສາມາດຮຽນຮູ້ການໃຊ້ພາສາມືໄດ້ ຖ້າພວກເຂົາຕ້ອງການ. ເບິ່ງຂໍ້ມູນເພີ່ມຕື່ມໄດ້ໃນເມືອງທີ່ຮຽນພາສາໃຫມ່.
ຈະເປັນແນວໃດ ຖ້າພາສາທຳອິດທີ່ລູກທ່ານຮູ້ບໍ່ແມ່ນພາສາຂອງທ່ານ?
ການໝູນໃຊ້ພາສາທີ່ຄືກັນ ຊ່ວຍໃຫ້ພວກເຮົາສາມາດສື່ສານກັນ. ແຕ່ສ່ວນຫຼາຍພາສາມື ທີ່ເດັກຫູ ໜວກໃຊ້ເພື່ອພັດທະນາ ຈິດໃຈ ແລະ ຮຽນຮູ້ສິ່ງຕ່າງໆນັ້ນ ຜັດບໍ່ແມ່ນພາສາ ທີ່ຄອບຄົວຂອງເຂົາໃຊ້, ພໍ່ແມ່ຫຼາຍຄົນທີ່ໝູນໃຊ້ພາສາຕ່າງກັບລູກ ພົບຄວາມຫຍຸ້ງຍາກໃນການສື່ສານກັບລູກຂອງພວກເຂົາທີ່ຫູໜວກ. ພວກເຂົາອາດຈະຮູ້ສຶກບໍ່ໃກ້ຊິດກັນ ແລະ ຮູ້ສຶກໝົດຫວັງ ເພາະວ່າມັນຫຍູ້ງຍາກຫຼາຍ ໃນການສື່ສານ ແລະ ເດັກຫູໜວກອາດຮູ້ສຶກວ່າ ຕົນເອງບໍ່ແມ່ນສ່ວນໜຶ່ງຂອງຄອບຄົວ.
ພາສາມືອາດເປັນສິ່ງທີ່ດີທີ່ສຸດສຳລັບເດັກຫູໜວກແຕ່ອາດຈະຫຍຸ້ງຍາກສຳລັບສະມາຊິກໃນຄອບຄົວ. ພາສາມືບາງຄັ້ງອາດດຶງຄວາມສົນໃຈຂອງເດັກໄປໃນທາງອື່ນ. ເຖິງແນວໃດກໍ່ຕາມ, ໂດຍໄດ້ຮັບການຊ່ວຍເຫຼືອຈາກຊຸມຊົນ ພໍ່ແມ່ຂອງເດັກຫູໜວກ ສາມາດຊ່ວຍໃຫ້ລູກຂອງຕົນຮຽນພາສາທີ່ເໝາະສົມກັບພວກເຂົາໄດ້.
ເມື່ອໃດທີ່ລູກຂອງທ່ານເລີ່ມມີບັນຫາໃນການໄດ້ຍິນ?
ຖ້າລູກຂອງທ່ານຫູໜວກຫຼັງຈາກທີ່ເຂົາຮຽນເວົ້າແລ້ວ, ອາດຈະມີໂອກາດທີ່ເຂົາຈະສາມາດຮຽນຮູ້ການອ່ານຮີມສົບ ແລະ ພັດທະນາການປາກເວົ້າໄດ້. ເດັກຍັງສາມາດສືບຕໍ່ພັດທະນາພາສາຂອງເຂົາ ເຖິງແມ່ນວ່າຈະສູນເສຍ ຄວາມສາມາດໃນການໄດ້ຍິນໄປແລ້ວ. ແຕ່ຖ້າລູກຂອງທ່ານຫາກຫູໜວກມາຕັ້ງແຕ່ເກີດ ຫຼື ບໍ່ສາມາດໄດ້ຍິນສຽງປາກເວົ້າເລີຍ. ມັນກໍ່ອາດຈະເປັນເລື່ອງຍາກ ຫຼື ເປັນໄປບໍ່ໄດ້ທີ່ຈະຮຽນຮູ້ການອ່ານຮີມສົບ ຫຼື ຮຽນເວົ້າ.
ລູກຂອງທ່ານສາມາດໄດ້ຍິນຫຼາຍປານໃດ?
ຖ້າເດັກສາມາດໄດ້ຍິນສຽງປາກເວົ້າໄດ້ຫຼາຍເທົ່າໃດ. ລາວກໍ່ຈະສາມາດເຂົ້າໃຈພາກສ່ວນຂອງຄຳເວົ້າ, ສາມາດອ່ານຮີມສົບ ຫຼື ຮຽນເວົ້າໄດ້ຫຼາຍເທົ່ານັ້ນ. ສ່ວນເດັກຜູ້ຊຶ່ງບໍ່ສາມາດໄດ້ຍິນສຽງປາກເວົ້າ ຈະພົບບັນຫາໃນການຮຽນທັກສະເຫຼົ່ານີ້ ຫຼື ອາດຈະບໍ່ສາມາດຮຽນທັກສະເຫຼົ່ານີ້ໄດ້ເລີຍ.
| ເດັກຄົນນີ້ ບໍ່ສາມາດໄດ້ ຍິນສຽງໃດໆເລີຍ. ຈຶ່ງ ເປັນການຍາກ ຫຼື ອາດ ເປັນໄປບໍ່ໄດ້ ທີ່ລາວຈະ ຮຽນອ່ານຮີມສົບ ຫຼື ຮຽນເວົ້າໄດ້. | ເດັກຄົນນີ້ສາມາດໄດ້ຍິນສຽງເວົ້າ, ເຂົາອາດສາມາດ ຮຽນການອ່ານຮີມສົບ ແລະ ຮຽນເວົ້າໄດ້. |
 ນັ້ນແມ່ນຫຍັງ, ມີນາ? |
 ຄຳເອີຍ! ລູກຈັບ ຫຍັງຫັ້ນນະ? |
ລູກຂອງທ່ານຈຳຕ້ອງໃຊ້ເຄື່ອງຊ່ວຍຟັງບໍ?
ເຄື່ອງຊ່ວຍຟັງອາດຊ່ວຍໃຫ້ລູກຂອງທ່ານເຂົ້າໃຈຄຳສັບ. ແຕ່ເຄື່ອງຊ່ວຍຟັງບໍ່ສາມາດ ຊ່ວຍເດັກໄດ້ທັງໝົດ. ບາງຄັ້ງຜູ້ຊ່ຽວຊານທາງດ້ານສຸຂະພາບ ອາດແນະນຳໃຫ້ລູກຂອງທ່ານໃສ່ເຄື່ອງຊ່ວຍຟັງ. ຈົ່ງພະຍາຍາມຊອກຫາຄຳແນະນຳຈາກພໍ່ແມ່ຜູ້ອື່ນທີ່ມີລູກ ທີ່ໃຊ້ເຄື່ອງຊ່ວຍຟັງ ແລະ ຈື່ຈຳວ່າ ເດັກນ້ອຍແຕ່ລະຄົນ ມີຄວາມສາມາດໄດ້ຍິນບໍ່ຄືກັນ. ເບິ່ງຂໍ້ມູນເພີ່ມຕື່ມໄດ້ໃນເຄື່ອງຊ່ວຍໃນການຟັງ.
ຜູ້ຂາຍເຄື່ອງຊ່ວຍຟັງອາດໃຫ້ຂ້ໍມູນຈຳນວນໜຶ່ງກ່ຽວກັບເຄ່ືອງດັ່ງກ່າວ. ແຕ່ຄຳແນະນຳຈາກພວກເຂົາບໍ່ດີສະເໝີໄປ. ພວກເຂົາອາດສົນໃຈແຕ່ເຮັດແນວໃດຈະຂາຍສິນຄ້ານັ້ນໄດ້ ໂດຍບໍ່ສົນໃຈວ່າ ຜະລິດຕະພັນ ໂຕໃດ ທີ່ເໝາະສົມກັບລູກຂອງທ່ານ. ບາງເທື່ອທາງຮ້ານຂອງເຄື່ອງຊ່ວຍຟັງ ກໍ່ອາດໃຫ້ລູກຂອງທ່ານລອງໃສ່ ເຄື່ອງຊ່ວຍຟັງກ່ອນປະມານ 2-3 ມື້ ຫຼື ເປັນອາທິດກ່ອນທີ່ຈະຕັດສິນໃຈຊື້.