Hesperian Health Guides
ເດັກຮຽນຮູ້ການສື່ສານໄດ້ແນວໃດ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 4: ທັກສະການສື່ສານພື້ນຖານ > ເດັກຮຽນຮູ້ການສື່ສານໄດ້ແນວໃດ
ການສື່ສານແມ່ນເຄື່ອງມືທີ່ມີອຳນາດອັນໜຶ່ງ ໃນການເອົາສິ່ງທີ່ພວກເຮົາຢາກໄດ້ ຫຼື ຕ້ອງການນັ້ນ ແລະ ເຂົ້າໃຈເຖິງຄວາມຕ້ອງການ ຫຼື ຄວາມຢາກໄດ້ຂອງຄົນອື່ນ. ທ່ານສາມາດຊ່ວຍໃຫ້ເດັກເລີ່ມມີການສື່ສານໄດ້ ໂດຍການຕອບສະໜອງຕໍ່ບັນດາການເຄື່ອນໄຫວ, ສຽງ ແລະ ການສະແດງສີໜ້າຂອງເຂົາ. ສິ່ງເຫຼົ່ານີ້ຈະຊ່ວຍໃຫ້ເຂົາຮຽນຮູ້ວ່າ ການກະທຳຂອງເຂົານັ້ນມີຜົນກະທົບຕໍ່ບຸກຄົນອື່ນນັ້ນແນວໃດ.
ໃຫ້ລູກຂອງທ່ານມີການຜັດປ່ຽນກັນ
ການຜັດປ່ຽນກັນຈະຊ່ວຍໃຫ້ລູກຂອງທ່ານພັດທະນາທັກສະການສື່ສານສອງທິດທາງ. ເມື່ອເຂົາເຕີບໂຕຂຶ້ນມາ, ນີ້ຈະຊ່ວຍໃຫ້ເຂົາຮຽນຮູ້ການສົນທະນາກັບບຸກຄົນອື່ນໆ. ນັ້ນແມ່ນໝາກບານ.
ບັນດາພາບຕໍ່ໄປນີ້ ແມ່ນການສະແດງເຖິງນາງ ສົມຈັນ ແມ່ຂອງ ທ້າວ ຄຳແດງ, ກຳລັງຊ່ວຍລູກຂອງລາວໃຫ້ມີການຮຽນຮູ້ການສື່ສານ.
 ນັ້ນແມ່ນໝາກບານ.
ໃບໜ້າຂອງ ນາງ ສົມຈັນ ໄດ້ສະແດງໃຫ້ ເຫັນວ່າ: ລາວກຳລັງຖາມຄຳຖາມໃດໜຶ່ງຢູ່. |
 ຂອບໃຈ! ຄຳແດງ ເຮັດໄດ້ດີຫຼາຍ. |
ລູກຂອງທ່ານຈະສາມາດຮຽນຮູ້ໄດ້ຫຼາຍຂຶ້ນ, ຖ້າທ່ານ ແລະ ລູກຂອງທ່ານ ຫາກສາມາດຍິນຍອມ ແລະ ຍອມເສຍສະລະໃຫ້ແກ່ກັນໄດ້.
ຕົວຢ່າງ: ນາງ ສົມຈັນ ຈະລໍຖ້າຈົນກວ່າຄຳແດງ ລູກຂອງລາວ, ເບິ່ງໃບໜ້າຂອງນາງ. ສົມຈັນສ້າງຄວາມສົນໃຈ ແລະ ດຶງດູດຄວາມໃສ່ໃຈ ດ້ວຍການຍົກຄິ້ວ, ຍິ້ມ ແລະ ສັ່ນໝາກບານ.
 ເມື່ອຄຳແດງກິ້ງໝາກບານຄືນໃຫ້ ສົມຈັນ. ລາວກໍ່ ຕອບສະໜອງດ້ວຍ ການຍິ້ມ ແລະ ຕົບມື... |
 ...ແລະ ກິ້ງໝາກບານກັບໄປຫາ ຄຳແດງອີກ. |
ຫຼັງຈາກທີ່ຄຳແດງຮັບຮູ້ວ່າເຮັດແນວໃດແລ້ວ. ລາວ ແລະ ແມ່ຂອງລາວກໍ່ຈະປ່ຽນຜຽນກັນ.
ຕໍ່ມາ ສົມຈັນໄດ້ປ່ຽນເກມຫຼິ້ນ ເພື່ອຮັກສາຄວາມໃສ່ໃຈຂອງ ທ້າວ ຄຳແດງໄວ້. ນາງໄດ້ເອົາໝາກບານເຂົ້າໄວ້ໃນກັບໜຶ່ງ. ສັງເກດເບິ່ງໃບໜ້າຂອງສົມຈັນ, ໃບໜ້າຂອງທ່ານຈະເປັນແນວໃດ ຖ້າທ່ານຫາກຖືກຖາມວ່າ “ໝາກບານຢູ່ໃສ?” ໂດຍທີ່ີບໍ່ໄດ້ໃຊ້ຄຳເວົ້າ.
 ສົມຈັນລໍຖ້າໃນຂະນະທີ່ ຄຳແດງ ຄານໄປຫາກັບນັ້ນ. |
ສົມຈັນ ຍິ້ມ ແລະ ຕົບມືອີກ ເມື່ອຄຳ ແດງສາມາດຊອກເຫັນລູກບານນັ້ນ. |
ການສື່ສານຂັ້ນພື້ນຖານ ແມ່ນໄດ້ເລີ່ມຂຶ້ນຕັ້ງແຕ່ຄາວທີ່ພວກເຂົາຍັງເດັກ. ເຊິ່ງເປັນການສື່ສານ ທີ່ບໍ່ມີພາສາຄຳເວົ້າ.
ການກະຕຸ້ນໃຫ້ລູກຂອງທ່ານມີການປ່ຽນຜຽນກັນ
ທຸກຄັ້ງທີ່ທ່ານປ່ຽນຜຽນກັບລູກຂອງທ່ານ ມັນຈະມີຄວາມຫຍຸ້ງຍາກພໍສົມຄວນ. ບັນດາວິທີດັ່ງຕໍ່ໄປນີ້ ແມ່ນຄຳແນະນຳໂດຍລວມ ໃນການເຮັດໃຫ້ການປ່ຽນຜຽນກັນໄດ້ຮັບຜົນສຳເລັດ.
ໂດຍເລີ່ມຈາກ:
- ດຶງດູດຄວາມສົນໃຈລູກຂອງທ່ານ ແລະ ໃຫ້ເຂົາຮູ້ວ່າ ທ່ານພ້ອມແລ້ວທີ່ຈະຫຼິ້ນ.
- ລູກຂອງທ່ານຈະຮູຸວ່າ: ທ່ານສັງເກດການກະທຳ ຂອງເຂົາ ແລະ ມັກໃນສິ່ງດັ່ງກ່າວ. ເຂົາຈະພະຍາຍາມເຮັດໃນສິ່ງດັ່ງກ່າວນັ້ນອີກ ເພື່ອໃຫ້ໄດ້ຮັບການຕອບສະໜອງຈາກທ່ານອີກ. ສະນັ້ນ ເມື່ອລູກຂອງທ່ານສົ່ງສຽງ ຫຼື ສ້າງສັນຍະລັກອັນໃດອັນໜຶ່ງອອກມາ, ໃຫ້ມີການຕອບສະໜອງເຂົາໄປໃນທິດທາງທີ່ບວກ ແລ້ວຈະເຮັດໃຫ້ເຂົາສົ່ງສຽງ ແລະ ສ້າງສັນຍະລັກຫຼາຍຂຶ້ນເລື້ອຍໆ.
- ໃຫ້ລູກຂອງທ່ານເປັນຝ່າຍເລີ່ມກ່ອນ, ຕໍ່ຈາກນັ້ນ ທ່ານສາມາດຕອບສະໜອງໃນສິ່ງທີ່ເຂົາສົນໃຈ. ແຕ່ຖ້າຫາກທ່ານຕ້ອງລໍຖ້າເປັນເວລາດົນ. ທ່ານກໍ່ຕ້ອງເປັນ ຜູ້ເລີ່ມກ່ອນ
ເມື່ອທ່ານຕອບສະໜອງຕໍ່ລູກຂອງທ່ານນັ້ນ, ຈ່ົງພະຍາຍາມ:
- ຮຽນແບບສຽງ ແລະ ການກະທຳຂອງເຂົາ (ຖ້າເຂົາຫາກເວົ້າອອກມາວ່າ “ປາ…ປາ...” ກໍ່ຕ້ອງເວົ້າວ່າ “ປາ...ປາ...ເຊັ່ນກັນ.)
- ສືບຕໍ່ເຮັດໃນສິ່ງທີ່ເຂົາມັກ (ການກິ້ງໝາກບານໃຫ້ເຂົາຄືນອີກ)
- ເພີ່ມເຕີມໃສ່ໃນກິດຈະກຳທີ່ເຂົາກຳລັງເຮັດ (ເຮັດໃຫ້ເດັກມີການຊອກຫາໝາກບານຕື່ມອີກ ໃນຂະນະທີ່ເຂົາໄດ້ຫຼິ້ນໝາກບານແລ້ວ) ເຊິ່ງຈະເປັນການຮັກສາຄວາມໃສ່ໃຈຂອງເດັກ ແລະ ຈະຊ່ວຍໃຫ້ເຂົາຮຽນຮູ້ວິທີໃໝ່ໃນການຫຼິ້ນ.
ເມື່ອເດັກເຕີບໂຕຂຶ້ນ, ພວກເຂົາຍິ່ງມີຄວາມຕ້ອງການໃນການປ່ຽນຜຽນຫຼາຍຂຶ້ນ.
