Hesperian Health Guides
ການກະກຽມໃຫ້ເດັກໃນການໃຊ້ພາສາສັນຍະລັກ ແລະ ການເວົ້າ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 4: ທັກສະການສື່ສານພື້ນຖານ > ການກະກຽມໃຫ້ເດັກໃນການໃຊ້ພາສາສັນຍະລັກ ແລະ ການເວົ້າ
ເນື້ອໃນ
ກະຕຸ້ນລູກຂອງທ່ານໃຫ້ໃຊ້ການເຄື່ອນໄຫວຂອງມື
ມັນເປັນເລື່ອງທຳມະຊາດຂອງເດັກໃນການໃຊ້ພາສາມື, ລວມທັງຄົນພິການ ແລະ ຄົນປົກກະຕິກໍ່ລ້ວນແຕ່ໃຊ້ມື, ລຳຕົວ ແລະ ການສະແດງສີໜ້າຂອງພວກເຂົາໃນການສື່ສານທີ່ກ່ຽວກັບຫຼາຍໆສິ່ງ. ລວມທັງມີການໃຊ້ພາສາຄຳເວົ້າໄປພ້ອມດຽວກັນ ແລະ ບໍ່ມີການເຄື່ອນໄຫວເຫຼົ່ານີ້ເອີ້ນວ່າ ພາສາມື.ພວກເຮົາຈະໂບກມືໄປມາ ຖ້າພວກເຮົາຢາກຈະສັ່ງລາ, ພວກເຮົາມັກຈະແກວ່ງຫົວ ເມື່ອພວກເຮົາຢາກປະຕິເສດວ່າ “ບໍ່” ແລະ ຊີ້ມື.
ພາບຕໍ່ໄປນີ້ແມ່ນຕົວຢ່າງຈຳນວນໜຶ່ງຂອງຄົນຜູ້ທີ່ໃຊ້ພາສາມື:
 ເດັກຄົນນີ້ກຳລັງຈະ ບອກແມ່ຂອງລາວວ່າ ລາວຕ້ອງການສິ່ງໃດ ສິ່ງໜຶ່ງ. |
 ເຈົ້າຄິດວ່າ ຝົນ ຈະຕົກບໍ?
ຊາຍຄົນນີ້ ກຳລັງ ຕອບວ່າ ລາວບໍ່ຮູ້. |
ການໃຊ້ພາສາມື ແລະ ພາສາສັນຍະລັກນັ້ນບໍ່ແມ່ນກີດກັ້ນເດັກຈາກການຮຽນພາສາເວົ້າ. ແຕ່ພາສາມືຈະຊ່ວຍກະກຽມໃຫ້ເດັກໃຊ້ພາສາສັນຍະລັກ ແລະ ພາສາເວົ້າ. ໂດຍການໃຊ້ພື້ນຖານເຫຼົ່ານີ້ ເຂົາຈະຮຽນຮູ້ວ່າ ເຂົາສາມາດສົ່ງຂ້ໍຄວາມພິເສດໄດ້. ເຂົາຮຽນຮູ້ວ່າ ການແກວ່ງຫົວຂອງເຂົາ ຄືເຂົາສາມາດເຮັດໃຫ້ມັນມີ ຄວາມຈະແຈ້ງວ່າເຂົາບໍ່ຢາກເຮັດສິ່ງໃດສິ່ງໜຶ່ງ.
ເມື່ອທ່ານຢູ່ກັບລູກຂອງທ່ານ, ຈົ່ງພະຍາຍາມເຮັດໃຫ້ເຂົາໃຊ້ພາສາມື, ສັນຍະລັກ ຫຼື ສົ່ງສຽງອອກມາ. ເພາະວ່າລູກຂອງທ່ານຕ້ອງການທີ່ຈະຮຽນຮູ້ວ່າ ຄຳເວົ້າ ຫຼື ສັນຍະລັກນັ້ນມີຄວາມສຳຄັນ ແລະ ມັນເຮັດໃຫ້ຄົນມີປະຕິກິລິຍາຕໍ່ການສື່ສານຂອງເຂົາໄດ້.
- ໃຊ້ພາສາມືເລື້ອຍໆໃນການສົ່ງຂ້ໍຄວາມໃຫ້ລູກຂອງທ່ານ.
 ປ້າຂອງ ທ້າວ ສອນໄຊ ກຳລັງໃຊ້ພາສາມື. |
 ພໍ່ຂອງ ທ້າວ ຄຳສອນ ກຳລັງໃຊ້ພາສາມື ພ້ອມກັບພາສາຄຳເວົ້າໃນເວລາດຽວກັນ.
ບໍ່!
|
- ໂດຍໃຊ້ການເຄື່ອນໄຫວຂອງມື, ລູກຂອງທ່ານໄດ້ໃຊ້ເຂົ້າໃນການສື່ສານຢ່າງເປັນທີ່ຮຽບຮ້ອຍແລ້ວ. ເດັກຫຼາຍໆຄົນເລີ່ມສ້າງການເຄື່ອນໄຫວຂອງມືແທນໃຫ້ແກ່ຊື່ຂອງວັດຖຸ, ຄົນ ຫຼື ກິດຈະກຳຕ່າງໆ. ຖ້າທ່ານຫາກສັງເກດການເຄື່ອນໄຫວເຫຼົ່ານີ້ແລ້ວ. ທ່ານ ແລະ ຄອບຄົວຂອງທ່ານສາມາດເລີ່ມພັດທະນາພາສາສັນຍະລັກພາຍໃນເຮືອນໄດ້. ຕົວຢ່າງ:
| ທ້າວ ສີຈັນ ກຳລັງຊີ້ໃສ່ນົກ. | ທ້າວ ສີຈັນ ເຮັດການເຄື່ອນໄຫວທາງມືຄື ກັບການບິນຂອງນົກໃນການເອີ້ນຊື່ນົກ. |
 |
 |
ສັນຍະລັກເຫຼົ່ານີ້ ມີຜົນປະໂຫຍດຫຼາຍສຳລັບສະມາຊິກຄອບຄົວໃນການສື່ສານກັບຄົນອື່ນໆ ແຕ່ຄົນອື່ນອາດຈະບໍ່ເຂົ້າໃຈບັນດາສັນຍະລັກເຫຼົ່ານັ້ນ.
- ການຫຼິ້ນເກມທີ່ຊ່ວຍໃຫ້ເດັກມີການຮຽນຮູ້ການຊີ້ມື.
 ແມ່ຢູ່ໃສ? |
 ຈະເອ້! ແມ່ຢູ່ນີ້! |
- ເຂົາຈະຈື່ຈຳ ການໃຊ້ພາສາມືທີ່ທ່ານເຮັດນັ້ນ ແລະ ກໍ່ຈະລອກແບບບັນດາພາສາມືເຫຼົ່ານັ້ນ.
- ການຊ່ວຍໃຫ້ລູກຂອງທ່ານໄດ້ສະແດງອອກໃນສິ່ງທີ່ເຂົາຮູ້ສຶກ ໂດຍການໃຊ້ພາສາມື.
ການສື່ສານໂດຍການໃຊ້ພາສາສັນຍະລັກພາຍໃນເຮືອນ
ເມື່ອຄອບຄົວໃດໜ່ຶງຫາກມີສະມາຊິກເປັນຄົນພິການທາງຫູ, ພາສາມືຈະຊ່ວຍໃຫ້ພວກເຂົາມີການສື່ສານເຊິ່ງກັນ ແລະ ກັນໄດ້. ແຕ່ຄົນເຮົາຕ້ອງການມີວິທີທີ່ສົມບູນໃນການສື່ສານຫຼາຍກວ່າພາສາມືທຳມະດາ. ຄອບຄົວມັກຈະສ້າງແລະ ໃຊ້ພາສາສັນຍະລັກພາຍໃນເຮືອນສະເໝີ. ການເຄື່ອນໄຫວທາງມື ແລະ ລຳໂຕນັ້ນ ພວກເຂົາໄດ້ພັດທະນາໃຫ້ກາຍເປັນການສະແດງຕົວຂອງພວກເຂົາ ແລະ ສື່ສານກັບລູກຂອງພວກເຂົາ ຜູ້ທີ່ພິການທາງຫູ. ສິ່ງຕໍ່ໄປນີ້ແມ່ນຕົວຢ່າງໜຶ່ງ:
 |
| ໄປເຮືອນເທາະ. |
 |
| ຂີ່ໂຕລໍ |
 |
| ຂໍຄວາມກະລຸນາ ດ້ວຍທ້ອນ! |
ສິ່ງດ່ັງກ່າວນີ້ ໄດ້ຊ່ວຍໃຫ້ ລາວສາມາດສື່ສານໄດ້ດີຂຶ້ນ, ພຽງ ແຕ່ລາວສາມາດໃຊ້ພາສາມືເທົ່ານັ້ນ.
ການສ້າງ ແລະ ນຳໃຊ້ພາສາສັນຍະລັກພາຍໃນເຮືອນນັ້ນ ເປັນເລ່ືອງທຳມະຊາດສຳລັບຄອບຄົວທີ່ມີເດັກຫູໜວກ ຫຼື ຫູຕຶງ. ເດັກທີ່ພິການທາງຫູຄົນອື່ນໆ ແລະ ເດັກປົກກະຕິທົ່ວໄປອາດຈະບໍ່ເຂົ້າໃຈບັນດາສັນຍະລັກທີ່ທ່ານສ້າງຂຶ້ນມາ, ແຕ່ທ່ານສາມາດແລກປ່ຽນ ແລະ ແບ່ງປັນກັບໝູ່ເພື່ອນໄດ້ກ່ຽວກັບສິ່ງທີ່ທ່ານໄດ້ປະຕິບັດກັບຄອບຄົວຂອງທ່ານ.
ປະຈຸບັນນີ້ລູກຂອງທ່ານ ແລະ ຄອບຄົວອາດໄດ້ກຳລັງນຳໃຊ້ພາສາມື ແລະ ພາສາສັນຍະລັກຢູ່ໃນຄອບຄົວ ແລະ ມັນຄວນຈະສືບຕໍ່ເຮັດແບບນີ້ຕະຫຼອດໄປ, ເຖິງແມ່ນວ່າ ພາສາສັນຍະລັກຢູ່ໃນຄອບຄົວນັ້ນ ບໍ່ໄດ້ສ້າງເປັນພາສາທີ່ສົມບູນກໍ່ຕາມ. ແຕ່ພວກມັນສາມາດຊ່ວຍໄດ້ຫຼາຍໃນການສະແດງທັດສະນະແນວຄິດທີ່ທຳມະດາ ແລະ ກໍ່ເປັນຈຸດເລີ່ມຕົ້ນທີ່ດີໃນການສື່ສານ. ຮຽນຮູ້ເພີ່ມເຕີມກ່ຽວກັບການສອນລູກຂອງທ່ານກ່ຽວກັບພາສາສັນຍະລັກ ທີ່ຈະຖືກໃຊ້ໃນສະຖານທີ່ທີ່ທ່ານອາໄສຢູ່ນັ້ນ. ເບິ່ງຂໍ້ມູນເພີ່ມຕື່ມໄດ້ໃນ ບົດທີ8.
ການສ້າງພາສາສັນຍະລັກພາຍໃນເຮືອນ
ການສ້າງພາສາສັນຍະລັກສາມາດກາຍເປັນເລື່ອງທີ່ສະໜຸກສະໜານໄດ້, ແຕ່ຈົ່ງຈຳໄວ້ສະເໝີວ່າ ມັນຕ້ອງໃຊ້ເວລາ ແລະ ຄວາມອົດທົນ. ແຕ່ມັນກໍ່ຈະກາຍເປັນລາງວັນອັນຍິ່ງໃຫຍ່ທີ່ທ່ານ ແລະ ລູກຂອງທ່ານເລີ່ມທີ່ຈະເຂົ້າໃຈເຊິ່ງກັນ ແລະ ກັນ. ສອງສາມໜ້າຕໍ່ໄປນີ້ ຈະເປັນການໃຫ້ທັດສະນະແນວຄິດສຳລັບການສ້າງພາສາສັນຍະລັກ. ທ່ານສາມາດດັດແປງພວກມັນໃຫ້ເໝາະສົມກັບການໃຊ້ພາສາມື, ປະເພນີ ແລະ ພາສາທີ່ໃຊ້ໃນຂົງເຂດຂອງທ່ານໄດ້. ພ້ອມກັນນັ້ນ ທ່ານ ແລະ ຄອບຄົວຂອງທ່ານອາດຈະມີແນວຄວາມຄິດທີ່ຫຼາກຫຼາຍໃນການປະດິດພາສາສັນຍະລັກດ້ວຍຕົວຂອງພວກທ່ານເອງ.
ສິ່ງຕໍ່ໄປນີ້ ແມ່ນບັນດາຄຳແນະນຳຈຳນວນໜຶ່ງໃນການຊ່ວຍທ່ານໃນເບື້ອງຕົ້ນ:
-
ຈົ່ງພະຍາຍາມສ້າງສັນ ຍະລັກທີ່ເບິ່ງຄ້າຍຄືກັບສິ່ງ ໃດໜຶ່ງ ຫຼື ການກະທຳທີ່ ຢາກສື່ສານ ເຖິງນັ້ນ.
ນີ້ແມ່ນສັນຍະລັກສຳລັບ “ເດັກແດງ” ເບິ່ງຄ້າຍຄືກັບວ່າ ຄົນໃດຄົນໜຶ່ງກຳ ລັງອູ້ມແອນ້ອຍ. 
ແອນ້ອຍ -
ສັງເກດເບິ່ງບັນດາສັນຍະລັກທີ່ລູກຂອງ ທ່ານສ້າງຂຶ້ນ ແລະນຳໃຊ້ພວກມັນ. ຕົວຢ່າງ: ເດັກຫຼາຍຄົນທີ່ສ້າງສັນຍະລັກແທນຊື່ເອີ້ນຂອງ ສະມາຊິກໃນຄອບຄົວ.
ເດັກຄົນໜຶ່ງໄດ້ສ້າງສັນຍະ ລັກນີ້ ສຳລັບມາເລຍເອື້ອຍ ຂອງລາວ ເຊິ່ງລາວໃສ່ແວ່ນຕາ. ນາງ ມາເລຍ -
ນຳໃຊ້ຮູບລັກສະນະ, ທີ່ຕັ້ງ ແລະການເຄື່ອນໄຫວຂອງມື ເພື່ອສ້າງເປັນສັນຍະລັກຕ່າງໆ. ຕົວຢ່າງ: ການສ້າງສັນຍະລັກການດື່ມນ້ໍາຈາກຈອກ ທ່ານສາມາດເຮັດສັນຍະລັກຄື:
ເຮັດໃຫ້ມືຂອງທ່ານເປັນ ຮູບທ່ີຄ້າຍຄືກັບຈອກ. ຕໍ່ຈາກນັ້ນກໍ່ເຄື່ອນຍ້າຍ ມືຂອງທ່ານເຮັດຄ້າຍຄື ກັບວ່າ ທ່ານກຳລັງດື່ມ ນ້ໍາຈາກຈອກ. ຫຼື ຖ້າຫາກທ່ານຕ້ອງການ ສັນຍະລັກກ່ຽວກັບການດື່ມ ນ້ໍາຈາກອົ້ງມືຂອງທ່ານ. ທ່ານສາມາດປ່ຽນຮູບມືຂອງທ່ານໃຫ້ຄ້າຍຄືລັກສະ ນະດັ່ງຮູບລຸ່ມນີ້. 
ດື່ມນ້ໍາຈາກຈອກ ດື່ມນ້ໍາຈາກອົ້ງມື -
ຈົ່ງພະຍາຍາມສ້າງສັນຍະລັກທີ່ໃກ້ຄຽງກັນ ສຳລັບການກະທຳ ຫຼື ວັດຖຸສິ່ງຂອງທີ່ໄປນຳກັນ. ໂດຍເລີ່ມຈາກ:
ການຢືນ ການນອນລົງ ການກະໂດດ
ທ່ານຍັງສາມາດສ້າງສັນຍະລັກທີ່ເປັນການກົງ ກັນຂ້າມກັນເຊັ່ນ: “ການຍູ້” ແລະ “ການດຶງ” - ເຊື່ອມຕໍ່ບັນດາສັນຍະລັກທີ່ເປັນວັດຖຸ, ການກະທຳ ແລະແນວຄວາມຄິດ ໂດຍການສ້າງເປັນປະໂຫຍກ. ເດັກຜູ້ທີ່ຮຽນຮູ້ໃນການປະສົມປະສານແນວຄວາມຄິດເຂົ້າ ນຳ ຈະສາມາດພັດທະນາທັກສະການສື່ສານໄດ້ສົມບູນ ຫຼາຍຂຶ້ນ.
| "ຈອກຢູ່ເທິງໂຕະ" | |
 |
|
| ຈອກ | ຈອກຢູ່ເທິງໂຕະ |
ຕົວຢ່າງຂອງພາສາສັນຍະລັກ
ເກືອບທັງໝົດຂອງສັນຍະລັກເຫຼົ່ານີ້ນຳໃຊ້ຢູ່ໃນລາວ ແລະ ອາເມຣິກາ ແຕ່ຍັງມີຄວາມແຕກຕ່າງຢູ່ບາງຂົງເຂດໃນປະເທດລາວ. ດັ່ງນັ້ນ ເຈົ້າຄວນເຊື່ອຖືສິ່ງທີ່ເຈົ້າຮຽນຈາກອາຈານ ຫຼື ໃນຊຸມຊົນຂອງເຈົ້າ. ສັນຍະລັກເຫຼົ່ານີ້ ຍັງສະແດງໃຫ້ເຫັນສັນຍະລັກປະເພດຕ່າງໆ ທີ່ເດັກຕ້ອງຮຽນຮູ້ໃນແຕ່ລະດັບຂັ້ນຂອງການສື່ສານ.
ບັນດາສັນຍະລັກສຳລັບຄົນ
| ແມ່ຍິງ | ແມ່ | ເອື້ອຍ | ຂອງລາວຜູ້ຊາຍ, ຂອງລາວຜູ້ຍິງ, ຂອງພວກເຂົາ, ຂອງເຈົ້າ ຫຼື ຂອງ ພວກເຈົ້າ | |
 |
 |
 |
 |
ແມ່ນການສັນຍະລັກຊີ້ ໄປຫາບຸກຄົນນັ້ນໂດຍກົງ. |
| ຜູ້ຊາຍ | ພໍ່ | ອ້າຍ | ພວກເຮົາ | |
 |
 |
 |
 | |
ບັນດາສັນຍະລັກສຳລັບວັດຖຸສິ່ງຂອງ
| ນ້ໍາ | ເຂົ້າຈ່ີ | ເງິນ |  ໄກ່
|
ເຄື່ອງໝາຍ |
 |
 |
 |
 |
|
| ເຮືອນ | ບ້ານ, ຊຸມຊົນ | ໂຮງຮຽນ | ຫ້ອງນ້ໍາ | ເກີບ, ເກີບສຸບ |
 |
 |
 |
 |
 |
ການພັນລະນາສັນຍະລັກ
| ດີໃຈ | ຫິວນ້ໍາ | ສະອາດ, ຈົບງາມ | ເບື້ອນ ຫຼື ບໍ່ສະອາດ | ຢາກຮ້າຍ |
 |
 |
 |
 |
 |
| ຮ້ອນ | ໜາວ | ຫູໜວກ ຫຼື ພິການຫູ | ສີແດງ | ສີຟ້າ |
 |
 |
 |
 |
 |
ບັນດາຕົວຢ່າງຕໍ່ໄປນີ້ຍັງຈະສະແດງໃຫ້ເຫັນວ່າ: ແຕ່ລະສັນຍະລັກນັ້ນສາມາດປ່ຽນແປງ ແລະ ເຊື່ອມຕໍ່ກັບສັນຍະລັກອື່ນໄດ້ ເພື່ອໃຫ້ມັນກາຍເປັນຄວາມໝາຍໃໝ່.
ສັນລະລັກການກະທຳ
| ກ່ຽວກັບການເຮັດສິ່ງໃດສິ່ງໜຶ່ງ | ກ່ຽວກັບການຄົ້ນຄິດ | ກ່ຽວກັບການພົວພັນກັບຄົນອື່ນ | |||
| ເລີ່ມຕົ້ນ | ຢຸດ | ເຂົ້າໃຈ | ລືມ | ມັກ | ຮັກ |
 |
 |
 |
 |
 |
 |
| ໃຊ້ | ຍ່າງ | ເອົາ |  ບໍ່ເອົາ |
ຊ່ວຍເຫຼືອ | ຫຼິ້ນ |
 |
 |
 |
 |
 | |
ສັນຍະລັກທີ່ເປັນຄຳຖາມ
| ແມ່ນຫຍັງ? | ຢູ່ໃສ? | ຍ້ອນຫຍັງ? | ແມ່ນໃຜ? | ບໍ່ | ເຈົ້າ ຫຼື ໂດຍ |
 |
 |
 |
 |
 |
 |
ສັນຍະລັກກ່ຽວກັບທິດທາງ
| ຢູ່ເທິງ | ຢູ່ຂ້າງໃນ | ຢູ້ຂ້າງນອກ | "ໂຍນໝາກບານໄປໃຫ້ນາງ" | |||
 |
 |
 |
ໄປຫາແມ່ນສັນ ຍະລັກໄປຫາ ຄົນ ຫຼື ວັດ ຖຸນັ້ນໂດຍກົງ. |  | ||
| ໝາກບານ | ໂຍນ | ໄປໃຫ້ນາງນາ | ||||
ສັນຍະລັກກ່ຽວກັບເວລາ
| ອານາຄົດ | “ຝົນຈະຕົກ” | ອະດີດ | “ຝົນໄດ້ຕົກແລ້ວ” | ||
 |
 |
 |
 |
 |
 |
| ອະນາຄົດ | ຝົນຕົກ | ອະດີດ | ຝົນຕົກ | ||
| ປະຈຸບັນ | “ຝົນກຳລັງຈະຕົກ” |  |
 |
ກາງເວັນ | ກາງຄືນ |
 |
 |
 | |||
| ຝົນຕົກ | ປະຈຸບັນ | ||||
ກະຕຸ້ນໃຫ້ລູກຂອງທ່ານສົ່ງສຽງອອກມາ
ເດັກເລີ່ມໃຊ້ມື ແລະ ພາສາມືຕັ້ງແຕ່ອາຍຸຍັງນ້ອຍໆ, ແລະ ສິ່ງເຫຼົ່ານີ້ກໍ່ຈະກາຍເປັນພື້ນຖານສຳລັບການພັດທະນາການສື່ສານ ແລະ ພາສາສັນຍະລັກ.ເດັກກໍ່ມີການສ້າງສຽງ ແລະ ສົ່ງສຽງອອກມາຕັ້ງແຕ່ຄາວຍັງນ້ອຍໆ ເຊັ່ນກັນ ແລະ ສິ່ງເຫຼົ່ານັ້ນກໍ່ຈະກາຍເປັນພື້ນຖານຂອງການສື່ສານ ແລະ ການພັດທະນາທາງດ້ານ ພາສາຄຳເວົ້າ.
ລູກຂອງທ່ານຕ້ອງການຮຽນຮູ້ວ່າ ຄົນເຮົາສ້າງສຽງຂຶ້ນດ້ວຍການໃຊ້ຮີມສົບ, ລີ້ນ, ລົມຫາຍໃຈ ແລະ ການສັ່ນໃນລຳຄໍ ແລະ ດັງ.
ສອນເດັກວິທີການສ້າງສຽງໃນຕົວຂອງເຂົາ, ວິທີການຄວບຄຸມລົມຫາຍໃຈຂອງເຂົາ ແລະ ວິທີໃນການເຮັດໃຫ້ສົບ ແລະ ລີ້ນຂອງເຂົາເປັນຮູບລັກສະນະຕ່າງໆ ເພື່ອໃຫ້ອອກເປັນສຽງຕ່າງໆ.
ເມື່ອທ່ານເຮັດກິດຈະກຳຂ້າງລຸ່ມນີ້, ພະຍາຍາມກະຕຸ້ນໃຫ້ລູກຂອງທ່ານເຮັດຕາມທ່ານ. ມັນເປັນສິ່ງທີ່ອ່າວຍາກສຳລັບຄົນພິການທາງຫູ ໃນການຮຽນຮູ້ການສ້າງສຽງອອກມາ. ສະນັ້ນ, ເມື່ອເຂົາເຮັດສິ່ງໃດໜຶ່ງ ຈົ່ງໃຫ້ເຂົາຮູ້ວ່າ ເຂົາໄດ້ເຮັດສິ່ງທີ່ສຳຄັນໃດໜຶ່ງ.
- ວາງລູກຂອງທ່ານໄວ້ເທິງໜ້າເອິກຂອງທ່ານ. ທຳອິດເຮັດໃຫ້ເຂົາຮູ້ສຶກວ່າ ເອິກຂອງທ່ານມີການ ເຄື່ອນທີ່ຂຶ້ນ ແລະ ລົງຕາມຈັງຫວະການຫາຍໃຈປົກກະຕິ, ໂດຍທີ່ບໍ່ໄດ້ເວົ້າຫຍັງ. ຕໍ່ຈາກນັ້ນ ອາດຈະເວົ້າ ຫຼື ຮ້ອງເພງ.
ປ່ອຍໃຫ້ລູກຂອງທ່ານຮູ້ສຶກສົງໄສກ່ຽວກັບການເຄື່ອນເໜັງໜ້າເອິກຂອງທ່ານ.
- ເວົ້າໃນສຽງທີ່ເປັນທຳມະຊາດ, ເວົ້າໃກ້ກັບຫູລູກຂອງທ່ານ ໃນໄລຍະປະມານ 8 ຊັງຕີແມັດ. ການເວົ້າໃກ້ກັບໃບຫູຂອງເຂົານັ້ນ ຈະເຮັດໃຫ້ເຂົາໄດ້ຍິນດີຂຶ້ນ ແລະ ງ່າຍຂຶ້ນ, ລູກຂອງທ່ານຍັງຈະຮູ້ສຶກໄດ້ເຖິງລົມຫາຍໃຈຂອງທ່ານໃນຂະນະທີ່ເວົ້າ.
- ສ້າງສຽງງ່າຍຂຶ້ນສັງເກເຫັນຮີມສົບຂອງທ່ານ ແລະ ລື້ມຄືນສຽງເຫຼົ່ານັ້ນເລື້ອຍໆໃນຕະຫຼອດວັນ.
- ພະຍາຍາມເຮັດສຽງຖືກຕ້ອງກັບສຽງຂອງວັດຖຸທີ່ດັງອອກມາ.
- ພະຍາຍາມເຮັດໃຫ້ຄວາມຍາວຂອງສັນຍະລັກນັ້ນພໍດີກັບຄວາມຍາວຂອງການເຄື່ອນເໜັງຂອງວັດຖຸ.
 ຕຶບ... ຕຶບ...ຕຶບ...! |
 ກິ້ງໄປແລ້ວ...! |
ຕໍ່ໄປນີ້ຈະສະເໝີກ່ຽວກັບ 3 ວິທີ ທີ່ຈະສະແດງໃຫ້ລູກຂອງທ່ານເຫັນວ່າ: ທ່ານໃຫ້ຄວາມເອົາໃຈໃສ່ຕໍ່ສຽງຂອງເຂົາ:
- ທ່ານສາມາດລອກແບບເຂົາ, ສະແດງໃຫ້ເຂົາເຫັນວ່າ ທ່ານມີຄວາມມ່ວນຊື່ນ ໃນການຮຽນແບບເຂົາ. ສົມມຸດວ່າ ລູກຂອງທ່ານເວົ້າວ່າ “ໂອ…” ທ່ານກໍ່ເວົ້າເຊັ່ນນັ້ນຄືກັນ ແລະ ລໍຖ້າສັງເກດເບິ່ງຖ້າ ເຂົາຫາກເຮັດຄືແນວນັ້ນອີກ.
- ທ່ານສາມາດຕອບສະໜອງຕໍ່ສຽງຂອງເຂົາເຊັ່ນມັນຈະເປັນການເລີ່ມຕົ້ນຂອງບົດສົນທະນາ. ພະຍາຍາມທຳຄວາມເຂົ້າໃຈວ່າ ລູກຂອງທ່ານກຳລັງສື່ສານຫຍັງ ແລະ ຕອບຄຳຖາມດ່ັງກ່າວນັ້ນ.
- ທ່ານສາມາດຖາມເຂົາກ່ຽວກັບສິ່ງທີ່ເຂົາກຳລັງສື່ສານ. ມັນຈະເປັນການກະຕຸ້ນໃຫ້ເຂົາເລີ່ມຕົ້ນບົດສົນທະນາ. ນອກຈາກນັ້ນ, ການຖາມຄຳຖາມເປັນວິທີທີ່ດີໃນການກະຕຸ້ນເຂົາໃຫ້ຖາມທ່ານຄືນ.