Hesperian Health Guides
ການຮຽນຮູ້ພາສາ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 2: ຄວາມສຳຄັນການຊ່ວຍເຫຼືອຕັ້ງແຕ່ເບື້ອງຕົ້ນ > ການຮຽນຮູ້ພາສາ
ການຮຽນຮູ້ພາສາເວົ້າແມ່ນຍາກສຳລັບເດັກທີ່ພິການທາງຫູ
ເມື່ອພວກເຂົາຮຽນຮູ້ຄຳສັບຫຼາຍຂຶ້ນ, ພວກເຂົາກໍ່ສາມາດຮຽນຮູ້ທັກສະການສື່ສານທີ່ກ້າວໜ້າຂຶ້ນເຊັ່ນ: ເວົ້າເປັນປະໂຫຍກ ຫຼື ລົມເປັນບົດສົນທະນາ. ເດັກຜູ້ທີ່ພິການທາງຫູ ຫຼື ບໍ່ສາມາດຮັບຟັງໄດ້ດີນັ້ນແມ່ນຕ້ອງການຄວາມຊ່ວຍເຫຼືອໃນການຮຽນຮູ້ທັກສະ ພໍ່ເບິ່ງດູ? ຕ່າງໆ ເຊັ່ນ: ການເວົ້າຄຳເວົ້າທີ່ງ່າຍດາຍ ຫຼື ການເຮັດສິ່ງໃດສິ່ງໜຶ່ງຕາມບົດສົນທະນາທີ່ງ່າຍດາຍ ເຊັ່ນ: ການປ່ຽນຜຽນກັນ.
ລາວກໍ່ບໍ່ມີຫົນທາງໃດທີ່ຈະກາຍເປັນສ່ວນໜຶ່ງຂອງສັງຄົມ ແລະ ກໍ່ຈະຖືກປະປ່ອຍໃຫ້ຢູ້ຢ່າງໂດດດ່ຽວ.
ພາສາຊ່ວຍການພັດທະນາທາງດ້ານຈິດໃຈແນວໃດ
ພາສາສາມາດເຮັດໃຫ້ເດັກມີການຄົ້ນຄິດ, ວາງແຜນ ແລະ ເຂົ້າໃຈໂລກທີ່ຢູ່ອ້ອມຕົວເຂົາໄດ້ ແລະ ເຂົາກໍ່ຈະກາຍເປັນພາກສ່ວນໜຶ່ງຂອງຊຸມຊົນ. ຖ້າຫາກປາສະຈາກພາສາແລ້ວ, ເດັກກໍ່ບໍ່ສາມາດພັດທະນາທາງດ້ານຈິດໃຈໄດ້.
ເມື່ອເດັກບໍ່ສາມາດຮັບຮູ້ທາງຫູໄດ້ ແລະ ບໍ່ໄດ້ຮັບການຊ່ວຍເຫຼືອໃນການຮຽນພາສາ ເພື່ອການສື່ ສານນັ້ນ. ພວກເຂົາກໍ່ຈະປະເຊີນໜ້າກັບບັນຫາການພັດທະນາທາງດ້ານຈິດໃຈຂອງພວກເຂົາເອງ. ພໍ່ແມ່ຫຼາຍໆຄົນ ທີ່ມີລູກພິການທາງຫູ ຫຼື ສູນເສຍການຟັງໄປແລ້ວນັ້ນມີຄວາມດີໃຈຫຼາຍແລ້ວ ຖ້າລູກຂອງພວກເຂົາຫາກຮຽນເວົ້າຄຳສັບທີ່ງ່າຍດາຍສອງສາມຄຳ ຫຼື ໃຊ້ພາສາມື, ແຕ່ຕ້ອງການຫຼາຍກວ່ານີ້, ຄືພວກເຂົາຕ້ອງການທີ່ຈະຮຽນພາສາ.
ເດັກທີ່ພິການທາງຫູແມ່ນມີຄວາມຕ້ອງການຮຽນພາສາຕັ້ງແຕ່ຕອນຕົ້ນ, ເພື່ອທີ່ເຂົາຈະສາມາດໃຊ້ພາສາດັ່ງກ່າວນັ້ນ ເວົ້າກັບຕົວຂອງເຂົາເອງ, ຄົ້ນຄິດ ແລະ ສະແດງແນວຄວາມຄິດຂອງພວກເຂົາໂດຍການເວົ້າເປັນຄຳສັບອອກມາ ເຊິ່ງເຮັດໃຫ້ມັນມີຄວາມເປັນໄປໄດ້ທີ່ຈະມີການຄົ້ນຄິດກ່ຽວກັບແນວຄວາມຄິດເຫຼົ່າ ນັ້ນ.
 ເສື້ອໂຕໃຫຍ່ກວ່ານີ້ ຕ້ອງແມ່ນເສື້ອຂອງພໍ່.
|
 ກ່ອນອື່ນໝົດ ຂ້ອຍເອົາໄຂ່ໃສ່ ຕໍ່ຈາກນັ້ນ, ກໍ່ປະສົມກັບແປ້ງ ແລ້ວຄົນມັນຈົນໜຽວ. |
| ເພາະວ່າ ລາວຮູ້ຄຳສັບວ່າ “ໃຫຍ່ກວ່າ ຫຼື ນ້ອຍກວ່າ, ຄຳຫຼ້າ ກໍ່ສາມາດ ຮຽນຮູ້ ປຽບທຽບຂະໜາດໄດ້, ຖ້າ ຫາກວ່ານາງບໍ່ຮູ້ພາສາ ລາວ ເອງກໍ່ບໍ່ສາມາດຮຽນຮູ້ ສິ່ງ ດັ່ງກ່າວນັ້ນໄດ້. | ເພາະວ່າ ນາງຮູ້ຄຳສັບ ໃນການຈັດລຽງເຫດ ການ ຫຼື ສິ່ງຂອງ, ນາງ ນວນຕາ ກໍ່ສາມາດ ວາງແຜນໄດ້. |
ເດັກຍັງຕ້ອງການຮຽນພາສາເພື່ອສະແດງແນວຄວາມຄິດຂອງເຂົາຕໍ່ກັບຜູ້ອື່ນ ຫຼື ບອກຄົນອື່ນວ່າ ເຂົາຕ້ອງການຫຍັງ ຫຼື ຢາກໄດ້ສິ່ງໃດເຂົາຍັງຕ້ອງການຮຽນພາສາ ເພື່ອໃຫ້ເຂົ້າໃຈເຖິງການອະທິບາຍ, ຕະ ຫຼອດເຖິງສາມາດສື່ສານກັບຄົນອື່ນໄດ້, ເຂົາຈະຮຽນຮູ້ເຖິງໂລກທີ່ຢູ່ອ້ອມຕົວເຂົາ. ສິ່ງເຫຼົ່ານີ້ຈະຊ່ວຍໃຫ້ຈິດໃຈຂອງເດັກໄດ້ຮັບການພັດທະນາ ແລະ ເຮັດໃຫ້ເຂົາສ້າງສາຍພົວພັນກັບຄົນອື່ນໄດ້.
 |
 ? |
| ຖ້າຫາກບໍ່ຮູ້ພາສາ ເດັກຈະບໍ່ຮູ້ວ່າ ຍ້ອນສາເຫດໃດເຂົາຈິ່ງຕ້ອງ ຢູ່ຫ່າງໄກຈາກສິ່ງທີ່ເປັນອັນຕະ ລາຍ. ທ້າວ ຄຳສີ ບໍ່ສາມາດຮູ້ວ່າ ຍ້ອນສາເຫດໃດ ພວກເຂົາຈຶ່ງ ຕ້ອງປິດປາກນ້ໍາສ້າງ. | ຖ້າຫາກວ່າ ແມ່ຂອງ ບົວລອຍບໍ່ອະທິບາຍ ໃຫ້ຟັງ, ນາງບົວລອຍ ກໍ່ຈະບໍ່ເຂົ້າໃຈວ່າ ແມ່ ຂອງລາວຮູ້ໄດ້ແນວໃດ ວ່າມີຄົນຢູ່ໜ້າປະຕູ. |