Hesperian Health Guides
ບົດທີ 11: ເຮັດວຽກຮ່ວມກັນເພື່ອຊ່ວຍເດັກທີ່ຫູໜວກ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 11: ເຮັດວຽກຮ່ວມກັນເພື່ອຊ່ວຍເດັກທີ່ຫູໜວກ
ເນື້ອໃນ
ສະພາບຊຸມຊົນຂອງທ່ານເດເປັນແນວໃດ?
ສິ່ງທີ່ຫລາຍຄົນນັບຖືວ່າແມ່ນຊຸມຊົນຂອງຕົນເອງທີ່ສຳຄັນແມ່ນລວມທັງເພື່ອນບ້ານ ໃກ້ຄຽງສະຖານ ທີ່ຢູ່ອາໄສ ແລະ ອື່ນໆ ແຕ່ນອກຈາກນີ້ ກໍຍັງມີຫລາຍປະເພດຊຸມຊົນນຳກັນ ເພາະຫລາຍກຸ່ມຄົນກໍສາມາດສະຫນອງການອຸ້ມຊູແກ່ເດັກທີ່ຫູໜວກ ແລະ ຄອບຄົວຂອງພວກເຂົາໄດ້ ເນື່ອງຈາກວ່າ ຄອບຄົວທີ່ມີລູກເປັນ ຄົນຫູໜວກແມ່ນສັງກັດຢູ່ກັບຊຸມຊົນຫລາຍແບບນີ້ເອງໃນເວລາດຽວກັນ.
ບັນດາເດັກນ້ອຍທີ່ຮຽນ ແລະ ຫຼິ້ນນຳກັນກໍ່ໃຫ້ເກີດເປັນຊຸມຊົນອີກ ແບບໜຶ່ງຂຶ້ນມາ
ຕາມທຳມະຊາດແລ້ວ ບັນດາເດັກແມ່ນຢູ່ນຳສັງຄົມຮ່ວມກັນ ແຕ່ບັນດາເດັກເຫຼົ່ານີ້ ມີຄວາມຕ້ອງ ການ ໃຫ້ກຳລັງໃຈ ທີ່ຢາກໃຫ້ເດັກຄົນອື່ນຈັດພວກເຂົາເຂົ້າກັບສັງຄົມເຖິງແມ່ນວ່າພວກເຂົາຈະມີຄວາມ ແຕກຕ່າງຈາກເດັກທົ່ວໄປ ບໍ່ວ່າພວກເຂົາຈະເປັນເດັກຫູໜວກທີ່ມີຈຸດພິເສດທີ່ແຕກຕ່າງຄົນອື່ນກໍ່ຕາມ ດ່ັງນັ້ນພວກຜູ້ໃຫຍ່ ແລະ ເດັກທີ່ອາຍຸແກ່ກວ່າສາມາດ ຊ່ວຍໃຫ້ເດັກເຫຼົ່ານີ້ໄດ້ຮຽນຮູ້ການນັບຖືເຊິ່ງກັນ ແລະ ກັນ ແລະ ສາມາດພັດທະນາຄຸນນະພາບຕົນເອງໃຫ້ດີດັ່ງຄວາມອົດທົນ, ຄວາມຍຸຕິທຳ ແລະ ການດູແລເບິ່ງ ແຍງຊຶ່ງກັນ ແລະ ກັນ. ເບິ່ງຂໍ້ມູນເພີ່ມຕື່ມໄດ້ໃນບົດທີ10.
ບັນດາຄົນຫູໜວກປະກອບເປັນຊຸມຊົນ
ໃນບາງຄັ້ງບັນດາຄົນຫູໜວກຮູ້ສຶກວ່າບໍ່ມີໃຜສົນໃຈ ໃນສະຫວັດດີພາບຂອງພວກເຂົາເພາະໃນຫຼາຍຊຸມຊົນນັ້ນ ພວກທີ່ຫູໜວກ ຫຼື ຫູບໍ່ໄດ້ຍິນດີຖືກປະປ່ອຍຈາກ ຄົນໃຈຄອບຄົວຈາກພີ່ນ້ອງຈາກເພື່ອນບ້ານໃກ້ຄຽງ ແລະ ຈາກບັນດາຄົນອື່ນໆໃນສັງຄົມ ໂດຍສະເພາະ ແມ່ນຜູ້ ທີ່ບໍ່ສາມາດສື່ສຳພັນກັບພວກເຂົາໄດ້. ບາງຄັ້ງພວກເຂົາກໍ່ຖືກຫົວເຢາະເຢີ້ຍ ແລະ ມີການຢອກກວນ ພວກເຂົາດ້ວຍເຫດນີ້ຜູ້ທີ່ເປັນພໍ່ແມ່ພວກເຂົາກໍ່ລຳບາກໃຈເມື່ອເຫັນລູກໆຂອງພວກເຂົາຖືກເຢາະເຢີ້ຍຈາກຄົນອື່ນ. ໂດຍທົ່ວໄປແລ້ວພວກທີ່ຫູໜວກມັກມີ ບັນຫາຄ້າຍໆກັນ ແລະ ພວກເຂົາມີໂອກາດໜ້ອຍທີ່ສຸດໃນສັງຄົມທົ່ວໄປ.
ບັນດາພວກຫູໜວກຈະຮູ້ສຶກໃກ້ຊິດກັບບັນດາຜູ້ທີ່ຫູໜວກນຳກັນ ເພາະພວກເຂົາປະເຊີນກັບບັນຫາ ທີ່ຄ້າຍຄືກັນ ແລະ ພວກເຂົາກໍ່ມີສ່ວນປະກອບທີ່ຄືກັນໃນການສື່ສຳພັນກັນໄດ້ ດັ່ງພວກເຂົາຈະໃຊ້ພາສາສັນຍານ (ພາສາມື).
ບໍ່ວ່າພວກເຂົາຈະຢູ່ໃກ້ກັນ ຫຼື ໄປມາຫາສູ່ກັນ ພວກເຂົາສ້າງຄວາມສຳຄັນຊຶ່ງກັນ ແລະ ກັນໄດ້ດີກວ່າ ເພາະພວກເຂົາຈະເຫັນພວກຫູໜວກນຳກັນເປັນເພື່ອນມິດທີ່ໃຫ້ຄວາມສຸກ ແລະ ໃຫ້ການປຶກສາຫາລືກັນໄດ້. ເມື່ອໃດພວກເຂົາມາພົບກັນພວກເຂົາກໍ່ກາຍເປັນກຸ່ມກ້ອນຄົນໃນສັງຄົມທີ່ເຂັ້ມແຂງຂຶ້ນມາ. ການກໍ່ຕັ້ງກຸ່ມຄົນແບບນີ້ຈະມີໄດ້ໃນເມື່ອມີໂຮງຮຽນສຳລັບຄົນຫູໜວກ ເພາະພວກເດັກຫູໜວກສຶກສາຮ່ຳຮຽນ ແລະ ຈະເຕີບໃຫຍ່ມານຳກັນ. ພວກເຂົາອາດມາລວມກັນໃນສະໂມສອນ, ເຮັດວຽກແບບລວມໝູ່ ຫຼື ເຮັດວຽກກັບອົງການຈັດຕັ້ງທາງສາສະໜາ.
ພວກຫູໜວກທີ່ໃຫຍ່ແລ້ວ ສາມາດຊ່ວຍເຫຼືອຄອບຄົວທີ່ລ້ຽງລູກເປັນເດັກຫູໜວກ ໄດ້ຫຼາຍແນວ ເພາະພວກເຂົາສາມາດຮູ້ເຖິງຄວາມຕ້ອງການຂອງເດັກ ແລະ ຮູ້ເຖິງສິ່ງທ້າທາຍຕ່າງໆທີ່ຄອບຄົວມີລູກເປັນຄົນຫູໜວກໄດ້ຮັບ.
ຄົນຫູດີທີ່ຍອມຮັບຄົນຫູໜວກສາມາດເຮັດໃຫ້ຊຸມຊົນເຂົ້າກັນໄດ້
ບັນດາຄົນຫູດີຫຼາຍຄົນທີ່ຮັບຮູ້ເຖິງຄຸນຄ່າຂອງມິດຕະພາບກັບຄົນຫູໜວກ ສາມາດເຮັດໃຫ້ສັງຄົມມີ ຄວາມໝາຍ ເພາະພວກເຂົາອາດມີເພື່ອນ ຫຼື ໄດ້ເຮັດວຽກກັບເພື່ອນທີ່ເປັນຄົນຫູໜວກ ຫຼື ອາດມີສະມາຊິກຄອບຄົວທີ່ມີລູກເປັນຄົນຫູບໍ່ດີ. ຜູ້ທີ່ມີຄວາມຈິງໃຈພົວພັນ ກັບຄົນຫູໜວກໂດຍເຈດຕະນາດີ ສາມາດສ້າງສະພາບແຫ່ງຄວາມເຂົ້າໃຈກັບຄົນຫູໜວກໄດ້ ເພາະຖ້າຄົນຫູດີຫາກສາມາດໃຊ້ພາສາມືໄດ້ ພວກເຂົາກໍສາມາດຊ່ວຍຄົນຫູໜວກ ແລະ ສາມາດຊ່ວຍເດັກທີ່ຫູໜວກໄດ້ບຸກບືນ ແລະ ຕໍ່ສູ້ໄດ້.
ໂຈເຊັບ ແລະ ກອງຮ້ອງເພງໝູ່
ໂຈເຊັບເປັນຊາຍໜຸ່ມຜູ້ໜຶ່ງຈາກໄຮຕີ ຊຶ່ງສາມາດໄດ້ຍິນ ແລະ ຮຽນພາສາມື ຈາກໂຮງຮຽນທີ່່ຢູ່ໃກ້ບ້ານຂອງລາວ. ໂຈເຊັບມີເພື່ອນທີ່ເປັນຄົນຫູໜວກໃນເມືອງຂອງລາວ ແລະ ພວກເຂົາໄດ້ຊຸກຍູ້ໃຫ້ໂຈເຊັບອາສາສະໝັກໄປຊ່ວຍທາງໂບດ ທີ່ຈັດຕັ້ງການສວດມົນໃຫ້ແກ່ຄົນຫູໜວກ.
ດັ່ງນັ້ນ, ໂຈເຊັບຈຶ່ງພະຍາຍາມຮຽນແປບົດສວດມົນຈາກພາສາເວົ້າມາເປັນພາສາມື ເມື່ອລາວໄດ້ມີສ່ວນກັບທາງໂບດຫຼາຍຂຶ້ນ ລາວກໍ່ໄດ້ສອນຊາວໜຸ່ມຫູໜວກໃຫ້ໃຊ້ພາສາມື ແລະ ໃຫ້ຮ້ອງເພງອອກມາເປັນພາສາເວົ້າທີ່ໃຊ້ໃນໂບດ. ຈາກນັ້ນ ມາກອງຮ້ອງເພງຄົນຫູໜວກ ກໍ່ໄດ້ຮ້ອງເພງ ອອກມາເປັນສຽງດັງ ແລະ ໃຊ້ພາສາມືໄປພ້ອມກັນ ໃນຂະນະຮ້ອງເພງ.
ດຽວນີ້ ໂຈເຊັບ ແລະ ກອງຮ້ອງເພງຄົນຫູໜວກ ໄດ້ຂ່ີລົດອອກໄປນອກເມືອໃນເຂດໄຮຕີ ແລະ ບ່ອນນີ້ເອງພວກເຂົາໄດ້ຮ້ອງເພງ ຮ່ວມກັນໃນໂບດຊົນນະບົດຫລາຍແຫ່ງ ຈາກນັ້ນມີຄົນຫລາຍຄົນມາຫາໂຈເຊັບ ແລະ ຖາມເຖິງຄວາມເປັນມາຂອງກອງຮ້ອງເພງຄົນຫູໜວກ ແລ້ວພວກເຂົາກໍ່ໄດ້ເລົ່າເລື່ອງເດັກ ຫູໜວກພາຍໃນຄອບຄົວໃຫ້ຟັງ.
ໂຈເຊັບໄດ້ຖືໂອກາດນີ້ເວົ້າເຖິງໂຄງການຊ່ວຍຄົນຫູໜວກໃນເມືອງແຫ່ງໜຶ່ງ ແລະ ລາວກໍ່ໄດ້ເວົ້າເຖິງ ໂຮງຮຽນກິນນອນ ສຳລັບຄົນຫູໜວກສຳລັບເດັກອາຍຸແກ່ໃນເມືອງ ຂອງລາວໃຫ້ຟັງ.
ການທີ່ໂຈເຊັບນຳເອົາເດັກຫນຸ່ມຫູໜວກອອກສູ່ບັນດາໂບດໃນເຂດຊົນນະບົດເທື່ອນີ້ ເຂົາສາມາດເຊື່ອມສຳພັນໃຫ້ຄົນຫູດີ ແລະ ຄົນຫູໜວກເຂົ້າຫາກັນໄດ້ຫລາຍຂຶ້ນ.