Hesperian Health Guides
ມີຫຼາຍຄົນສາມາດຊ່ວຍເຮັດກິດຈະກຳເຫລົ່ານີ້ໄດ້
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 3: ການແນະນຳສຳລັບການສອນພາສາ > ມີຫຼາຍຄົນສາມາດຊ່ວຍເຮັດກິດຈະກຳເຫລົ່ານີ້ໄດ້
- ມັນຈະຊ່ວຍໃຫ້ເຂົາຮຽນຮູ້ການສື່ສານກັບຄົນອື່ນລວມທັງຄົນພິການທາງຫູອີກດ້ວຍ.
- ເຂົາຈະຮຽນຮູ້ປັບຕົວເຂົ້າກັບປະເພດຄົນຕ່າງທ.
- ຄົນອື່ນຈະຮຽນຮູ້ວິທີທີ່ຈະປະຕິສຳພັນກັບເດັກພິການທາງຫູ.
ບາງຄົນ, ແມ່ນແຕ່ສະມາຊິກທີ່ໃກ້ຊິດຢູ່ໃນຄອບຄົວບາງຄັ້ງຄາວແມ່ນບໍ່ຢາກໃຊ້ຊີວິດຢູ່ກັບຄົນພິການ ທາງຫູເລີຍ. ຫຼື ບຸກຄົນອື່ນ ຖ້າພວກເຂົາຫາກຢາກຊ່ວຍເຫຼືອແຕ່ບໍ່ຮູ້ວ່າ ຈະເຮັດແນວໃດ. ທ່ານ ສາມາດເຮັດໃຫ້ພວກເຂົາຮຽນຮູ້ກ່ຽວກັບຄວາມພິການທາງຫູ ແລະ ການທີ່ພິການທາງຫູນັ້ນ ມີຄວາມຫຍຸ້ງຍາກຫຼາຍສ່ຳໃດການຮຽນພາສາ. ພວກເຂົາອາດຈະມີຄວາມສະດວກຍິ່ງຂຶ້ນ ຖ້າຫາກພວກເຂົາຮູ້ວ່າ ຄວນຈະເຮັດແນວໃດ.
ຈົ່ງເລົ່າ ແລະ ແບ່ງປັນປະສົບການຂອງທ່ານວ່າ ມີຫຍັງແດ່ທີ່ທ່ານໄດ້ຮຽນຮູ້ກ່ຽວກັບບັນຫາໃນການຟັງ. ບັນດາກິດຈະກຳທີ່ທ່ານ ແລະ ລູກຂອງທ່ານໄດ້ເຮັດຮ່ວມກັນ ແລະ ເຫດຜົນຕ່າງໆ ທີ່ເຮັດກິດຈະກຳເຫລົ່ານັ້ນໃຫ້ແກ່ຜູ້ອື່ນໄດ້ຮັບຟັງ.
ປຶກສາຫາລືກັບຄອບຄົວຂອງທ່ານ
ທຸກຄົນໃນຄອບຄົວມີບົດບາດແຕກຕ່າງກັນຕໍ່ຊີວິດຂອງເດັກ. ແຕ່ລະຄົນລ້ວນແຕ່ເປັນຫ່ວງເປັນໄຍເດັກ, ໂດຍສະເພາະໃນຄວາມຕ້ອງການອັນພິເສດອັນໃດອັນໜຶ່ງນັ້ນ, ພວກເຂົາອາດມີແນວຄວາມຄິດທີ່ແຕກຕ່າງກັນ ກ່ຽວກັບວິທີທາງທີ່ດີທີ່ສຸດ ໃນການຕອບສະໜອງ ແລະ ຊ່ວຍເຫຼືອເດັກຄົນນັ້ນ, ມັນມີຄວາມສຳຄັນເປັນຢ່າງຍິ່ງ ສຳລັບບັນດາບຸກຄົນທີ່ມີຄວາມເປັນຫ່ວງຕໍ່ເດັກ ທີ່ຈະຊອກຫາເວລາໃນການປຶກສາກັນ ແລະ ທຳຄວາມເຂົ້າໃຈຕໍ່ບັນດາແນວຄວາມຄິດຂອງແຕ່ລະຄົນ. ແລະ ຖ້າບຸກຄົນຜູ້ໃດຜູ້ໜຶ່ງຫາກຮູ້ສຶກເມື່ອຍລ້າ ຫຼື ໝົດກຳລັງໃຈ ບຸກຄົນອື່ນກໍ່ສາມາດຊ່ວຍໄດ້.
ຂໍຄວາມຊ່ວຍເຫຼືອຈາກຄົນອື່ນ
ຜູ້ທີ່ເປັນພໍ່ແມ່ສາມາດຂໍຮ້ອງສະມາຊິກໃນຊຸມຊົນ ຫຼື ເພື່ອນບ້ານໃຫ້ຊ່ວຍເຫຼືອເບິ່ງແຍງເດັກທີ່ພິການທາງຫູໄດ້.
ພົບປະກັບເດັກທີ່ພິການທາງຫູທີ່ຢູ່ໃນຊຸມຊົນຂອງທ່ານ, ຜູ້ໃຫຍ່ທີ່ພິການທາງຫູນັ້ນຄົງຈະຈື່ໄດ້ດີວ່າ ມັນມີຄວາມຮູ້ສຶກແນວໃດໃນການທີ່ເປັນເດັກພິການທາງຫູ. ແລະ ພວກເຂົາອາດຈະມີຄວາມສຸກທີ່ໄດ້ຊ່ວຍເຫຼືອຄອບຄົວຂອງທ່ານ ແລະ ລູກຂອງທ່ານ.
ຄົນທີ່ຮັບຟັງໄດ້ເປັນປົກກະຕິ ຜູ້ທີ່ສາມາດໃຊ້ພາສາມື້ນັ້ນ ອາດສາມາດຊ່ວຍໃຫ້ທ່ານສາມາດສື່ສານກັບຜູ້ໃຫຍ່ທີ່ພິການທາງຫູໄດ້ ຖ້າທ່ານຫາກບໍ່ຮູ້ຈັກພາສາມື.
ປຶກສາກັບຜູ້ທີ່ເຮັດວຽກກ່ຽວກັບສຸຂະພາບ, ອາຈານປະຈຳໂຮງຮຽນ ຫຼື ຜູ້ທີ່ສອນເດັກພິການທາງຫູ. ວິທີດ່ັງກ່າວນີ້ຈະສາມາດຊ່ວຍໄດ້ຫຼາຍ ໂດຍສະເພາະແມ່ນໃນກໍ່ລະນີທີ່ລູກຂອງທ່ານບໍ່ມີການຮຽນຮູ້ທັກສະ ໃໝ່ໆ ຫລັງຈາກຫຼາຍເດືອນຜ່ານໄປ.
ເດັກສາມາດຊ່ວຍເຮັດກ່ຽວກັບກິດຈະກຳເຫຼົ່ານີ້ໄດ້
ເດັກສາມາດຊ່ວຍໄດ້ຫຼາຍ. ເຊັ່ນໂດຍປົກກະຕິແລ້ວອ້າຍ ຫຼື ນ້ອງ, ເອື້ອຍ ຫຼື ນ້ອງສາວ ແລະ ໝູ້ເພື່ອນຄົນອື່ນໆຂອງເດັກທີ່ພິການທາງຫູນັ້ນ ຈະຮຽນຮູ້ພາສາສັນຍະລັກໄດ້ຢ່າງວ່ອງໄວຫຼາຍ. ຈົ່ງໃຫ້ເດັກທີ່ພິການທາງຫູນັ້ນ ມີສ່ວນຮ່ວມໃນບັນດາກິດຈະກຳເຫຼົ່ານີ້ເທົ່າທີ່ຈະຫຼາຍໄດ້.
ນັ້ນເບິ່ງວ່າເຮັດແນວໃດກ່ອນ ແລະ ພວກເຂົາກໍ່ຍັງສາມາດສອນທັກສະອື່ນໆໃຫ້ແກ່ເດັກທີ່ພິການທາງຫູໄດ້ ແລະ ເຮັດໃຫ້ເດັກທີ່ພິການນັ້ນ ມີສ່ວນຮ່ວມໃນການຫຼິ້ນເກມຂອງພວກເຂົາ, ເດັກມີອາຍຸຫຼາຍກວ່ານັ້ນ ຈະກາຍເປັນຄູແບບອັດຕະໂນມັດ ສະເໝີ ແລະ ເຂົາກໍ່ມີຄວາມສຸກໃນການເຮັດກິດຈະກຳກັບເດັກທີ່ມີອາຍຸອ່ອນກວ່າ. ນີ້ຈະຊ່ວຍໃຫ້ເຂົາສາມາດສ້າງໝູ່ເພື່ອນ ແລະ ຮຽນຮູ້ທີ່ຈະປະພຶດຕໍ່ຜູ້ອື່ນນັ້ນແນວໃດອີກດ້ວຍ ແລະ ມັນຍັງຈະຊ່ວຍໃຫ້ເດັກທີ່ເປັນປົກກະຕິນັ້ນຮຽນຮູ້ກ່ຽວກັບຄວາມພິການທາງຫູ ແລະ ວິທີການສື່ສານກັບເດັກທີ່ຫູໜວກອີກດ້ວຍ.