Hesperian Health Guides
ຄຳແນະນຳສຳລັບການຊ່ວຍເຫຼືອເດັກໃຫ້ມີການຮຽນຮູ້
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 3: ການແນະນຳສຳລັບການສອນພາສາ > ຄຳແນະນຳສຳລັບການຊ່ວຍເຫຼືອເດັກໃຫ້ມີການຮຽນຮູ້
ເນື້ອໃນ
- ໑ ໃຫ້ລູກຂອງທ່ານເປັນຜູ້ນຳພາເຮັດ
- ໒ ການເຮັດໃຫ້ການສື່ສານສະໜຸກສະໜານ ແລະ ມີຜົນປະໂຫຍດ
- ໓ ໃຫ້ລູກຂອງທ່ານຊ່ວຍໃນການເຮັດວຽກງານ
- ໔ ສ້າງຄວາມໃສ່ໃຈລູກຂອງທ່ານ ກ່ອນທີ່ທ່ານຈະສື່ສານກັບເຂົາ
- ໕ ສະແດງສັນຍະລັກ ຫຼື ເວົ້າເຊິ່ງໜ້າໃນລະດັບສາຍຕາທີ່ພຽງກັນ
- ໖ ການໃຊ້ພາສາມື, ການສຳຜັດ ແລະ ການສະແດງສີໜ້າ
- ໗ ຫຼຸດຜ່ອນພາວະວຸ້ນວາຍຈິດໃຈໃຫ້ຫຼາຍເທົ່າທີ່ຈະຫຼາຍໄດ້
- ໘ ດັດແປງກິດຈະກຳໃຫ້ເໝາະສົມກັບລູກຂອງທ່ານ
ໃຫ້ລູກຂອງທ່ານເປັນຜູ້ນຳພາເຮັດ
ເດັກມັກສະແຫວງຫາໃນການຮຽນຮູ້ທີ່ສຸດ, ຖ້າພວກເຂົາໄດ້ເຮັດສິ່ງໃດສິ່ງໜຶ່ງທີ່ພວກເຂົາມັກ. ຖ້າລູກຂອງທ່ານຫາກມີຄວາມສົນໃຈໃນສິ່ງໃດສິ່ງໜຶ່ງ ຫຼື ມັກຫຼິ້ນກັບເຄື່ອງຫຼິ້ນຊິ້ນພິເສດໃດໜຶ່ງ, ຈ່ົງໃຊ້ໂອກາດດັ່ງກ່າວຊ່ວຍເຫຼືອພັດທະນາທາງດ້ານການຮຽນຮູ້ ແລະ ທັກສະການສື່ສານຂອງເຂົາ.
![A woman watches her small child play with toys.](https://pool.hesperian.org/w/images/thumb/2/24/HCWD_Ch3_Page_26-2.png/300px-HCWD_Ch3_Page_26-2.png)
ໃຫ້ລູກຂອງທ່ານນຳພາເຮັດກິດຈະກຳມັນຈະຊ່ວຍຮັກສາຄວາມໃສ່ໃຈຂອງເຂົາ ແລະ ຊ່ວຍໃຫ້ເດັກໄດ້ຮຽນຮູ້ວ່າ ການຕັດສິນໃຈຂອງເຂົານັ້ນແມ່ນມີຄວາມສຳຄັນ ແລະ ເດັກຈະຮູ້ອີກວ່າ ເຂົາໄດ້ມີສ່ວນໃນການຄວບຄຸມໃນສິ່ງທີ່ເກີດຂຶ້ນ. ນີ້ມີຄວາມສຳຄັນຫຼາຍໂດຍສະເພາະແມ່ນຕໍ່ກັບແມ່ຍິງ. ຫຼາຍໆແຫ່ງໃນໂລກທີ່ຄາດຫວັງໃຫ້ຜູ້ຍິງຕ້ອງເປັນຄົນທີ່ມິດງຽບ ແລະ ເຮັດຕາມຄຳສັ່ງພຽງຢ່າງດຽວເທົ່ານັ້ນ. ການທີ່ໄດ້ຊ່ວຍເຫຼືອແມ່ຍິງໄດ້ຕັດສິນໃຈ ແລະ ເຮັດຕາມແນວຄວາມຄິດຂອງພວກເຂົານັ້ນ ສາມາດເຮັດໃຫ້ເຂົາມີຄວາມໝັ້ນໃຈ ແລະ ຄວາມສາມາດຫຼາຍຂຶ້ນ.
ການທີ່ທ່ານປ່ອຍໃຫ້ລູກຂອງທ່ານນຳພາເຮັດກິດຈະກຳນັ້ນ, ກໍ່ບໍ່ໄດ້ໝາຍຄວາມວ່າ ທ່ານຈະອະນຸຍາດໃຫ້ເຂົາປະພຶດໄປໃນທາງທີ່ບໍ່ດີ ຫຼື ເຮັດໃຫ້ເຂົາຕົກຢູ່ໃນສະຖານະການທີ່ອັນຕະລາຍ. ສະນັ້ນ ການໃຫ້ຄຳແນະນຳແກ່ພວກເຂົານັ້ນມີຄວາມສຳຄັນຫຼາຍ ແລະ ຄວາມຮູ້ທີທ່ານມີກ່ຽວກັບຄວາມຕ້ອງການ, ຄວາມສາມາດທາງດ້ານພາສາຂອງເຂົາ ຈະສາມາດຊ່ວຍທ່ານໃຫ້ການແນະນຳໃນການຫຼິ້ນທີ່ເຮັດໃຫ້ເຂົາມີການຮຽນຮູ້ໄດ້.
ການເຮັດໃຫ້ການສື່ສານສະໜຸກສະໜານ ແລະ ມີຜົນປະໂຫຍດ
![A woman signs to her daughter.](https://pool.hesperian.org/w/images/thumb/e/ec/HCWD_Ch3_Page_27-1.png/315px-HCWD_Ch3_Page_27-1.png)
ເດັກຈະມ່ວນຊື່ນກັບການສື່ສານ ເມື່ອພວກເຂົາມີສິ່ງທີ່ເປັນຂອງຈິງໃນການເຮັດສັນຍະລັກ ຫຼື ເວົ້າກ່ຽວກັບສິ່ງນັ້ນ, ເຊິ່ງອາດຈະເປັນສິ່ງທີ່ຄົນເຮົາເຮັດສັນຍະລັກໃຫ້ ແລະ ເວົ້າກ່ຽວກັບມັນ. ຈົ່ງໃຫ້ໂອກາດແກ່ລູກຂອງທ່ານໃນການຮຽນຮູ້ກ່ຽວກັບໂລກ ແລະ ກະຕຸ້ນໃຫ້ເຂົາເຮັດສັນຍະລັກ ຫຼື ເວົ້າກ່ຽວກັບສິ່ງທີ່ເຂົາກຳລັງເຮັດຢູ່ນັ້ນ. ການສົນທະນາກັບລູກຂອງທ່ານຈະຊ່ວຍໃຫ້ເຂົາຮຽນຮູ້ໄດ້ໄວຂຶ້ນກວ່າເກົ່າ, ພຽງແຕ່ທ່ານບອກເຂົາໃຫ້ຈື່ ແລະ ເວົ້າຄືນກ່ຽວກັບເຄື່ອງໝາຍ ແລະ ຄຳສັບຕ່າງໆນັ້ນ.
ໃຫ້ລູກຂອງທ່ານຊ່ວຍໃນການເຮັດວຽກງານ
ໃຫ້ລູກຂອງທ່ານເຮັດຊ່ວຍເຮັດວຽກງານຂອງທ່ານ, ສື່ສານກັບເຂົາກ່ຽວກັບສິ່ງທີ່ພວກທ່ານກຳລັງເຮັດຢູ່ນັ້ນ ໂດຍມີການໃຊ້ຄຳສັບ ຫຼື ສັນຍະລັກເພື່ອບອກໃຫ້ເຂົາຊ່ວຍທ່ານເຮັດສິ່ງໃດສິ່ງໜຶ່ງເຊັ່ນ: ໄປເອົາເຄື່ອງມືມາໃຫ້ທ່ານ ຫຼື ຊ່ວຍໃນວິທີອື່ນໆ. ລູກຂອງທ່ານຈະມີຄວາມສົນໃຈຫຼາຍຂຶ້ນໃນການໃສ່ໃຈ ແລະ ການສ່ືສານໃນຂະນະທີ່ເຂົາກຳລັງຊ່ວຍທ່ານເຮັດສິ່ງໃດສິ່ງໜຶ່ງຢູ່ນັ້ນ, ຖືວ່າທ່ານຈະມີຜົນປະໂຫຍດທັງສອງຄົນ.
ສ້າງຄວາມໃສ່ໃຈລູກຂອງທ່ານ ກ່ອນທີ່ທ່ານຈະສື່ສານກັບເຂົາ
ເດັກຜູ້ທີ່ບໍ່ສາມາດຮັບຟັງໄດ້ດີນັ້ນ ຕ້ອງການທີ່ຈະສັງເກດຮີມສົບຂອງທ່ານເຄື່ອນເໜັງ, ສັງເກດພາສາມື ຫຼື ພາສາສັນຍະລັກຂອງທ່ານໃນການສື່ສານກັບຕົວທ່ານ. ເຂົາຍັງສາມາດໄດ້ຂ້ໍມູນຫຼາຍຢ່າງຈາກການສັງເກດເບິ່ງການສະແດງສີໜ້າຂອງທ່ານ. ສະນັ້ນ ມັນສຳຄັນຫຼາຍທີ່ຈະລໍຖ້າຈົນກວ່າເຂົາຫລຽວເບິ່ງໃບໜ້າຂອງທ່ານ ກ່ອນທີ່ທ່ານຈະເລີ່ມເວົ້າ ຫຼື ສະແດງພາສາມີເຂົ້າໃນການສື່ສານກັບເດັກນັ້ນ.
![A boy touches his younger brother's shoulder.](https://pool.hesperian.org/w/images/thumb/a/ac/HCWD_Ch3_Page_27-2.png/180px-HCWD_Ch3_Page_27-2.png)
ໃນການທີ່ຈະດຶງດູດຄວາມໃສ່ໃຈຂອງເດັກນັ້ນ, ຈົ່ງພະຍາຍາມເຄື່ອນຍ້າຍ ຫຼື ແກວ່ງມືຂອງທ່ານ ໃນບ່ອນທີ່ເຂົາສາມາດສັງເກດເຫັນໄດ້, ເອີ້ນຊື່ຂອງເຂົາ, ສຳຜັດເຂົາ ຫຼື ຕີວັດຖຸທີ່ຢູ່ໃກ້ເຮັດໃຫ້ເກີດສຽງດັງ ເພື່ອທີ່ເດັກສາມາດຮັບຮູ້ເຖິງການສັ່ນສະເທືອນນັ້ນ.
ວິທີຕ່າງໆໃນການດຶງດູດຄວາມໃສ່ໃຈລູກຂອງທ່ານ
ຖ້າລູກຂອງທ່ານຫາກມີຄວາມສົນໃຈຕໍ່ສິ່ງວັດຖຸໃດໜຶ່ງຫຼາຍກວ່າໃນສິ່ງທ່ານກຳລັງສື່ສານຢູ່ນັ້ນ. ທ່ານສາມາດດຶງດູດຄວາມສົນໃຈລູກຂອງທ່ານໄດ້ ດ້ວຍການຢຸດການກະທຳທຸກຢ່າງ ແລ້ວນຳເອົາວັດຖຸດັ່ງກ່າວນັ້ນ ມາໃກ້ກັບໃບໜ້າຂອງທ່ານ ຫຼື ໃຊ້ພາສາມື ຫຼື ສັນຍະລັກໃກ້ກັບວັດຖຸນັ້ນ.
![A girl holding a toy signs to her baby brother.](https://pool.hesperian.org/w/images/thumb/c/c1/HCWD_Ch3_Page_28-1.png/300px-HCWD_Ch3_Page_28-1.png)
- ຢຸດການກະທຳທັງໝົດ. ຖ້າທ່ານຫາກຢຸດການເຄື່ອນໄຫວທັງໝົດແລ້ວ, ໂດຍສະເພາະແມ່ນວັດຖຸໃດໜຶ່ງທີ່ຢູ່ໃນມືຂອງທ່ານນັ້ນ. ເຊິ່ງອາດຈະເຮັດໃຫ້ລູກຂອງທ່ານຫລຽວເບິ່ງທ່ານວ່າ: ຍ້ອນຫຍັງທ່ານຈິ່ງຢຸດ.
- ນຳເອົາວັດຖຸທີ່ເຂົາສົນໃຈນັ້ນມາໃກ້ກັບໃບໜ້າຂອງທ່ານ. ເພື່ອເປັນການເຮັດໃຫ້ເດັກສາມາດເບິ່ງເຫັນໃບໜ້າຂອງທ່ານໄດ້ ແລະ ກໍ່ໃຊ້ວັດຖຸດັ່ງກ່າວນັ້ນເຮັດຄືເກົ່າ. (ຖ້າທ່ານຫາກຕ້ອງການໃຫ້ເດັກສັງເກດເບິ່ງຮີມສົບຂອງທ່ານ.)
- ຊີ້ມືໃສ່ ຫຼື ເຮັດສັນຍະລັກໃກ້ກັບວັດຖຸນັ້ນ (ຖ້າທ່ານຫາກຕ້ອງການໃຫ້ເຂົາຮຽນຮູ້ສັນຍະລັກສຳລັບວັດຖຸນັ້ນ)
ຕອນທຳອິດ, ມັນຫຍຸ້ງຍາກຫຼາຍທີ່ຈະຈົດຈຳວ່າ ຈະດຶງດູດຄວາມສົນໃຈທັງໝົດຂອງລູກທ່ານນັ້ນ ໄດ້ແລ້ວໃດ, ກ່ອນທີ່ທ່ານຈະເລີ່ມສື່ສານກັບເຂົານັ້ນ. ແຕ່ມັນກໍ່ຈະງ່າຍຂຶ້ນ ເມື່ອໄດ້ມີການເຝິກຊ້ອມ.
ສະແດງສັນຍະລັກ ຫຼື ເວົ້າເຊິ່ງໜ້າໃນລະດັບສາຍຕາທີ່ພຽງກັນ
ລູກຂອງທ່ານຈະສາມາດເຂົ້າໃຈໄດ້ຫຼາຍຂຶ້ນໃນທີ່ສິ່ງທີ່ທ່ານເວົ້າ ຫຼື ສັນຍະລັກນັ້ນ, ຖ້າທ່ານຫາກຄູ້ເຂົ່າລົງໃຫ້ໃກ້ກັບເຂົາ (ພາຍໃນ 1 ແມັດ) ແລະ ເບິ່ງໄປທີ່ໃບໜ້າຂອງເຂົາໃນຂະນະທີ່ທ່ານເວົ້າ ຫຼື ສະແດງສັນຍະລັກ.
ຖ້າເປັນໄປໄດ້. ແມ່ນພະຍາຍາມໃຫ້ມີແສງຈາກຕາເວັນ ແສງຂອງໂຄມໄຟສ່ອງໃສ່ໃບໜ້າຂອງທ່ານ. ແຕ່ຫາກບໍ່ແມ່ນສ່ອງມາທາງເບື້ອງຫຼັງທ່ານ, ເພາະວ່າ ເມື່ອແສງສ່ອງມາທາງເບື້ອງຫຼັງຂອງທ່ານ ຈະເຮັດໃຫ້ມື ແລະ ໃບໜ້າຂອງທ່ານເປັນເງົາ ເຊິ່ງຢາກທີ່ຈະສັງເກດເຫັນໄດ້.
![A woman claps hands with her daughter.](https://pool.hesperian.org/w/images/thumb/5/58/HCWD_Ch3_Page_28-2.png/500px-HCWD_Ch3_Page_28-2.png)
![A boy lifts a box where a ball is hiding. His mother raises her shoulders in surprise.](https://pool.hesperian.org/w/images/thumb/a/a0/Lo_HCWD_Ch3_Page_29-1.png/270px-Lo_HCWD_Ch3_Page_29-1.png)
ມັນຈະງ່າຍຂຶ້ນສຳລັບລູກຂອງທ່ານໃນການທີ່ຈະເຂົ້າໃຈໃນພາສາຄຳເວົ້າ, ຖ້າຫາກວ່າທ່ານເວົ້າຢ່າງເປັນທຳມະຊາດ ແລະ ມີນ້ໍາສຽງທີ່ຈະແຈ້ງ, ບໍ່ໃຫ້ຮ້ອງໃສ່, ເພາະວ່າ ການຮ້ອງໃສ່ນັ້ນ ມັນຈະເຮັດໃຫ້ຄຳເວົ້ານັ້ນຍາກທີ່ຈະເຂົ້າໃຈ. ພະຍາຍາມເວົ້າເປັນປະໂຫຍກທີ່ສັ້ນ ແລະ ທຳມະດາ. ສະນັ້ນ ທ່ານຈຶ່ງຈະບໍ່ເຮັດໃຫ້ເຂົາສັບສົນ ແລະ ມັນຈະງ່າຍຂຶ້ນສຳລັບລູກຂອງທ່ານໃນການສັງເກດການເຄື່ອນເໜັງຮີມສົບຂອງທ່ານໃນຂະນະທີ່ເວົ້າ.
ຖ້າລູກຂອງທ່ານຫາກສາມາດໄດ້ຍິນສ່ວນໃດສ່ວນໜຶ່ງ
![A small girl holds her hand behind her ear.](https://pool.hesperian.org/w/images/thumb/2/29/HCWD_Ch3_Page_29-2.png/90px-HCWD_Ch3_Page_29-2.png)
ຄຳແນະນຳເຫຼົ່ານີ້ ອາດຈະຊ່ວຍໃຫ້ເຂົາໄດ້ຍິນດີຂຶ້ນຕື່ມເລັກໜ້ອຍ.
- ຫຸບມືເຂົ້າ ແລະ ວາງໄວ້ເບື້ອງຫຼັງຂອງຫູ ເຊິ່ງເປັນການເຮັດໃຫ້ສຽງຜ່ານເຂົ້າມາຜ່ານຫູໃຫ້ຫຼາຍຂຶ້ນ.
![A woman speaking as she leans closely to her daughter.](https://pool.hesperian.org/w/images/thumb/f/fc/HCWD_Ch3_Page_29-3.png/280px-HCWD_Ch3_Page_29-3.png)
- ເວົ້າໃກ້ກັບຫູຂອງເດັກ, ວິທີນີ້ຈະຊ່ວຍໃຫ້ສຽງດັງຂຶ້ນ ແລະ ຫຼຸດຜ່ອນສຽງລົບກວນຈາກສິ່ງແວດລ້ອມອ້ອມຂ້າງໄດ້. ແຕ່ຕ້ອງເຂົ້າໃຈສະເໝີວ່າເຂົາຕ້ອງການທີ່ຈະສັງເກດໃບໜ້າຂອງທ່ານ ໃນເວລາທີ່ທ່ານກຳລັງເວົ້າກັບເຂົານັ້ນ.
ການໃຊ້ພາສາມື, ການສຳຜັດ ແລະ ການສະແດງສີໜ້າ
![A girl puts her arm around a young boy.](https://pool.hesperian.org/w/images/thumb/5/53/HCWD_Ch3_Page_30-1.png/200px-HCWD_Ch3_Page_30-1.png)
ທຸກຄົນລ້ວນແຕ່ເຄື່ອນໄຫວທາງດ້ານຮ່າງກາຍ, ການສຳຜັດ ແລະ ການສະແດງສີໜ້າ ເພື່ອຊ່ວຍໃຫ້ຄົນອື່ນເຂົ້າໃຈວ່າ ພວກເຂົາຕ້ອງການເວົ້າຫຍັງ, ເດັກກໍ່ມັກໃຊ້ການສຳຜັດສະເໝີໃນການສື່ສານກັບຄົນອື່ນ. ສຳລັບເດັກພິການທາງຫູຄົ້ນພົບວ່າ ການສຳຜັດມີຜົນປະໂຫຍດສູງທີ່ສຸດສຳລັບພວກເຂົາ, ເພາະວ່າ ການສຳຜັດຈະຊ່ວຍສື່ສານເຖິງຄວາມຫ່ວງໃຍ ແລະ ຄວາມຜູກພັນ ເຊິ່ງບໍ່ມີສິ່ງໃດສາມາດເຮັດໄດ້. ບາງຄັ້ງ ການ ເຄື່ອນໄຫວ ແລະ ການເບິ່ງກໍ່ສາມາດໃຊ້ແທນຄຳສັບ ຫຼື ສັນຍະລັກໄດ້. ຕໍ່ມາພວກເຂົາອາດຈະຕື່ມຂ້ໍມູນໃສ່ບັນດາຄຳເວົ້າ ແລະ ສັນຍະລັກເຫຼ່ົານັ້ນ.
![An angry woman speaking.](https://pool.hesperian.org/w/images/thumb/1/1a/HCWD_Ch3_Page_30-2.png/180px-HCWD_Ch3_Page_30-2.png)
ຈົ່ງຊ່ວຍເຫຼືອລູກຂອງທ່ານດ້ວຍການໃຊ້ການເຄ່ືອນໄຫວ ແລະ ການສະແດງສີໜ້າຂອງທ່ານ ໃນການສື່ສານໃຫ້ຫຼາຍເທົ່າທີ່ຈະຫຼາຍໄດ້, ກ່ອນອື່ນ ພະຍາຍາມສັງເກດເບິ່ງວ່າ ທ່ານມີຄວາມພ້ອມພຽງໃດໃນການເຮັດສິ່ງດ່ັງກ່າວ, ຕໍ່ຈາກນັ້ນ ກໍ່ຊອກຫາວິທີທາງວ່າທ່ານຈະເຮັດແນວໃດເພື່ອເພີ່ມເຕີມໃສ່ໃນສິ່ງທີ່ທ່ານ ເຮັດນັ້ນ.
ຕ້ອງແນ່ໃຈສະເໝີວ່າ ຂ້ໍມູນທີ່ທ່ານສົ່ງໄປດ້ວຍການໃຊ້ພາກສ່ວນຂອງຮ່າງກາຍ ແລະ ສີໜ້ານັ້ນ ແມ່ນຖືກຕ້ອງກັບສິ່ງທີ່ທ່ານສົ່ງໄປດ້ວຍພາສາຄຳເວົ້າ ຫຼື ສັນຍະລັກນັ້ນ. ຖ້າຂໍ້ຄວາມທີ່ສົ່ງໄປໂດຍການໃຊ້ສີໜ້າຫາກບໍ່ຕົງກັບພາສາຄຳເວົ້າຂອງທ່ານ, ລູກຂອງທ່ານເອງກໍ່ຈະສັບສົນ.
![HCWD Ch3 Page 30-3.png](https://pool.hesperian.org/w/images/thumb/8/88/HCWD_Ch3_Page_30-3.png/110px-HCWD_Ch3_Page_30-3.png)
ຫຼຸດຜ່ອນພາວະວຸ້ນວາຍຈິດໃຈໃຫ້ຫຼາຍເທົ່າທີ່ຈະຫຼາຍໄດ້
ພາວະວຸ້ນວາຍຈິດໃຈ ເຊັ່ນ: ການທີ່ເດັກຄົນອ່ືນຫຼິ້ນຢູ້ໃກ້ກັບລູກຂອງທ່ານນັ້ນ ສາມາດສົ່ງຜົນການເຮັດກິດຈະກຳຂອງລູກທ່ານ ມີຄວາມຫຍຸ້ງຍາກຂຶ້ນ ຫຼື ເຮັດບໍ່ໄດ້ເລີຍ, ໃນກໍ່ລະນີດັ່ງກ່າວນີ້ ທ່ານສາມາດຊ່ວຍໄດ້ ໂດຍການຊອກຫາສະຖານທີ່ທີ່ມີສິ່ງລົບກວນໜ້ອຍ ແລະ ພະຍາຍາມເອົາສຽງຕ່າງໆ ທີ່ບໍ່ຈຳເປັນອອກ. ຖ້າຫາກໃນຫ້ອງມີສິ່ງລົບກວນຫຼາຍ ກໍ່ຈະເຮັດໃຫ້ເດັກຜູ້ທີ່ບໍ່ສາມາດຮັບຟັງໄດ້ດີນັ້ນ ມີຄວາມຫຍຸ້ງຍາກທີ່ຈະເຂົ້າໃຈໃນສິ່ງທີ່ຄົນອື່ນເວົ້າອອກມາ.
ດັດແປງກິດຈະກຳໃຫ້ເໝາະສົມກັບລູກຂອງທ່ານ
ບັນດາກິດຈະກຳທີ່ມີຢູ່ໃນປຶ້ມເຫຼັ້ມນີ້ ສາມາດຊ່ວຍໃຫ້ລູກຂອງທ່ານຮຽນຮູ້ການສື່ສານໄດ້. ແຕ່ພວກມັນເປັນພຽງຕົວຢ່າງທ່ີຊ່ວຍໃນການຮຽນຮູ້ຂອງເດັກເທົ່ານັ້ນ, ຈົ່ງສັງເກດເບິ່ງລູກຂອງທ່ານໃຫ້ລະອຽດວ່າ ເຂົາມີຄວາມສົນໃຈໃນສິ່ງໃດ ແລະ ເຮັດໃຫ້ເຂົາມີຄວາມຕ້ອງການຈະສື່ສານ, ພ້ອມທັງສັງເກດອີກວ່າ ແມ່ນສິ່ງໃດທີ່ເຮັດໃຫ້ເຂົາເສຍໃຈ ແລະ ເຮັດໃຫ້ເຂົາຢາກຢຸດການສື່ສານ. ຕໍ່ຈາກນັ້ນ ທ່ານກໍ່ສາມາດຄົ້ນຄິດເພື່ອຊອກຫາວິທີດັດແປງບັນດາກິດຈະກຳທີ່ຢູ່ໃນປຶ້ມເຫຼັ້ມນີ້, ແລ້ວກິດຈະກຳຕ່າງໆເຫຼົ່ານີ້ຈະໄດ້ຮັບຜົນດີ ແລະ ມີຄວາມເໝາະສົມກັບລູກຂອງທ່ານ. ພ້ອມກັນນັ້ນມັນກໍ່ຈະງ່າຍຂຶ້ນໃນການຈັດກິດຈະກຳປະຈຳວັນໃນຄອບຄົວຂອງທ່ານ.
ທ່ານຍັງສາມາດດັດປັບບັນດາກິດຈະກຳເຫຼົ່ານີ້ໃຫ້ເໝາະສົມກັບຄວາມອາດສາມາດຂອງລູກທ່ານ. ຕົວຢ່າງ:
|
![]() ອາກາດມັນຮ້ອນ! ລູກຢາກດື່ມ ນ້ໍາບໍ? ພໍ່ກໍ່ຢາກດື່ມນ້ໍາຄືກັນ |
|
![]() ຖ້າພວກເຈົ້າໃຊ້ສັນຍະລັກນີ້ ແທນໃຫ້ແກ່ “ລູກບານ” ຈັນທະ ສອນ ກໍ່ຈະສາມາດເຂົ້າໃຈໄດ້. |
|
![]() ລູກໄດ້ຍິນບໍ? ມີຄົນຢູ່ທີ່ປະຕູ. |
ການຊ່ວຍເຫຼືອໃນການຈະເລີນເຕີບໂຕລູກຂອງທ່ານ | |
ຖ້າທ່ານຫາກປະຕິບັດບັນດາກິດຈະກຳເຫຼົ່ານີ້ ໃຫ້ກາຍເປັນພາກສ່ວນໜຶ່ງໃນຊີວິດປະຈຳວັນຂອງຄອບຄົວທ່ານແລ້ວ, ລູກຂອງທ່ານຈະມີຊີວິດໄວເດັກທີ່ເຕັມໄປດ້ວຍຄວາມສະໜຸກສະໜານ ແລະ ການຮຽນຮູ້ເມື່ອເຂົາເຕີບໃຫຍ່ຂຶ້ນມາ ເຂົາຈະສາມາດ: | |
ຮ່ວມການສົນທະນາຄອບຄົວໄດ້. | ພັດທະນາມິດຕະພາບ ກັບເດັກຄົນອື່ນໆໄດ້. |
![]() |
![]() |
ໄປໂຮງຮຽນ ແລະ ຮຽນ ຮູ້ເລື່ອງການຄິດໄລ່ໄດ້. | |
![]() |
![]() ພົບປະກັບບັນດາເດັກ ແລະ ຜູ້ໃຫຍ່ຄົນອື່ນ ທີ່ພິການທາງຫູ ຫຼື ບໍ່ສາມາດຮັບຟັງໄດ້ດີ. |
![]() ແຕ່ງງານ ແລະ ມີຄອບຄົວເປັນຂອງ ຕົນເອງ, ນັບຈາກນີ້ເປັນຕົ້ນໄປ. ເຂົາເອງກໍ່ຈະສາມາດສົ່ງເສີມຄອບຄົວ ຂອງເຂົາ ແລະ ຢູ່ຮ່ວມກັບຊຸມຊົນໄດ້. |
![HCWD Ch3 Page 32-6.png](https://pool.hesperian.org/w/images/thumb/b/b1/HCWD_Ch3_Page_32-6.png/250px-HCWD_Ch3_Page_32-6.png)
ໃນຂະນະທີ່ທ່ານເຮັດກິດຈະກຳຕ່າງໆໃນປຶ້ມເຫຼັ້ມນີ້, ຈົ່ງພະຍາຍາມຄື:
- ຕ້ອງອົດທົນ: ເດັກນ້ອຍສາມາດໃສ່ໃຈໄດ້ພຽງແຕ່ 2-3 ນາທີເທົ່ານັ້ນຕໍ່ຄັ້ງ.
- ຕ້ອງໃຫ້ມີຄວາມເບີກບານໃຈ: ການຮຽນຮູ້ກິດຈະກຳ ຈະມີປະສິດທິພາບຫຼາຍຂຶ້ນ, ຖ້າຫາກກິດຈະກຳເຫຼົ່ານັ້ນຫາກມີຄວາມສະໜຸກສະໜານສຳລັບທ່ານທັງສອງຝ່າຍ.
ບໍ່ຕ້ອງໝົດກຳລັງໃຈ, ບໍ່ຄວນຄາດຫວັງໃຫ້ມີການປ່ຽນແປງພຶດຕິກຳຂອງເດັກຢ່າງທັນທີທັນໃດ, ລູກ ຂອງທ່ານຈະສາມາດຮຽນຮູ້ສິ່ງໃດສິ່ງໜຶ່ງຈາກແຕ່ລະບັນດາກິດຈະກຳ, ຖ້າທ່ານບໍ່ສັງເກດ ທ່ານເອງກໍ່ບໍ່ສາ ມາດຮັບຮູ້ໄດ້.