Hesperian Health Guides
ຄວາມເຂົ້າໃຈກ່ຽວກັບສຽງ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 5: ລູກຂອງທ່ານສາມາດໄດ້ຍິນສຽງຫຍັງແດ່? > ຄວາມເຂົ້າໃຈກ່ຽວກັບສຽງ
ຄວາມດັງຂອງສຽງ
ບາງສຽງກໍ່ດັງແຮງກວ່າສຽງອື່ນໆ. ສຽງດັງທີ່ຢູ່ໃກ້ກວ່າຈະດັງກວ່າສຽງດັງທີ່ຢູ່ຫ່າງອອກໄປ.
 ສຽງດັງ |
 ສຽງຄ່ອຍ |
ບາງສຽງກໍ່ສາມາດເຮັດໃຫ້ດັງແຮງຂຶ້ນ ຫຼື ດັງຄ່ອຍລົງໄດ້. ຕົວຢ່າງ: ທ່ານສາມາດເພີ່ມຄວາມດັງຂອງວິທະຍຸໄດ້ ຫຼື ທ່ານສາມາດເຮັດໃຫ້ສຽງຂອງທ່ານຄ່ອຍລົງໄດ້ ໂດຍການປ່ຽນຈາກການແຂກຮ້ອງໃສ່ມາເປັນ ການກະຊິບ.
ລະດັບຂອງສຽງ
ລະດັບຂອງສຽງແມ່ນຂະໜາດຂອງສຽງນັ້ນຕ່ຳ ຫຼື ສູງພຽງໃດເຊັ່ນ: ຢູ່ໃນດົນຕີ, ສຽງສາມາດຂຶ້ນ ແລະ ລົງໄດ້ຈາກລະດັບສູງຫາຕ່ຳ.
| ລະດັບຂອງສຽງ | ||||
| ສຽງນົກຮ້ອງ | ສຽງເປົ່າປີ່ | ສຽງຖອກນ້ໍາ | ສຽງເດັກນ້ອຍໄຫ້ | ສຽງສູງ ແມ່ນຈະເປັນສຽງທີ່ຄົມ ແລະ ບາງ, ເຊິ່ງ ສາມາດຮູ້ສຶກໄດ້ໃນເມື່ອມັນຜ່ານເຂົ້າຫູຂອງເຮົາ |
 |
 |
 |
 | |
| ລະດັບສຽງຕ່ຳ | ||||
| ສຽງງົວຮ້ອງ | ສຽງຕີກອງ | ສຽງຟ້າຮ້ອງ | ສຽງຜູ້ຊາຍ | ສຽງຕ່ຳ ແມ່ນເປັນສຽງເຕັມ ແລະ ສຽງໃຫຍ່, ເຊິ່ງທ່ານສາມາດຮູ້ສຶກໄດ້ໃນກະດູກຂອງທ່ານ. |
 |
 |
 |
 | |
ສຽງຄຳເວົ້າທີ່ແຕກຕ່າງກັນນັ້ນ ອາດຈະມີລະດັບສຽງສູງ ຫຼື ຕ່ຳ. ຕົວຢ່າງ: ຕ້ອງເຮັດສຽງຍາວ “ໂອ…” ແລະ ສຽງ “ມມມ໌...” (ສຽງນີ້ຄ້າຍກັບວ່າເຈົ້າງັບປາກແລ້ວເວົ້າ ຮື ຍາວໆ ແລະ ມີສຽງ ມ ຢູ່ນຳ) ແມ່ນ ລະດັບສຽງຕ່ຳ, ສ່ວນສຽງຍາວ “ອີ…” ແມ່ນມີລະດັບສຽງກາງ. ແຕ່ສຽງ “ສສສ໌…” ແລະ ສຽງ “ຟຟຟ໌…” ແມ່ນລະດັບສຽງສູງຕ້ອງມີລົມແຮງອອກຈາກຫວ່າງແຂ້ວ.