Hesperian Health Guides
ເດັກນ້ອຍຮຽນຮູ້ທັກສະທາງສັງຄົມໄດ້ແນວໃດ?
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 10: ທັກສະທາງສັງຄົມ > ເດັກນ້ອຍຮຽນຮູ້ທັກສະທາງສັງຄົມໄດ້ແນວໃດ?
![A woman carrying her baby on her lap.](https://pool.hesperian.org/w/images/thumb/0/07/HCWD_Ch10_Page_122-1.png/150px-HCWD_Ch10_Page_122-1.png)
ພວກເຮົາບໍ່ໄດ້ເກີດມາພ້ອມທັກສະທາງສັງຄົມ. ພວກເຮົາເລີ່ມຮຽນຮູ້ທັກສະດັ່ງກ່າວຕັ້ງແຕ່ພວກເຮົາເປັນແອນ້ອຍ, ຕັ້ງແຕ່ພວກເຮົາເລີ່ມຮູ້ຄວາມ. ບໍ່ວ່າຕອນເປັນເດັກ ຫຼື ເປັນຜູ້ໃຫຍ່ແລ້ວ, ພວກເຮົາຍັງສືບຕໍ່ຮຽນຮູ້ ແລະ ໝູນໃຊ້ທັກສະເຫຼົ່ານີ້ ຕະຫຼອດຊົ່ວຊີວິດຂອງພວກເຮົາ.
ທຳອິດທັກສະດັ່ງກ່າວແມ່ນມີລັກສະນະງ່າຍດາຍ. ເດັກແດງຮຽນຮູ້ການຍິ້ມຕອບກັບໃຫ້ແມ່ຂອງຕົນ ຫຼື ເດັກນ້ອຍຮຽນຮູ້ການລໍຖ້າຜຽນເພື່ອເຂົ້າຫຼິ້ນເກມກັບໝູ່. ແຕ່ເມື່ອເດັກເຕີບໃຫຍ່ຂຶ້ນ ເຂົາມີຄວາມຈຳເປັນຕ້ອງພັດທະນາທັກສະດັ່ງກ່າວ ເພື່ອໃຫ້ສາມາດດຳລົງຊີວິດຢູ່ກັບຄົນອື່ນໆໄດ້.
ອາຍຸ 2 ປີ
|
ອາຍຸ 3 ປີ
|
ອາຍຸ 5 ປີ
|
||
![]() |
![]() |
![]() |
ພຶດຕິກຳທີ່ “ເໝາະສົມ” ສຳລັບລູກຂອງທ່ານແມ່ນຂຶ້ນກັບອາຍຸຂອງເຂົາ. ຖ້າທ່ານຄາດຫວັງໃນສິ່ງທີ່ລູກບໍ່ສາມາດກະທຳ, ຈະເຮັດໃຫ້ທ່ານ ແລະ ລູກບໍ່ມີຄວາມສຸກ. ແຕ່ຖ້າທ່ານຄາດຫວັງຕ່ຳເກີນໄປ, ເດັກກໍ່ຈະບໍ່ສາມາດຮຽນຮູ້ທັກສະໃໝ່ໆ. ເບິ່ງຂໍ້ມູນເພີ່ມຕື່ມໄດ້ໃນແຜນວາດສະແດງການພັດທະນາຂອງເດັກ.
![A boy weaving a basket.](https://pool.hesperian.org/w/images/thumb/7/79/HCWD_Ch10_Page_122-5.png/220px-HCWD_Ch10_Page_122-5.png)
ເດັກທັກສະທາງສັງຄົມເປັນບາດກ້າວ
ເໝືອນກັບພັດທະນາການດ້ານອື່ນໆ, ເດັກຮຽນຮູ້ທັກສະທາງສັງຄົມເປັນບາດກ້າວ, ເພື່ອພັດທະນາທັກສະດັ່ງກ່າວ, ເດັກນ້ອຍຕ້ອງຮັບຮູ້ຄວາມຮູ້ສຶກຂອງຄົນອື່ນ. ພ້ອມທັງຮຽນຮູ້ການແບ່ງປັນ ແລະ ຮ່ວມມືກັບ ຄົນອື່ນ.
![2 small girls playing alongside each other.](https://pool.hesperian.org/w/images/thumb/7/7c/HCWD_Ch10_Page_123-1.png/120px-HCWD_Ch10_Page_123-1.png)
![180px] A boy watches 2 girls eat sweets.](https://pool.hesperian.org/w/images/thumb/4/42/HCWD_Ch10_Page_123-2.png/250px-HCWD_Ch10_Page_123-2.png)
ທຳອິດເດັກຮຽນຮູ້ການຫຼິ້ນຢູ່ອ້ອມແອ້ມ ກັບເດັກຄົນອື່ນ. ນີ້ໝາຍຄວາມວ່າເດັກມີຄວາມສຸກກັບການໄດ້ຢູ່ໃກ້ໆກັບ ພວກເຂົາ. ແຕ່ເດັກກໍ່ບໍ່ໄດ້ຫຼິ້ນນຳກັນແທ້.
ຈາກນັ້ນເດັກຈິ່ງຮຽນຮູ້ທີ່ຈະຫຼິ້ນກັບຄົນອື່ນ. ຮຽນຮູ້ການແບ່ງປັນເຄື່ອງຫຼິ້ນ ແລະ ຫຼິ້ນເກມ ທີ່ທຸກໆຄົນຕ້ອງໄດ້ຮ່ວມມືເຊິ່ງກັນ ແລະ ກັນ. ເມື່ອເດັກເຕີບໃຫຍ່ຂຶ້ນ, ພວກເຂົາຮຽນຮູ້ກົດລະບຽບ ແລະ ສາມາດຄວບຄຸມພຶດຕິກຳຂອງພວກເຂົາເອງ.
ຢູ່ທີ່ເຮືອນ
![A man and his older boy speaking as a family eats together.](https://pool.hesperian.org/w/images/thumb/b/be/HCWD_Ch10_Page_123-3.png/320px-HCWD_Ch10_Page_123-3.png)
ເດັກນ້ອຍຮຽນຮູ້ທັກສະທາງສັງຄົມໃນເບື້ອງຕົ້ນໂດຍການເບິ່ງພໍ່ແມ່ ແລະ ສະມາຊິກໃນຄອບຄົວປະຕິບັດຕໍ່ກັນ ແລະ ກັນ. ເດັກນ້ອຍຮຽນແບບສິ່ງທີ່ຄົນອື່ນກະທຳ ແລະ ສິ່ງທີ່ຄົນອື່ນເວົ້າເມື່ອມີການພົວພັນກັນ.
![A girl speaking as she and 2 boys play rolling a tire.](https://pool.hesperian.org/w/images/thumb/f/f8/Es_HCWD_Ch10_Page_123-4.png/200px-Es_HCWD_Ch10_Page_123-4.png)
ການຫຼິ້ນກັບເດັກຄົນອື່ນ
ໃນຂະນະທີ່ຫຼິ້ນ ເດັກຮຽນຮູ້ການນຳທິດທາງ, ການຮ່ວມມື, ການລໍຖ້າຜຽນ, ແລະ ການແບ່ງປັນ. ການຫຼິ້ນຊ່ວຍໃຫ້ເດັກນ້ອຍເຂົ້າໃຈອາລົມ ຂອງຕົນເອງ, ຮູ້ສຶກພາກພູມໃຈໃນສິ່ງທີ່ຕົນເອງສາມາດເຮັດໄດ້ ແລະ ພັດທະນາຄວາມເຂົ້າໃຈວ່າພວກເຂົາແມ່ນໃຜ.
![A man and boy signing to each other in a vegetable garden.](https://pool.hesperian.org/w/images/thumb/a/ab/HCWD_Ch10_Page_124-1.png/330px-HCWD_Ch10_Page_124-1.png)
ໃນຊຸມຊົນ
ເມື່ອຢູ່ນອກບ້ານ ຫຼື ອອກຈາກຄອບຄົວ, ເດັກນ້ອຍສາມາດພົບເຫັນວິທີທີ່ເດັກອາຍຸໃຫຍ່ກວ່າ ແລະ ຜູ້ໃຫຍ່ໂອ້ລົມຫຼິ້ນ ແລະ ເຮັດວຽກນຳກັນ. ນີ້ເປັນວິທີທີ່ ເດັກນ້ອຍຮຽນຮູ້ໃນການພົວພັນກັບຄົນອື່ນນອກຈາກ ຄົນພາຍໃນຄອບຄົວ ແລະ ໃນໂລກທີ່ເປີດກວ້າງສຳລັບພວກເຂົາ, ເດັກນ້ອຍຮຽນຮູ້ການຕອບສະໜອງໃນຫຼາຍສະຖານະການທີ່ແຕກຕ່າງກັນ. ພວກເຂົາພັດທະນາທັກສະທາງສັງຄົມໄປພ້ອມໆ ກັບການຄົ້ນພົບຈຸດແຂງ ແລະ ຈຸດອ່ອນຂອງຕົນເອງ.