Hesperian Health Guides
ໂຮງຮຽນທີ່ດີຕ້ອງກະກຽມຄວາມພ້ອມໃຫ້ເດັກເພື່ອການຫາລ້ຽງຊີບ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 12: ການສຶກສາ > ໂຮງຮຽນທີ່ດີຕ້ອງກະກຽມຄວາມພ້ອມໃຫ້ເດັກເພື່ອການຫາລ້ຽງຊີບ
ໂຮງຮຽນສຳລັບຄົນຫູໜວກບາງແຫ່ງສອນທັກສະອາຊີບໃຫ້ແກ່ນັກຮຽນ ເພື່ອໃຫ້ພວກເຂົາສາມາດໝູນໃຊ້ປະກອບອາຊີບ ຫຼື ເຮັດທຸລະກິດຂອງພວກເຂົາເອງ. ການຖັກແສ່ວ ແລະ ວຽກກ່ຽວກັບໄມ້ ແມ່ນບັນດາວິຊາຊີບ ທີ່ມັກມີການສິດສອນໃນຫຼັກສູດວິຊາຊີບ ແລະ ຍັງມີຫຼັກສູດວິຊາຊີບອື່ນໆທີ່ເດັກຫູໜວກສາມາດໃຊ້ປະກອບອາຊີບ ພາຍຫຼັງການສຳເລັດການສຶກສາເຊັ່ນ: ທັກສະດ້ານຄອມພິວເຕີ, ການສ້ອມແປງ ເຄື່ອງຈັກ, ເຕັກໂນໂລຊີການພິມ, ການບັນຊີ, ການແຕ່ງກິນ, ການກະເສດ ແລະ ສິລະປະ. ໃນຕົວຈິງ ຄົນຫູໜວກຈະບໍ່ສາມາດຊອກວຽກເຮັດໄດ້ເລີຍ ຖ້າເຂົາຫາກບໍ່ມີຄວາມສາມາດໃນວິຊາຊີບນັ້ນຢ່າງດີເລີດ.
ທີ່ໂຮງຮຽນກິນນອນ ສຳລັບຄົນຫູໜວກແຫ່ງໜຶ່ງໃນປະເທດ ຣູມານີ, ມີນັກຮຽນທີ່ມາຈາກທົ່ວປະ ເທດ. ບາງຄັ້ງກໍ່ມາຈາກບ້ານນ້ອຍໆ ທີ່ຫ່າງອອກໄປຫຼາຍກວ່າ 200 ກິໂລແມັດ. ເດັກນ້ອຍໃຊ້ເວລາ 9 ເດືອນໃນປີຮຽນໜຶ່ງໆຢູ່ທີ່ໂຮງຮຽນ, ດັ່ງນັ້ນໂຮງຮຽນຫຼັງນີ້ຈິ່ງກາຍເປັນຫຼັງທີສອງ ຂອງພວກເຂົາ.
ຢູ່ທີ່ໂຮງຮຽນ ທຸກໆຄົນໃຊ້ເຄື່ອງຊ່ວຍຟັງ. ຮຽນຮູ້ຄຳເວົ້າ ແລະ ການອ່ານຮີມສົບ ພວກເຂົາຮຽນຮູ້ການໝູນໃຊ້ດິນໜຽວ ເພື່ອປະດິດເຄື່ອງປັ້ນດິນເຜົາ. ນັກຮຽນຫຼາຍຄົນອອກຈາກໂຮງຮຽນໄປເມື່ອພວກເຂົາອາຍຸ 14 ປີ ແລະ ພວກເຂົາປະກອບອາຊີບເປັນຊ່າງປັ້ນທີ່ມີຄວາມຊຳນິຊຳນານ.