Hesperian Health Guides
ບົດທີ 12: ການສຶກສາ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 12: ການສຶກສາ
ເຖິງແມ່ນວ່າ ປຶ້ມເຫຼັ້ມນີ້ ສ່ວນໃຫຍ່ແມ່ນສຳລັບເດັກຈາກໄລຍະເກີດ ເຖິງອາຍຸ 5 ປີ ກໍ່ຕາມ, ແຕ່ໃນບົດນີ້ໄດ້ປະກອບມີບາງຫົວຂ້ໍທີ່ສຳຄັນພົວພັນເຖິງການສຶກສາສຳລັບເດັກຫູໜວກ ທີ່ຢູ່ໃນເກນອາຍຸທີ່ສູງຂຶ້ນ, ພ້ອມທັງຊ່ວຍໃຫ້ພໍ່ແມ່ຂອງເດັກຮູ້ຈັດວາງແຜນການສຶກສາໃຫ້ແກ່ ລູກຂອງພວກເຂົາ.
ການຮຽນຮູ້ແມ່ນເລີ່ມຕົ້ນຈາກເຮືອນ
ການຮຽນຮູ້ແມ່ນເລີ່ມຕົ້ນຈາກເຮືອນ, ເລີ່ມຈາກໄລຍະອາຍຸຂອງເດັກເກີດໃໝ່ ແລະ ສືບຕໍ່ຈົນຕະ ຫຼອດຊົ່ວຊີວິດຂອງເຂົາ. ຄອບຄົວແມ່ນມີບົດບາດສຳຄັນໃນການຊ່ວຍເຫຼືອການສຶກສາໃຫ້ແກ່ເດັກ. ພໍ່ແມ່ ແລະ ສະມາຊິກຄອບຄົວເປັນຄູຜູ້ທຳອິດ ທີ່ມີຄວາມສຳຄັນຢູ່ເຮືອນ ເດັກເລີ່ມຕົ້ນຮຽນຮູ້ການສື່ສານ, ການຄົ້ນຄິດ ແລະ ພົວພັນກັບຄົນອື່ນໆ.
ຊຸມຊົນບາງແຫ່ງມີອາຈານ ແລະ ຄົນຫູໜວກ ທີ່ເຂົ້າໄປຕາມບ້ານ ເພື່ອຊ່ວຍເຫຼືອພໍ່ແມ່ໃຫ້ຮູ້ຈັກວິທີສື່ສານກັບລູກຂອງພວກເຂົາທີ່ຫູໜວກ. ພວກເຂົາສະແດງກິດຈະກຳທີ່ໃຫ້ພໍ່ແມ່ ແລະ ລູກສາມາດເຮັດຮ່ວມກັນເພື່ອການຮຽນຮູ້ທາງພາສາ. ເບິ່ງຂໍ້ມູນເພີ່ມຕື່ມໄດ້ໃນບົດທີ7,ບົດທີ8ແລະບົດທີ9.