ການລ້າງມືໃຫ້ສະອາດ

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ນໍ້າ ແລະ ສຸຂະນາໄມ ປັດໄຈສຳຄັນຂອງການມີສຸຂະພາບທີ່ດີ > ການລ້າງມືໃຫ້ສະອາດ

ກັບສູ່ໜ້າຫຼັກລາວ

ອາຫານເພື່ອສຸຂະພາບ ປຶ້ມຢູ່ໄກແພດສະບັບປັບປຸງໃໝ່

ໜຶ່ງໃນວິທີທີ່ດີທີ່ສຸດເພຶ່ອການຫຼີກເວັ້ນການເຈັບເປັນຈາກເຊື້ອພະຍາດ ແລະພະຍາດແມ່ກາຝາກ (ແມ່ທ້ອງ) ແມ່ນການລ້າງມືໃຫ້ສະອາດດ້ວຍສະບູ ແລະນ້ຳສະອາດ. ເຖິງແມ່ນວ່າ ມືຂອງທ່ານຈະເບິ່ງຄືສະອາດແລ້ວກໍ່ຕາມ, ແຕ່ເຊື້ອພະຍາດ ແລະໄຂ່ຂອງແມ່ທ້ອງ ສາມາດຕິດຢູ່ຕາມມືເຈົ້າໄດ້. ຖ້າຫາກວ່າພວກມັນເຂົ້າໄປໃນຮ່າງກາຍເຈົ້າໄດ້ໂດຍຜ່ານທາງປາກ ຫຼືເຂົ້າໄປກັບອາຫານພວກມັນສາມາດເຮັດໃຫ້ເຈົ້າເຈັບເປັນໄດ້

1. ເອົານ້ຳລ້າງມືໃຫ້ປຽກກ່ອນ.

2. ໃຊ້ສະບູ ແລະເອົາມືຮຸກຖູກັນໃຫ້ທົ່ວ. ການຮຸກຖູນີ້ ເຮັດໃຫ້ເຊື້ອພະຍາດໝົດໄປ. ໃຫ້ແນ່ໃຈວ່າໄດ້ຮຸກຖູຕາມຫວ່າງນີ້ວມື ແລະເລັບມືໃຫ້ທົ່ວເຊັ່ນດຽວກັນ.

3. ແລ້ວເອົານ້ຳສະອາດລ້າງມືໃຫ້ມືສະອາດດີ.

4. ຖອກນ້ຳໃສ່ກະຕຸກແລ້ວເອົາຝາອັດໃຫ້ແໜ້ນດີ. ເມື່ອຝາອັດແຈບດີແລ້ວ, ມັນຄວນຈະບໍ່ມີນ້ຳໄຫຼອອກມາຈາກທໍ່ນັ້ນ. ເມື່ອເຮົາໄຂຝາປິດອອກນ້ຳກໍ່ຈະໄຫຼອອກມາເປັນສາຍຢ່າງສະໝຳສະເໝີ. ເມື່ອໝັ້ນ ໃຈວ່າໃຊ້ໄດ້ແລ້ວ ກໍ່ໃຫ້ນຳມັນໄປຕິດຕັ້ງໄວ້ຢູ່ບ່ອນທີ່ຜູ້ຄົນສາມາດໃຊ້ລ້າງມືໄດ້. ເອົາສະບູໄວ້ໃກ້ໆ ກັບກ໊ອກລ້າງມືນີ້ ຫຼືມັດກ້ອນສະບູຕິດໄວ້ກັບກະຕຸກນ້ຳນັ້ນເລີຍກໍ່ໄດ້.

ມັນເປັນການດີທີ່ສຸດໃນການໃຊ້ສະບູລ້າງມືເພື່ອກຳຈັດຄວາມເປື້ອນເປິ ແລະ ເຊື້ື້ອພະຍາດຕ່າງໆ. ຖ້າຫາກບໍ່ມີສະບູ, ເຈົ້າກໍ່ສາມາດໃຊ້ຂີ້ດິນຊາຍ ຫຼືຂີ້ເຖົ່າກໍ່ໄດ້.

ໃຫ້ລ້າງມືຂອງເຈົ້າໃຫ້ສະອາດທຸກຄັ້ງ:

ພາຍຫຼັງທີ່ຖ່າຍໜັກ ຫຼືລ້າງກົ້ນໃຫ້ເດັກນ້ອຍແລ້ວ.
ກ່ອນການກະກຽມປຸງແຕ່ງອາຫານ ຫຼືກ່ອນກິນອາຫານທຸກຄັ້ງ.
ພາຍຫຼັງຈັບບາຍສັດລ້ຽງ.
ຫຼັງຈາກການຈາມ ຫຼືໄອ.
ຖ້າເຈົ້າເປັນໄຂ້ ຫຼືບໍ່ສະບາຍ.

ເຊັດມືໃຫ້ແຫ້ງດ້ວຍຜ້າທີ່ສະອາດ.

¬¬¬ກ໊ອກລ້າງມື ທິບປີ້ແທັບ (tippy-tap)

ກ໊ອກລ້າງມືແບບນີ້ເປັນເຄື່ອງມືແບບງ່າຍໆຊຶ່ງເຈົ້າສາມາດລ້າງມືຂອງເຈົ້າໃຫ້ສະອາດໄດ້ໂດຍໃຊ້ນ້ຳພຽງ ໜ້ອຍດຽວ. ມັນກໍ່ຍັງໃຫ້ເຈົ້າສາມາດຮຸກຖູມືທັງສອງຂ້າງໄດ້ໃນຂະນະທີ່ນ້ຳໄຫຼອອກມາໃສ່ມືຂອງເຈົ້າ ຊຶ່ງຈະເປັນການກຳຈັດເຊື້ອພະຍາດອອກໄປໄດ້. ຕິດຕັ້ງກ໊ອກນໍ້ານີ້ໄວ້ໃນບ່ອນທີ່ມີຜູ້ຄົນມີຄວາມຈໍາເປັນ ຈະຕ້ອງລ້າງມືເຊັ່ນ: ໃນເຮືອນຄົວບ່ອນກະກຽມປຸງແຕ່ງອາຫານ, ໃນຫ້ອງນ້ຳ (ວິດ), ຫຼືຢູ່ໃນຕະຫຼາດ.

ວິທີເຮັດກ໊ອກລ້າງມືທິບປີ້ແທັບ (tippy-tap)

ໃນການເຮັດກ໊ອກລ້າງມືທິບປີ້ແທັບນີ້ ເຈົ້າຈຳເປັນຕ້ອງມີ: (1) ກະຕຸກຢາງທີ່ມີຝາອັດແບບເປັນກຽວ ເຊັ່ນ: ກະຕຸກນ້ຳໂສດາ, ແລະ (2) ທໍ່ບິກ, ຫຼືທໍ່ມີຮູອື່ນໆ ທີ່ນ້ອຍ ແລະແຂງ.

1. ລ້າງກະຕຸກໃຫ້ສະອາດ.
2. ໃຊ້ເຫຼັກຊີຮ້ອນຊີເຈາະຮູນ້ອຍ ຮູໜຶ່ງຢູ່ດ້ານລຸ່ມຂອງກະຕຸກ.
3. ຖ້າເອົາທໍ່ບິກ ໃຫ້ເອົາໄສ້ບິກອອກ ແລະທຳຄວາມສະອາດທາງໃນຂອງທໍ່ບິກໃຫ້ສະອາດ, ຕັດສະຫຼ່ຽງໃຫ້ໄດ້ຂະໜາດທີ່ເໝາະສົມ ແລ້ວຍັດທໍ່ນັ້ນໃສ່ເຂົ້າໄປໃນຮູ ທີ່ໄດ້ເຈາະໄວ້ຂ້າງລຸ່ມກະຕຸກນັ້ນ. ທໍ່ທີ່ໃສ່ເຂົ້າໄປນັ້ນຕ້ອງໃຫ້ແໜ້ນພໍດີກັບຮູນັ້ນ.
4. ຖອກນ້ຳໃສ່ກະຕຸກແລ້ວເອົາຝາອັດໃຫ້ແໜ້ນດີ. ເມື່ອຝາອັດແຈບດີແລ້ວ, ມັນຄວນຈະບໍ່ມີນ້ຳໄຫຼອອກມາຈາກທໍ່ນັ້ນ. ເມື່ອເຮົາໄຂຝາປິດອອກນ້ຳກໍ່ຈະໄຫຼອອກມາເປັນສາຍຢ່າງສະໝຳສະເໝີ. ເມື່ອໝັ້ນ ໃຈວ່າໃຊ້ໄດ້ແລ້ວ ກໍ່ໃຫ້ນຳມັນໄປຕິດຕັ້ງໄວ້ຢູ່ບ່ອນທີ່ຜູ້ຄົນສາມາດໃຊ້ລ້າງມືໄດ້. ເອົາສະບູໄວ້ໃກ້ໆ ກັບກ໊ອກລ້າງມືນີ້ ຫຼືມັດກ້ອນສະບູຕິດໄວ້ກັບກະຕຸກນ້ຳນັ້ນເລີຍກໍ່ໄດ້.		5. ວິທີນຳໃຊ້ກ໊ອກລ້າງມື ທິບປີ້ແທັບ: ກ່ອນອື່ນໝົດໃຫ້ໄຂຝາກະຕຸກອອກໃຫ້ຫຼົມພໍທີ່ຈະໃຫ້ນ້ຳໄຫຼ ອອກມາໄດ້. ລ້າງມືໃຫ້ປຽກ, ເອົາສະບູໃສ່ ແລະຮຸກຖູມືທັງສອງຂ້າງຢູ່ກ້ອງນ້ຳທີ່ໄຫຼອອກມານັ້ນຈົນວ່າ ມືທັງສອງຂ້າງນັ້ນສະອາດດີແລ້ວຈິ່ງປິດກ໊ອກລ້າງມືນັ້ນໄວ້.