ການເຮັດໜັນ, ການຜ່າຕັດ

ສາລະບານນີ້ແມ່ນມາຈາກບັນດາບົດໃໝ່ລ້າສຸດໃນ ປຶ້ມຢູ່ໄກແພດສະບັບປັບປຸງໃໝ່

ສະລັບຜູ້ທີ່ບໍ່ຕ້ອງການມີລູກຫຼາຍ ການເຮັດໜັນແມ່ນມີຄວາມປອດໄພ ເຊິ່ງເປັນການຜ່າຕັດທີ່ງ່າຍສຳລັບທັງຜູ້ຍິງ ແລະ ຜູ້ຊາຍ. ໃນຫຼາຍປະເທດການຜ່າຕັດເຮັດໜັນນີ້້ແມ່ນບໍ່ໄດ້ເສຍຄ່າໃຊ້ຈ່າຍ. ໃຫ້ສອບຖາມຢູ່ທີ່ສູນບໍລິການດ້ານສຸຂະພາບ. ການເຮັດໝັນແມ່ນບໍ່ສາມາດປ້ອງກັນພະຍາດທີ່ຕິດຕໍ່ທາງເພດສາພັນໄດ້.

ສຳລັບຜູ້ຍິງການຜ່າຕັດນີ້ເອີ້ນວ່າການມັດທໍ່ສົ່ງໄຂ. ອີກວິທີໜຶ່ງແມ່ນການປາດນ້ອຍໆຜ່ານທາງດ້ານລຸ່ມຂອງໜ້າທ້ອງບ່ອນທີ່ທໍ່ສົ່ງໄຂຕໍ່ໃສ່ຮັງໄຂ່ (ຮັງໄຂ່ແມ່ນບ່ອນທີ່ໄຂ່ຖືກຜະລິດ) ເຊິ່ງມັນສາມາດຕັດແລ້ວກໍປິດໄວ້. ປົກກະຕິແລ້ວມັນກໍສາມາດເຮັດໄດ້ຢູ່ທີ່ຫ້ອງການຂອງທ່ານໝໍ ຫຼືສູນໃຫ້ບໍ່ລິການດ້ານສຸຂະພາບໂດຍບໍ່ຕ້ອງໄດ້ໃສ່ຢາໃຫ້ຄົນເຈັບນອນ. ການຜ່ານຕັດນີ້ບໍ່ໄດ້ມີຜົນຕໍ່ປະຈຳເດືອນຂອງຜູ້ຍິງ ແລະ ຄວາມສາມາດໃນການຮ່ວມເພດ ແລະ ອາດເຮັດໃຫ້ມີຄວາມຮູ້ສືກກ່ຽວກັບການຮ່ວມເພດດີຂື້ນ ເນື່ອງຈາກວ່າລາວບໍ່ໄດ້ມີຄວາມກັງວົນວ່າຈະຖືພາ.

ສຳລັບຜູ້ຊາຍການຜ່ານຕັດນີ້ເອີ້ນວ່າການຕັດທໍ່ສົ່ງອະສຸຈິ. ມັນກໍສາມາດເຮັດໄດ້ຢູ່ທີ່ຫ້ອງການຂອງທ່ານໝໍ ຫຼືສູນໃຫ້ບໍ່ລິການດ້ານສຸຂະພາບໂດຍບໍ່ຕ້ອງໄດ້ໃສ່ຢາໃຫ້ຄົນເຈັບນອນ. ການຜ່າຕັດນີ້ມີຄວາມປອດໄພ ແລະ ວ່ອງໄວກວ່າການຜ່າຕັດຂອງຜູ້ຍິງ. ແກ່ນອັນທະບໍ່ໄດ້ຖືກຕັດອອກ ແລະ ການຜ່າຕັດນີ້ກໍບໍ່ມີຜົນຕໍ່ຄວາມສາມາດໃນການຮ່ວມເພດ ແລະ ຄວາມຮູ້ສຶກທາງເພດ.