Hesperian Health Guides
ການລ່ວງລະເມີດທາງເພດກໍ່ໃຫ້ເກີດໄພອັນຕະລາຍທີ່ບໍ່ສິ້ນສຸດ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 13: ການປ້ອງກັນການລ່ວງລະເມີດທາງເພດເດັກ > ການລ່ວງລະເມີດທາງເພດກໍ່ໃຫ້ເກີດໄພອັນຕະລາຍທີ່ບໍ່ສິ້ນສຸດ
ໄພອັນຕະລາຍທາງຮ່າງກາຍທີ່ບໍ່ສິ້ນສຸດ
ການຄຸ້ມຄອງທາງຮ່າງກາຍທີ່ບໍ່ສິ້ນສຸດອາດບໍ່ໃຫ້ມີການຕິດເຊື້ອພະຍາດຕິດຕໍ່ທາງເພດ (STIs). ຜູ້ລ່ວງລະເມີດທາງເພດອາດສົ່ງຕໍ່ພະຍາດໃຫ້ແກ່ເດັກເຊັ່ນ: ເອດ (HIVAIDS) ແລະ ພະຍາດຕັບອັກເສບ ເຊິ່ງບໍ່ສາມາດປ່ິນປົວໄດ້, ພະຍາດຕິດຕໍ່ທາງເພດອື່ນໆ ຖ້າຫາກຖືກປ່ອຍປະ ບໍ່ໄດ້ຮັບການປິ່ນປົວແລ້ວ ອາດກໍ່ໃຫ້ເກີດບັນຫາອື່ນໆໃນອະນາຄົດ ເປັນຕົ້ນແມ່ນການຖືພາ, ພະຍາດມະເຮັງ ແລະ ການເສຍຊີວິດຍ້ອນພະຍາດຕິດຕໍ່ຮ້າຍແຮງອື່ນໆ. ເດັກທີ່ຕິດເຊື້ອພະຍາດຈາກການລ່ວງລະເມີດທາງເພດຈະບໍ່ສະແດງອາການ ດັ່ງນັ້ນ ພວກເຂົາຈ່ຶງບໍ່ໄດ້ຮັບການປິ່ນປົວ.
ຜົນຮ້າຍທີ່ມີຕໍ່ພັດທະນາການຂອງເດັກ
ເດັກທີ່ຖືກລ່ວງລະເມີດທາງເພດຈະຮູ້ສຶກວ່າ ຕົນມີຄວາມຜິດຢ່າງໃຫຍ່ຫຼວງ, ຮູ້ສຶກອັບອາຍ ແລະ ໃຈຮ້າຍ. ຜູ້ເຄາະຮ້າຍຈາກການລ່ວງລະເມີດທາງເພດຫຼາຍໆຄົນບໍ່ສາມາດເຊື່ອຖືໄວ້ໃຈຄົນອື່ນອີກ. ຜູ້ຖືກເຄາະຮ້າຍຈະຮູ້ສຶກບໍ່ເຄົາລົບຕົນເອງ, ພວກເຂົາຈະຮູ້ວ່າຕົນເອງບໍ່ມີຄ່າ ແລະ ບໍ່ສົມຄວນທີ່ຈະໄດ້ຮັບຄວາມເຄົາລົບ.
ວົງຈອນຂອງການກະທຳຜິດ
ເດັກທີ່ຖືກລ່ວງລະເມີດທາງເພດອາດສືບຕໍ່ຖືກລ່ວງລະເມີດ ໂດຍຄົນອື່ນຕະຫຼອດຊີວິດຂອງພວກເຂົາ. ຍ້ອນປະສົບການຈາກການຖືກລ່ວງລະເມີດເມື່ອຕອນຍັງເດັກ, ເມື່ອພວກເຂົາໃຫຍ່ຂຶ້ນພວກເຂົາອາດເຊື່ອວ່າການມີເພດສຳພັນ ເປັນຫົນທາງດຽວທີ່ຈະນຳມາເຊິ່ງຄວາມຮັກ ແລະ ຄວາມປອດໄພ.
ການຖືກປະຕິບັດຢ່າງໂຫດຮ້າຍ ແລະ ການຖືກລ່ວງລະເມີດທາງເພດອາດກາຍເປັນແບບແຜນໃຫ້ແກ່ຊີວິດຂອງພວກເຂົາ. ຍິ່ງໄປກວ່ານັ້ນຖ້າປາສະຈາກການສະໜັບສະໜູນ ແລະ ການຊ່ວຍເຫຼືອ ເພື່ອປິ່ນປົວຈາກການກະທຳດັ່ງກ່າວ. ບັນດາເດັກຊາຍທີ່ເຄີຍຖືກລ່ວງລະເມີດທາງເພດ ອາດກາຍເປັນຜູ້ກະທຳເອງເມື່ອພວກເຂົາໃຫຍ່ຂຶ້ນ. ວົງຈອນນີ້ກໍ່ຈະໃດ້ມີເຄາະຮ້າຍຕໍ່ມາ ແກ່ຜູ້ກະທຳຜິດອີກໃນອະນາຄົດ.
ໄພອັນຕະລາຍທີ່ເກີດຈາກການລ່ວງລະເມີດທາງເພດ ບໍ່ພຽງແຕ່ສົ່ງຜົນສະທ້ອນໃສ່ໂຕເດັກ ຫຼື ຄອບ ຄົວຂອງພວກເຂົາ ແຕ່ຍັງກະທົບໃສ່ຊຸມຊົນທັງໝົດ. ຍົກຕົວຢ່າງ: ບຸກຄົນທີ່ມີຄວາມລະອາຍ ແລະ ຖືກປ່ອຍປະໃຫ້ຢູ່ຢ່າງໂດດດ່ຽວສາມາດເປັນອັນຕະພານ ຫຼື ມີແນວຄິດຮຸນແຮງ ຫຼື ຫັນໃສ່ການຕິດເຫຼົ້່າ ແລະ ຢາເສບຕິດ.