Hesperian Health Guides

ເຮັດ​ໃຫ້ເດັກ​ທຸກໆຄົນ​ໃນ​ຊຸມຊົນ​ຢູ່ຢ່າງ​ປອດໄພ

ຫຼາຍຄົນ​ຮູ້ສຶກ​ອຶດອັດ ທີ່ຈະ​ເວົ້າເຖິງ​ການ​ລ່ວງລະເມີດ​ທາງເພດ ຫຼື ຍອມຮັບ​ວ່າ​ເດັກນ້ອຍ​ບໍ່​ປອດໄພ ຫຼື ສົນທະນາ​ກ່ຽວກັບ​ຜົນທີ່​ຕາມມາ​ຈາກການ​ລ່ວງລະເມີດ​ທາງເພດ. ແຕ່ວ່າ ການ​ລ່ວງລະເມີດ​ທາງເພດ​ນີ້​ສາມາດ​ປ້ອງກັນໄດ້ ຖ້າ​ຫາກ​ທຸກຄົນ​ເວົ້າ​ເຖິງມັນ.

Men, women, and children doing street theater with a sign reading: "My Body Belongs to Me!"

ໂຄງການ​ໃນໂຮງຮຽນ ແລະ ການ​ລວມ​ຊຸມຊົນ​ໜຸ່ມ​ໃນຊຸມຊົນ ສາມາດ​ສຶກສາ​ອົບຮົມ​ຊຸມຊົນ​ທັງໝົດ​ກ່ຽວກັບ​ການ​ລ່ວງລະເມີດ​ທາງເພດ. ການສະແດງ​ບົດລະຄອນ​ສັ້ນ ຫຼື ບົດລະຄອນ​ຕະຫຼົກ ກ່ຽວກັບ​ຜົນກະທົບ​ຂອງການ​ລ່ວງລະເມີດ​ທາງເພດ​ອາດ​ເຮັດໃຫ້​ຜູ້ຄົນ​ສົນທະນາ​ກ່ຽວກັບ​ບັນຫາ​ນີ້​ເປັນກຸ່ມ​ໄດ້​ງ່າຍຂຶ້ນ.

ນີ້ແມ່ນ​ບາງ​ວິທີ​ຂອງ​ຊຸມຊົນ ເພື່ອ​ດຳເນີນການ​ຕ້ານການ​ລ່ວງລະເມີດ​ທາງເພດ:

  • ຈັດ​ຝຶກອົບຮົມ​ສຳມະນາ​ສຳລັບ​ພໍ່​ແມ່ ແລະ ຄູ​ອາຈານ ເຊິ່ງ​ເຮັດໃຫ້​ພວກເຂົາ​ຮູ້​ວິທີ​ສື່ສານ​ກັບເເດັກ​ກ່ຽວກັບ​ວິທີ​ປ້ອງກັນ​ການ​ລ່ວງລະເມີດ​ທາງເພດ. ອ່ານ​ບັນດາ​ເອກະສານ​ດັງໆ ຖ້າບໍ່​ສາມາດ​ສົນທະ ນາ​ກັບ​ບັນດາ​ພໍ່​ແມ່​ໄດ້.
  • ຈັດ​ເຝິກອົບຮົມ​ສຳລັບ​ຄູ​ອາຈານ, ພະນັກງານ​ທີ່​ເຮັດວຽກ​ໃນ​ໂຮງຮຽນ, ທ່ານໝໍ ແລະ ພະນັກງານ​ເຮັດ ວຽກ​ກ່ຽວກັບ​ສຸຂະ​ອະນາໄມ ເພື່ອໃຫ້​ພວກເຂົາ​ສາມາດ​ສັງເກດ​ເຫັນ​ສັນຍານ​ທີ່​ຊີ້ບອກ​ວ່າ ເດັກ​ຖືກ​ລ່ວງລະເມີດ​ທາງເພດ ແລະ ຮຽນຮູ້​ວິທີ​ໂອ້ລົມ​ກັບເດັກ​ທີ່ອາດ​ເປັນ​ຜູ້​ເຄາະຮ້າຍ​ຈາກການ​ຖືກ​ລ່ວງລະເມີດ​ທາງເພດ. ຈັດສຳມະນາ​ໃຫ້​ພະນັກງານ​ທີ່​ເຮັດວຽກ​ໃນໂຮງຮຽນ ເພື່ອ​ສົນທະນາ​ກ່ຽວກກັບ​ຈັນ ຍາທຳ​ຂອງການ​ເຮັດວຽກ​ກັບ​ເດັກນ້ອຍ.
  • ການ​ສຶກສາ​ສຳລັບ​ເດັກ​ນັກຮຽນ ເພື່ອ​ປ້ອງກັນ​ການ​ລ່ວງລະເມີດ​ທາງເພດ. ການ​ສຶກສາ​ດັ່ງກ່າວ​ຄວນ ກວມເອົາ​ການ​ສຶກສາ​ທີ່​ເໝາະສົມ​ກັບ​ໄວອາຍຸ​ກ່ຽວກັບ​ບັນຫາ​ສຸຂະພາບ​ຈະເລີນພັນ.
  • ລາຍງານ​ການ​ລ່ວງລະເມີດ​ທາງເພດ​ເມື່ອມັນ​ເກີດຂຶ້ນ ສາມາດ​ຊ່ວຍ​ປ້ອງກັນ​ເຫດການ​ດັ່ງກ່າວ​ໃນ​ອະນາຄົດ. ຊອກຫາ​ວິທີການ​ທີ່ມີ ເພື່ອ​ລາຍງານ​ກ່ຽວກັບ​ການ​ລ່ວງລະເມີດ​ທາງເພດ ແລະ ເຮັດໃຫ້ ຂ້ໍມູນ​ດ່ັງກ່າວ​ສາມາດ​ສະໜອງໃຫ້​ບັນດາ​ພໍ່​ແມ່, ຄູ​ອາຈານ, ພະນັກງານ​ສຸຂະອະນາໄມ ແລະ ບຸກຄົນ ອື່ນໆ​ທີ່​ສຶກສາ​ກ່ຽວກັບ​ການ​ລ່ວງລະເມີດ​ທາງເພດ​ເດັກ. ຖ້າຫາກ​ບໍ່ມີ​ວິທີການ ເພື່ອ​ລາຍງານ​ກ່ຽວກັບ ວຽກງານ​ດັ່ງກ່າວ ກໍ່ຈົ່ງ​ຈັດຕັ້ງ​ກັນຂຶ້ນ.
A large group of men and women sitting together.
ຍິ່ງມີຫຼາຍຄົນຮູ້ກ່ຽວກັບບັນຫາການລ່ວງລະເມີດ​ທາງເພດ,ມັນກໍ່ຍິ່ງເຮັດໃຫ້ພວກເຮົາສາມາດ​ປ້ອງກັນການລ່ວງລະເມີດທາງເພດທີ່ຈະເກີດຂຶ້ນ​ກັບລູກຫຼານຂອງພວກເຮົາໄດ້ຫຼາຍຂຶ້ນ.