Hesperian Health Guides
ຄວາມຈິງກ່ຽວກັບການລ່ວງລະເມີດທາງເພດ
ຂໍ້ມູນສຸຂະພາບ > ການຊ່ວຍເຫຼືອເດັກນ້ອຍຫູໜອກ > ບົດທີ 13: ການປ້ອງກັນການລ່ວງລະເມີດທາງເພດເດັກ > ຄວາມຈິງກ່ຽວກັບການລ່ວງລະເມີດທາງເພດ
ພວກເຮົາບໍ່ຮູ້ຢ່າງແນ່ນອນວ່າ ການລ່ວງລະເມີດທາງເພດໂດຍທ່ົວໄປ ແມ່ນຫຍັງແທ້, ເນື່ອງຈາກວ່າເດັກຫຼາຍຄົນບໍ່ຍອມບອກວ່າ ແມ່ນຫຍັງແດ່ເກີດຂຶ້ນກັບພວກເຂົາ. ແຕ່ເປັນໄປໄດ້ວ່າ ມີເດັກຫຼາຍກວ່າ 1 ຄົນໃນຈຳນວນ 4 ຄົນ ແມ່ນຖືກລ່ວງລະເມີດທາງເພດຢູ່ໃນໂລກ.
ມີຫຼາຍທາງທີ່ເດັກສາມາດຖືກລ່ວງລະເມີດທາງເພດໄດ້ເຊ່ັນ:
ການລ່ວງລະເມີດໂດຍການສຳຜັດຕົວເດັກ
- ເພດສຳພັນທາງປາກ (ເມື່ອຜູ້ຊາຍໃຊ້ອະໄວຍະວະເພດຂອງຕົນໃສ່ເຂົ້າໃນປາກຂອງເດັກ)
- ການຈູບ ຫຼື ກອດເດັກໃນແບບທີ່ມີລັກສະນະທາງເພດ.
- ການມີເພດສຳພັນ ຫຼື ການຮ່ວມເພດທາງທະວານໜັກ (ເມື່ອຜູ້ຊາຍໃຊ້ອະໄວຍະເພດຂອງຕົນໃສ່ເຂົ້າໃນອະໄວ ຍະວະເພດຂອງເດັກຍິງ ຫຼື ທະວານໜັກຂອງເດັກ)
- ການສຳພັດອະໄວຍະວະເພດຂອງເດັກ ຫຼື ການໃຫ້ເດັກ ສຳຜັດອະໄວຍະວະເພດຂອງຜູ້ໃຫຍ່.
- ການບັງຄັບໃຫ້ເດັກຄ້າປະເວນີ (ການຫາເງິນຈາກການ ຂາຍຕົວຂອງເດັກ).
ການລ່ວງລະເມີດໂດຍບໍ່ມີການສຳຜັດຕົວເດັກ
- ການໃຊ້ຄຳເວົ້າ ຫຼື ຮູບພາບທີ່ກະ ທົບກະເທືອນເດັກ, ເຮັດໃຫ້ເດັກມີ ຄວາມຕື່ນເຕັ້ນ ຫຼື ເຮັດໃຫ້ເດັກມີ ຄວາມຊິນເຄີຍກັບເລື່ອງເພດ.
- ໃຫ້ເດັກໄດ້ຍິນ ຫຼື ເບິ່ງການມີເພດສຳພັນ.
- ໃຫ້ເດັກຖ່າຍຮູບເປືອຍ.
- ໃຫ້ເດັກເບິ່ງຮູບລາມົກ.
ຜູ້ທີ່ລ່ວງລະເມີດເດັກສ່ວນຫຼາຍແມ່ນເປັນຜູ້ຊາຍ ແລະ ເດັກທີ່ຖືກລ່ວງລະເມີດເກືອບທັງໝົດ ແມ່ນຖືກກະທຳຈາກຄົນທີ່ພວກເຂົາຮູ້ຈັກ ເຊັ່ນ: ຍາດພີ່ນ້ອງ, ສະມາຊິກໃນຄອບຄົວ, ໝູ່ເພື່ອນ ຫຼື ເພື່ອນບ້ານ. ການລ່ວງລະເມີດທາງເພດເດັກສ່ວນໜ້ອຍທີ່ສຸດທີ່ຈະເກີດຈາກການກະທຳຂອງຄົນແປກໜ້າ. ບາງຄັ້ງ ການລ່ວງລະເມີດດ່ັງກ່າວກິນເວລາດົນ, ບາງເທື່ອເປັນປີໆກໍ່ມີ.