Hesperian Health Guides
ຢາປະສົມທີ່ໃຊ້ເພື່ອຮັກສາການຕິດເຊື້ອໃນກະດູກອ່າງຊາມ
ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ພະຍາດຕິດຕໍ່ທາງເພດສຳພັນ > ຢາປະສົມທີ່ໃຊ້ເພື່ອຮັກສາການຕິດເຊື້ອໃນກະດູກອ່າງຊາມ
ຖ້າວ່າອາການຕ່າງໆແມ່ນຢູ່ໃນຂັ້ນເລີ່ມຕົ້ນ ແລະບໍ່ທັນຮຸນແຮງ, ໃຫ້ກິນຢາເອົາ. ການຕິດເຊື້ອຊະນິດນີ້ແມ່ນຕາມທຳມະດາແລ້ວແມ່ນມີສາເຫດມາຈາກການປະສົມເຊື້ອພະຍາດ 6 ຢ່າງ, ສະນັ້ນຢ່າງໜ້ອຍຕ້ອງໃຊ້ຢາ 2 ຊະນິດເພື່ອຮັກສາໂລກນີ້. ໃຫ້ເລືອກເອົາຢາ 1 ຊະນິດຈາກແຕ່ລະໝວດຢາຂ້າງລຸ່ມນີ້ ຖ້າເປັນໄປໄດ້ໃຫ້ຢາ metronidazole (ໃນຕາຕະລາງອັນທີ່ 3). ຢາທີ່ດີແມ່ນຈະຖືກຈັດໄວ້ອັນດັບໜຶ່ງ ແລະຮອງລົງມາຕາມລຳດັບ. ຕົວຢ່າງ, ຢາປະສົມທີ່ດີທີ່ສຸດແມ່ນໃຫ້ຢາ ceftriaxone, doxycycline, ແລະ metronidazole. ຫຼັງຈາກໃຊ້ຢາ 2 ມື້ແລ້ວອາການຍັງບໍ່ດີຂຶ້ນ ແມ່ນໃຫ້ໄປພົບແພດເພື່ອຂໍຄວາມຊ່ວຍເຫຼືອ.
ນອກຈາກນັ້ນແມ່ນຮັກສາຄູ່ຮັກຂອງຄົນເຈັບດ້ວຍຢາຊະນິດດຽວກັນສຳລັບໂລກໜອງໃນແທ້ ແລະ ໜອງໃນທຽມ.
| ຢາຕ່າງໆທີ່ໃຊ້ສຳລັບການຕິດເຊື້ອຈາກໜອງໃນແທ້. | ປະລິມານຢາ | ວິທີການໃຊ້ຢາ |
| ຢາ ceftriaxone | 250 ມກ | ສັກໃສກ້າມຊີ້ນພຽງແຕ່ຄັ້ງດຽວ |
| ຫຼື ຢາ spectinomycin | 2 ກຼາມ (2000 ມກ) | ສັກໃສກ້າມຊີ້ນພຽງແຕ່ຄັ້ງດຽວ |
| ແລະ | ||
| ຢາຕ່າງໆທີ່ໃຊ້ສຳລັບການຕິດເຊື້ອຈາກໜອງໃນທຽມ. ໃຫ້ໃຊ້ພຽງແຕ່ຊະນິດດຽວ |
ປະລິມານຢາ | ວິທີການໃຊ້ຢາ |
| ຢາ doxycycline (ບໍ່ໃຫ້ໃຊ້ຢາ doxycycline ຖ້າວ່າເຈົ້າຖືພາ ແລະຫຼີກເວັ້ນນຳໃຊ້ຢາຊະນິດນີ້ຖ້າວ່າເຈົ້າໃຫ້ນົມລູກ |
100 ມກ | ກິນເອົາ 2 ຄັ້ງຕໍ່ມື້ ເປັນເວລາ 14 ມື້. |
| ຫຼື ຢາ azithromycin (ໃຫ້ໃຊ້ຢາຊະນິດນີ້ກັບການກິນອາຫານ ມັນປອດໄພສຳລັບແມ່ຍິງຖືພາ) |
1 ກຼາມ (1000 ມກ ) | ກິນເອົາ 1 ຄັ້ງທຳອິດ, ແລະຄັ້ງທີ່ 2 ແມ່ນອີກ 1 ອາທິດຫຼັງຈາກຄັ້ງທຳອິດ. |
| ຫຼື ຢາ azithromycin (ມັນປອດໄພສຳລັບແມ່ຍິງຖືພາ) |
500 ມກ | ກິນເອົາ 4 ຄັ້ງຕໍ່ມື້ ເປັນເວລາ 14 ມື້. |
| ຫຼື ຢາ amoxicillin (ຢາ amoxicillin ສາມາດຖືກໃຊ້ເມື່ອເຈົ້າຖືພາ ແລະ ບໍ່ມີຢາ azithromycin ແລະ erythromycin) |
500 ມກ | ກິນເອົາ 3 ຄັ້ງຕໍ່ມື້ ເປັນເວລາ 14 ມື້. |
| ແລະ | ||
| ຢາທີ່ໃຊ້ສຳລັບການຕິດເຊື້ອ (ໃຊ້ຖ້າວ່າມີ). | ປະລິມານຢາ | ວິທີການໃຊ້ຢາ |
| ຢາ metronidazole | 400 to 500 ມກ | ກິນເອົາ 3 ຄັ້ງຕໍ່ມື້ ເປັນເວລາ 14 ມື້. |
| ຂໍ້ຄວນລະວັງ! ໍ່ໃຫ້ດື່ມເຫຼົ້າໃນຂະນະທີ່ກິນຢາຊະນິດນີ້. | ||
This page was updated: ໐໕ ມັງກອນ ໒໐໒໔