ຢາປະສົມທີ່ໃຊ້ເພື່ອຮັກສາທັງພະຍາດຊີຟີລິດ (syphilis) ແລະບາດແຜກາມມະໂລ

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ​​ພະຍາດຕິດຕໍ່ທາງເພດສຳພັນ > ຢາປະສົມທີ່ໃຊ້ເພື່ອຮັກສາທັງພະຍາດຊີຟີລິດ (syphilis) ແລະບາດແຜກາມມະໂລ

>ພະຍາດຕິດຕໍ່ທາງເພດສຳພັນ (ພຕພ): ຢາປິ່ນປົວ

 

>ພະຍາດຕິດຕໍ່ທາງເພດສຳພັນ (ພຕພ): ຢາປິ່ນປົວ

• ຢາຕ້ານເຊື້ອ
• ຢາຕ້ານເຊື້ອລາ
• ຢາຕ້ານເຊື້ອໄວຣັດສ
• ຢາສຳລັບໂລກຫອນໄກ່ (Genital Warts)
• ຢາປະສົມທີ່ໃຊ້ຮັກສາໂລກໜອງໃນແທ້ ແລະໜອງໃນທຽມ
• ຢາປະສົມທີ່ໃຊ້ເພື່ອຮັກສາການຕິດເຊື້ອໃນກະດູກອ່າງຊາມ
• ຢາປະສົມທີ່ໃຊ້ເພື່ອຮັກສາທັງພະຍາດຊີຟີລິດ (syphilis) ແລະບາດແຜກາມມະໂລ

ມັນເປັນການຍາກທີ່ຈະບອກເຖິງຄວາມແຕກຕ່າງລະຫວ່າງບາດແຜຂອງກາມມະໂລກ ແລະຊີຟີລິດສ໌. ຖ້າວ່າເຈົ້າບໍ່ແນ່ໃຈວ່າຄົນເຈັບຜູ້ນັ້ນເປັນໂລກໃດໂລກໜຶ່ງ ຫຼືເປັນທັງສອງໂລກ, ມັນເປັນການດີທີ່ຈະຮັກສາທັວສອງໂລກໃນເວລາດຽວກັນ. ໃຫ້ເລືອກຢາ 1 ຊະນິດຈາກໝວດຢາລຸ່ມນີ້. ແຕ່ລະໝວດຢາ, ທາງເລືອກທີ່ດີທີ່ສຸດແມ່ນຖືກຈັດໄວ້ອັນດັບທີ່ 1 ແລະ ຮອງລົງມາຕາມລຳດັບ. ຕົວຢ່າງ, ຢາປະສົມທີ່ດີທີ່ສຸດຂອງໝວດຢາຕ່າງໆລຸ່ມນີ້ແມ່ນ benzathine penicillin ແລະ azithromycin. ຖ້າວ່າໃຊ້ ຢາ erythromycin ຮັກສາໂລກ ຊີຟີລິດສ໌, ບໍ່ໃຫ້ໃຊ້ຢາ azithromycin ຫຼື erythromycin ເພື່ອສຳລັບຮັກສາໂລກບາດແຜກາມມະໂລກ.

ຢາທີ່ໃຊ້ຮັກສາພະຍາດຊີຟີລິດສ໌ (syphilis). ໃຫ້ໃຊ້ພຽງແຕ່ຊະນິດດຽວ.	ປະລິມານຢາ	ວິທີການໃຊ້ຢາ
ຢາ benzathine penicillin (ສາມາດໃຊ້ເມື່ອຖືພາ)	2.4 ລ້ານ ຢູນິດ Units	ສັກໃສ່ກ້າມຊີ້ນພຽງແຕ່ຄັ້ງດຽວ
ຫຼື ຢາ doxycycline (ບໍ່ໃຫ້ໃຊ້ຢາ doxycycline ຖ້າເຈົ້າຖືພາ ຫຼື ຫຼີກເວັ້ນການໃຊ້ຢາຊະນິດນີ້ເມື່ອໃຫ້ນົມລູກ)	100 ມກ	ກິນເອົາ 2 ຄັ້ງຕໍ່ມື້ ເປັນເວລາ 14 ມື້.
ຫຼື ຢາ erythromycin (ພຽງແຕ່ໃຊ້ຢາຊະນິດນີ້ຖ້າເຈົ້າຖືພາ ຫຼື ເມື່ອໃຫ້ນົມລູກ ແລະແພ້ຢາ penicillin. ຢາຊະນິດນີ້ຈະສາມາດຮັກສາຊີຟີລິດສ໌ໃນແມ່, ແຕ່ຫຼັງຈາກເກີດລູກ, ເດັກນ້ອຍຈະຕ້ອງໄດ້ຮັບການປິນປົວຕື່ມ)	500 ມກ	ກິນເອົາ 4 ຄັ້ງຕໍ່ມື້ ເປັນເວລາ 15 ມື້.
ແລະ
ຢາທີ່ໃຊ້ຮັກສາບາດແຜກາມມະໂລກ. ໃຫ້ໃຊ້ພຽງແຕ່ຊະນິດດຽວ.	ປະລິມານຢາ	ວິທີການໃຊ້ຢາ
ຢາ azithromycin	1 ກຼາມ (1000 ມກ)	ກິນເອົາພຽງແຕ່ຄັ້ງດຽວ
ຫຼື ຢາ ceftriaxone	250 ມກ	ສັກໃສ່ກ້າມຊີ້ນພຽງແຕ່ຄັ້ງດຽວ
ຫຼື ciprofloxacin (ບໍ່ໃຫ້ໃຊ້ກັບແມ່ຍິງຖືພາ ຫຼືໃຫ້ນົມລູກ ຫຼືອາຍຸຕ່ຳກວ່າ16)	500 ມກ	ກິນເອົາ 2 ຄັ້ງຕໍ່ມື້ ເປັນເວລາ 3 ມື້.
ຫຼື ຢາ erythromycin	500 ມກ	ກິນເອົາ 4 ຄັ້ງຕໍ່ມື້ ເປັນເວລາ 7 ມື້.

This page was updated: ໐໕ ມັງກອນ ໒໐໒໔