Hesperian Health Guides
ຊຸມຊົນປ້ອງກັນການເຈັບປ່ວຍຈາກຍຸງ
ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ໄຂ້ມາລາເລຍ, ໄຂ້ເລືອດອອກ, ແລະໂລກໄພໄຂ້ເຈັບອື່ນໆທີ່ເກີດຈາກຍຸງ > ຊຸມຊົນປ້ອງກັນການເຈັບປ່ວຍຈາກຍຸງ
ພະນັກງານສາທາລະນະສຸກໃນຊຸມຊົນ ຫຼື ກຸ່ມຊຸມຊົນສາມາດຊ່ວຍເຫຼືອບ້ານໃກ້ເຮືອນຄຽງໃນການດູແລ ຮັກສາສວນ ແລະ ບ້ານຂອງເຂົາເຈົ້າໂດຍບໍ່ໃຫ້ມີນໍ້າຂັງທີ່ບໍ່ມີການເໜັງຕີງ ເພື່ອປ້ອງກັນຍຸງມາເພາະພັນ ແລະການຕິດເຊື້ອສູ່ຄົນອື່ນໆໃນຊຸມຊົນ. ມີຜູ້ສູງອາຍຸ, ຄົນພິການ, ຫຼື ຄອບຄົວທີ່ບໍ່ມີເງິນພຽງພໍ ທີ່ຕ້ອງການ ຄວາມຊ່ວຍເຫຼືອບໍ? ຫົວໜ້າທີມຊາວໜຸ່ມ ຫຼືຜູ້ໃຫ່ຍສາມາດຊ່ວຍສັງເກດເຮືອນ, ສ້າງ ຫຼືສ້ອມແປງຕາໜ່າງກັນຍຸງ, ແລະ ປິດພາຊະນະເກັບນໍ້າໃຫ້ແໜ້ນໜາ. ໃຫ້ເດັກນ້ອຍມີສ່ວນຮ່ວມໃນການຮຽນຮູ້ທຳມະຊາດ ແລະ ວິທະຍາສາດ. ພະຍາຍາມໃຫ້ຊຸມຊົນມີການອະນາໄມທຳຄວາມສະອາດ ເປົ້າໝາຍຄືໃຫ້ເຂົາເຈົ້າມີພື້ນ ທີ່ຫວ່າງໂດຍປາສະຈາກຂີ້ເຫຍື້ອ ແລະພາຊະນະທີ່ເກັບສະສົມນໍ້າ. ພາຊະນະສາມາດ ຂວໍ້າໄດ້, ປິດໃຫ້ ແໜ້ນໜາ, ຫຼື ເກັບຖິ້ມໄດ້.
ວີທີອື່ນທີ່ຜູ້ນຳຊຸມຊົນສາມາດຊ່ວຍໄດ້:
- ປັບປຸງສະພາບແວດລ້ອມບ່ອນຢູ່ອາໃສ: ສ້າງລະບົບນໍ້າໂດຍໃຊ້ທໍ່, ຈັດການຂີ້ເຫຍື້ອ ແລະ ນໍ້າເສຍ, ອອກແບບຫຼັງຄາຊຸມຊົນເພື່ອປ້ອງກັນການມີບວກນໍ້າ, ແລະ ກວດກາເບິ່ງຫ້ອງສ້ວມ ຫຼື ລະບົບສຸຂະ ອະນາໄມສາມາດປັບປຸງໄດ້ຫຼືບໍ.
- ໃຫ້ການປິ່ນປົວຮັກສາມາລາເຣຍງ່າຍຂຶ້ນ.
- ແຈກຢາຍມຸ້ງ ແລະ ຈັດກິດຈະກຳເພື່ອສ້ອມແປງຂຸມ ແລະດຳເນີນການບຳລຸງຮັກສາມຸ້ງຄືນໃໝ່.
- ເຮັດວຽກຮ່ວມກັນກັບໜ່ວຍງານດ້ານສາທາລະນະສຸກເພື່ອບໍລິຫານຈັດການຊຸມຊົນໃຫ້ປອດໄພ ໂດຍການມີໂຄງການການພົ່ນຄັວນເພື່ອຂ້າຍຸງ ຫຼື ແຜນງານການໃຊ້ຢາຂ້າແມງໄມ້.
ໃຫ້ທຸກຄົນມີສ່ວນຮ່ວມເພື່ອສ້າງຄວາມເຂົ້າໃຈໄດ້ວ່າຍຸງແຜ່ເຊື້ອພະຍາດໄດ້ດ້ວຍວິທີໃດ, ວິທີການຫຼີກ ເວັ້ນຍຸງກັດ, ແລະ ວິທີການຢຸດການເພາະພັນຂອງຍຸງ. ຢາງຕີນລົດເກົ່າເກັບມ້ຽນໄວ້ໃສ? ສົນທະນາກັບ ຜູ້ທີ່ໄດ້ຮັບຜົນກະທົບຈາກຍຸງ ໃນຊຸມຊົນຂອງທ່ານ ແລະວິທີການປ້ອງກັນຍຸງກັດ ແລະການເພາະພັນ ຂອງຍຸງ. ແມ່ຍິງ, ຜູ້ຊາຍ, ເດັກນ້ອຍ ແລະ ເດັກອ່ອນໄດ້ຮັບຜົນກະທົບແຕກຕ່າງກັນຫຼືບໍ? ຄິດຫາຜູ້ ທີ່ເຮັດວຽກ ຫຼື ໃຊ້ເວລາໃນບ່ອນທີ່ມີຍຸງ ຈຳນວນຫຼາຍ, ຕົວຢ່າງ:
- ບ່ອນທີ່ຄົນໄປຕັກນໍ້າ ຫຼື ຊັກເຄື່ອງນຸ່ງ,ໂດຍສະເພາະຖ້າ ວ່າຍັງມີແຫຼ່ງນໍ້າ ທີ່ບໍ່ມີການເໜັງຕິງ, ຫຼື ນໍ້າທີ່ເຫຼືອຕົກຄ້າງຈາກບວກ ຫຼື ໜອງນໍ້າ.
- ພື້ນທີ່ດິນ ຫຼື ພື້ນທີ່ບໍ່ແຮ່ບ່ອນທີ່ມີຂຸມ, ບໍ່ນ້ຳ, ຫຼື ຄູນ້ຳທີ່ເຕັມໄປດ້ວຍນໍ້າຝົນ
- ພາຍໃນ ແລະອ້ອມແອ້ມເຮືອນບ່ອນທີ່ແມ່ຍິງ ຫຼື ເດັກນ້ອຍໃຊ້ເວລາໝົດມື້, ແລະ ຍຸງລີ້ຢູ່ຕາມ ຝາກຳແພງ ແລະຢູ່ໃນເງົາມືດ.
- ຫ້ອງຮຽນທີ່ບໍ່ມີແຜ່ນຕາໜ່າງກັນຍຸງເພາະເປັນບ່ອນທີ່ເດັກນ້ອຍຍັງນັ່ງຮຽນໜັງສືຢູ່.
ກຳຈັດຍຸງ!
 |
 ຈຸດດຳເຫຼົ່ານີ້ແມ່ນໜອນນໍ້າທີ່ກາຍມາເປັນຍຸງ. ພວກເຮົາຕ້ອງປິດຝາຖັງເກັບນໍ້າ.
ສະມາຊິກໃນກອງພັນກາຍເປັນຜູ້ຊ່ຽວຊານກ່ຽວກັບວ່າຍຸງມີການເພາະພັນຂອງໃນທ້ອງຖິ່ນຄືແນວໃດ ແລະ ວິທີການຢຸດຢັ້ງມັນມີຄືແນວໃດ. |
ເພື່ອຕໍ່ສູ້ກັບໄຂ້ເລືອດອອກ ແລະ ພະຍາດອື່ນໆ, ກຸ່ມບ້ານໃກ້ເຮືອນຄຽງໃນບັນດາປະເທດອາເມຣິກາລາ ຕິນ ຕ່າງໆໄດ້ຈັດຕັ້ງກຸ່ມຊາວໜຸ່ມ ແລະ ກອງພັນເພື່ອສຸຂະພາບໄປຢ້ຽມຢາມຮອດເຮືອນແຕ່ລະຫຼັງ ແລະ ກຳຈັດບ່ອນທີ່ຍຸງເພາະພັນ. ຜູ້ເຂົ້າຮ່ວມຈະໄດ້ຄະແນນຈາກຮູບພາບທີ່ພວກເຂົາ ເຈົ້າຖ່າຍບ່ອນທີ່ມີ ຍຸງໄຂ່ໃສ່ ຫຼື ໜອນນໍ້າລີ້ຢູ່ ແລະຖ່າຍຮູບອີກເທື່ອໜຶ່ງເວລາທີ່ເຂົາເຈົ້າແກ້ໄຂບັນຫາໄດ້ ເຊັ່ນວ່າ: ປິດທັງນໍ້າມັນທີ່ນໍາມາ ໃຊ້ເກັບນໍ້າ ເພື່ອບໍ່ໃຫ້ຍຸງສາມາດເຂົ້າໄປໃນ ຫຼື ຂວໍ້າຖັງເພື່ອບໍ່ໃຫ້ມີນໍ້າສະສົມຢູ່. ໂດຍການເພີ່ມຮູບຖ່າຍ ໄວ້ໃນໜ້າເວັບໄຊທີ່ມີແຜນທີ່ຂອງຊຸມຊົນ, ເຊິ່ງທຸກຄົນສາມາດເຫັນໄດ້ ຄວາມຄືບໜ້າ ແລະ ບ່ອນອື່ນໆ ທີ່ຕ້ອງໄດ້ໄປຢ້ຽມຢາມ. ເຂົາເຈົ້າເອີ້ນໜ້າເວັບໄຊວ່າກຸ່ມສົນທະນາ ໄຂ້ເລືອດອອກ (DengueChat) ແລະ ເຂົາເຈົ້າໃຊ້ມືຖືເພື່ອລົງຮູບພາບ ແລະ ເພື່ອເປັນແຮງກະຕຸ້ນ ຈູງໃຈເຊິ່ງກັນ ແລະກັນໂດຍການຂຽນຂໍ້ຄວາມ.
ກຸ່ມສະມາຊິກກອງພັນເພື່ອສຸຂະພາບຈະນຳໂຕຢ່າງນໍ້າ ແລະ ມາກວດສອບເບິ່ງໜອນນໍ້າຂອງຍຸງ. ເຂົາເຈົ້າສາມາດສະແດງໃຫ້ຄອບຄົວເຫັນເຖິງວິທີການຕ່າງໆ:
- ນໍ້າໂດຍມີຝາປິດຕະຫຼອດເວລາເພື່ອປ້ອງກັນການວາງໄຂ່ ແລະ ຍຸງໂຕໃໝ່ຈາກການບິນໜີໄປກັດຄົນອື່ນໆ.
- ຂັດຖູພາຊະນະໜຶ່ງເທື່ອຕໍ່ອາທິດເພື່ອປ້ອງກັນການຝັກໂຕຂອງໄຂ່.