ບັນຫາສຸຂະພາບຕ່າງໆຂອງເດັກເກີດໃໝ່

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ​​ແອນ້ອຍ​ເກີດ​ໃໝ່ ​ແລະ ການ​ລ້ຽງ​ລູກ​ດ້ວຍ​ນົມ​ແມ່ > ບັນຫາສຸຂະພາບຕ່າງໆຂອງເດັກເກີດໃໝ່

ຢູ່ໃນພາກນີ້:

 

ຢູ່ໃນພາກນີ້:

ເດັກນ້ອຍທີ່ມີສຸຂະພາບດີແມ່ນເດັກທີ່ຫາຍໃຈໄດ້ສະດວກດີໂດຍບໍ່ມີບັນຫາຫຍັງ. ຄວນຈະໃຫ້ນົມແອນ້ອຍທຸກໆ 2 ຫາ 4 ຊົ່ວໂມງ ແລະເມື່ອເວລາເດັກຕື່ນຍ້ອນຫິວ ຫຼືປຽກຊຸ່ມ. ຜິວຂອງເດັກຄວນຈະລະອຽດ ຫຼືມີພຽງແຕ່ຕຸ່ມມຸ່ນມ່ານໜ້ອຍດຽວເທົ່ານັ້ນໃນເວລາໜຶ່ງຫາສອງມື້. ຖ້າແອນ້ອຍຜູ້ໃດບໍ່ມີຕາມທີ່ໄດ້ກ່າວມາແລ້ວນັ້ນແມ່ນເດັກອາດຈະມີບັນຫາ ແລະຄວນໃຫ້ຂໍຄວາມຊ່ວຍເຫຼືອຈາກແພດທັນທີ.

ພະຍາດທີ່ໃຊ້ເວລາເປັນຫຼາຍໆມື້ ຫຼືຫຼາຍໆອາທິດຈິ່ງເຮັດໃຫ້ຜູ້ໃຫຍ່ເສຍຊີວິດໄດ້ນັ້ນສາມາດເຮັດເດັກເສຍຊີວິດໄດ້ໃນເວລາບໍ່ເທົ່າໃດຊົ່ວໂມງ.

ການຕິດເຊື້ອ

ການຕິດເຊື້ອໃນເດັກທີ່ເກີດໃໝ່ແມ່ນເປັນອັນຕະລາຍຫຼາຍ ແລະຕ້ອງການປິ່ນປົວດ້ວຍຢາຕ້ານເຊື້ອທັນທີທັນໃດ. ບໍ່ຂຶ້ນກັບວ່າເຈົ້າຈະຢູ່ຫ່າງໄກຈາກສຸກສາລາ ແລະມີຢາຊະນິດໃດກໍ່ຕາມ, ເຈົ້າຄວນຈະຫາຄວາມຊ່ວຍເຫຼືອທັນທີທັນໃດ ຫຼືໃຫ້ຢາປິ່ນປົວເລີຍ ເຖິງແມ່ນວ່າມັນແມ່ນວິທີດຽວກໍ່ຕາມ.

ໜ້າເອິກລຸບລົງ

ດັງເປີດ

ສັນຍານອັນຕະລາຍ

• ຫາຍໃຈໄວ: ຫຼາຍກວ່າ 60 ເທື່ອຕໍ່ນາທີໃນຂະນະທີ່ນອນ ຫຼືພັກຜ່ອນ.
• ຫາຍໃຈຍຍາກ: ໜ້າເອິກລຸບລົງ, ຫາຍໃຈມີສຽງຄາງ, ປີງດັງຕີງ, ໃນເວລານອນຫຼັບ ຫຼືພັກຜ່ອນ.
• ໄຂ້, ສູງກວ່າ 37.5º C, ຫຼື ອຸນຫະພູມຕໍ່າ ຕໍ່າກວ່າ 35.5º C.
• ມີຜື່ນສີວ ຫຼືຕຸ່ມໂພງຫຼາຍ. (ຜື່ນນ້ອຍໆແມ່ນທໍາມະດາ.)
• ບໍ່ກິນນົມ.
• ບໍ່ຢາກຕື່ນ, ຫຼືເບິ່ງຄືວ່າບໍ່ມີປະຕິກິລິຍາໂຕ້ຕອບ.
• ຊັກ: ໝົດສະຕິ ແລະກະຕຸກ.

ອາການໃດໜຶ່ງທີ່ກ່າວມາຂ້າງເທິງນີ້ແມ່ນໝາຍຄວາມວ່າເດັກຕ້ອງໄດຮັບການປິ່ນປົວ.

ຖ້າວ່າເດັກມີສັນຍານອັນຕະລາຍອັນໃດໜຶ່ງທີ່ກ່າວມາຂ້າງເທິງນັ້ນແມ່ນເດັກມີ ການຕິດເຊື້ອ. ຖ້າວ່າເດັກມີສັນຍາອັນຕະລາຍຫຼາຍກວ່າໜຶ່ງອັນ, ຍິ່ງສາມາດສະແດງໃຫ້ເຫັນວ່າເດັກຢູ່ໃນອັນຕະລາຍຫຼາຍຂຶ້ນ ແລະ ຕ້ອງໃຫ້ຢາຕ້ານເຊື້ອທັນທີ. ຖ້າມີພຽງແຕ່ອາການດຽວ, ແຕ່ວ່າມັນບໍ່ດີຂຶ້ນໄວແມ່ນເດັກຕ້ອງການການປິ່ນປົວ.

ຖ້າວ່າແມ່ມີໄຂ້ໃນເວລາເກີດລູກ, ໃຫ້ດູແລແມ່ເປັນພິເສດເພື່ອສັງເກດເບິ່ງສັນຍານອັນຕະລາຍໃນເດັກ. ເຊັ່ນດຽວກັນກັບເດັກທີ່ຂີ້ໃສ່ມົດລູກເພາະວ່າບາງເທື່ອເດັກສາມາດຫາຍໃຈເອົາຂີ້ ຂອງຕົນເອງໄດ້ໃນເວລາເກີດ. (ຢູ່ໃນນໍ້າເມືອກຈະເຫັນກ້ອນຂີ້ສີນໍ້າຕານ ຫຼື ສີຂຽວ. ຫຼື ຢູ່ຕາມຜິວຂອງເດັກຈະມີສີເຫຼືອງຕິດຢູ່ເວລາເກີດ). ນີ້ສາມາດເຮັດໃຫ້ຕິດເຊື້ອໃນປອດໃນສອງສາມມື້ທໍາອິດຫຼັງຈາກເກີດ, ສະນັ້ນຕ້ອງປິ່ນປົວຢ່າງໄວວາເມື່ອພົບສັນຍານອັນຕະລາຍດັ່ງທີ່ກ່າວມານັ້ນ.

ການປິ່ນປົວ

ຖ້າວ່າເຈົ້າສົງໃສວ່າເດັກມີການຕິດເຊື້ອ ແຕ່ວ່າບໍ່ຮຸນແຮງ, ແມ່ນໃຫ້ຢາ ຢາອັມປີຊີລິນ (ampicillin) ແລະອາມ໊ອກຊີຊີລິນ (amoxicillin), ແຕ່ວ່າສຳລັບການຕິດເຊື້ອຂັ້ນຮຸນແຮງແມ່ນໃຫ້ສັກຢາອັມປີຊີລິນ (ampicillin) ແລະຢາ ເຈັນທາໄມຊີນ (gentamicin) ທັນທີ ແລະໃຫ້ຂໍຄວາມຊ່ວຍເຫຼືອນຳແພດໝໍ. ໃຫ້ຂະໜາດຢາທີ່ຖືກຕ້ອງແມ່ນຂື້ນກັບນ້ຳໜັກຂອງເດັກແຕ່ລະຄົນ.

ຕາມທໍາມະດາແລ້ວເດັກຄວນຈະມີອາການດີຂຶ້ນພາຍໃນສອງມື້. ຖ້າວ່າອາການຂອງພວກເຂົາຍັງບໍ່ດີຂຶ້ນແມ່ນໃຫ້ປ່ຽນຢາຕ້ານເຊື້ອ ຊະນິດອື່ນເພື່ອຮັກສາຊີວິດຂອງພວກເຂົາ.

ຢາຕ້ານເຊື້ອຊະນິດເມັດສາມາດນຳໄປບົດໃຫ້ມຸ່ນ ແລະປະສົມກັບນົມໃຫ້ເດັກກິນໄດ້, ແຕ່ວ່າຢາຕ້ານເຊື້ອບາງຊະນິດຕ້ອງໄດ້ສັກເອົາ. ມັນສາມາດສັກໃສ່ກ້າມຂີ້ນກົກຂາເດັກ. ບົດທີ່ເວົ້າກ່ຽວກັບຢາ, ການກວດ ແລະການປິ່ນປົວ (ກຳລັງຂຽນຂຶ້ນຢູ) ແມ່ນອະທິບາຍກ່ຽວກັບວ່າຈະສັກຢາໃຫ້ປອດໄພຄືແນວໃດ.

ຖ້າວ່າແມ່ມີໄຂ້ໃນເວລາເກີດລູກ, ໃຫ້ດູແລແມ່ເປັນພິເສດເພື່ອສັງເກດເບິ່ງສັນຍານອັນຕະລາຍໃນເດັກ. ເຊັ່ນດຽວກັນກັບເດັກທີ່ຂີ້ແຕ່ຢູ່ໃນທ້ອງແມ່ບາງເທື່ອເດັກສາມາດຫາຍໃຈເອົາຂີ້ຂອງຕົນເອງໄດ້ໃນເວລາເກີດ. (ຢູ່ໃນນໍ້າຄາວປາຈະເຫັນກ້ອນຂີ້ສີນໍ້າຕານ ຫຼືສີຂຽວ. ຫຼື ຢູ່ຕາມຜິວຂອງເດັກຈະມີສີເຫຼືອງຕິດຢູ່ເວລາເກີດ). ນີ້ສາມາດເປັນສາເຫດເຮັດໃຫ້ຕິດເຊື້ອໃນປອດໃນສອງສາມມື້ທໍາອິດຫຼັງຈາກເກີດ, ສະນັ້ນຕ້ອງປິ່ນປົວຢ່າງໄວວາເມື່ອພົບສັນຍານທຳອິດຂອງການຕິດເຊື້ອ.

ການຮ້ອງ​ໄຫ້

ໃຫ້ຂ້ອຍດູແລລູກເອງ ເມື່ອເວລາເຈົ້າພັກຜ່ອນ.

ເດັກບາງຄົນອາດຈະໄຫ້ຫຼາຍກວ່າເດັກບາງຄົນ. ມັນອາດຈະເປັນເລື່ອງທໍາມະດາສໍາລັບເດັກທີ່ມີສຸຂະພາບແຂງແຮງ. ໃຫ້ກວດເບິ່ງການຫາຍໃຈຂອງລາວວ່າເປັນປົກກະຕິບໍເວລາເດັກບໍ່ໄຫ້.

ຖ້າວ່າເດັກມີອາການເຈັບທ້ອງແມ່ນລາວຈະໄຫ້ຫຼາຍໃນຕອນກາງຄືນ. ມັນຄວນຈະດີຂຶ້ນພາຍໃນເວລາ 3 ເດືອນທໍາອິດ. ມັນຈະເຮັດໃຫ້ຄອບຄົວມີຄວາມຍຸ້ງຍາກ. ໃຫ້ໃຈດີກັບແມ່ ແລະໃຫ້ແນ່ໃຈວ່າພວກເຂົາໄດ້ພັກຜ່ອນ ແລະຄວາມຊ່ວຍເຫຼືອໃນເວລາພວກເຂົາຕ້ອງການ.

ຖ້າເດັກນ້ອຍໄຫ້ເກືອບໝົດມື້ ແລະເຂົາຍັງບໍ່ກິນອີກ, ມີໄຂ້, ຫຼືມີບັນຫາໃນການຫາຍໃຈນັ້ນອາດແມ່ນສັນຍານຂອງການຕິດເຊື້ອ.

ການຮາກ

ແອນ້ອຍເອື້ອມນໍ້ານົມອອກ. ບາງຄັ້ງແມ່ນເອື້ອມອອກຫຼາຍຈາກປາກ ຫຼື ດັງ. ການເອື້ອມນໍ້ານົມແມ່ ບໍ່ມີບັນຫາຫຍັງຫຼາຍຖ້າວ່າເດັກຍັງມີນໍ້າໜັກຂຶ້ນ. ພະຍາຍາມອຸ້ມແອນ້ອຍຕັ້ງຂຶ້ນຫຼັງຈາກປ້ອນນົມແລ້ວ. ແອນ້ອຍຈະຮາກອອກມາຖ້າວ່າຮ່າງກາຍບໍ່ຮັບເອົານໍ້ານົມແລ້ວ.

ສັນຍານອັນຕະລາຍ

• ຮາກຕະຫຼອດ ຫຼື ຈົນບໍ່ສາມາດຮັກສາອາຫານໃດໆໄວ້ໃນທ້ອງໄດ້
• ຮາກເປັນເລືອດ
• ມີອາການຂາດນໍ້າ

ອຸ້ມເດັກນ້ອຍພາດໃສ່ບ່າ ຫຼືໃສ່ເທິງຕັກແລ້ວລູບຫຼັງເບົາໆຫຼັງຈາກເດັກກິນນົມແລ້ວ. ນີ້ຈະສາມາດເຮັດໃຫ້ອາກາດອອກມາ ຈະເຮັດໃຫ້ເດັກບໍ່ຮາກເມື່ອກີນນົມ.

ການຂາດນໍ້າ (ບໍ່ມີນໍ້າພຽງພໍໃນຮ່າງກາຍ)

ເດັກນ້ອຍຈະຂາດນໍ້າໄດ້ງ່າຍດາຍ ແລະການຂາດນໍ້າໃນເດັກແມ່ນເປັນອັນຕະລາຍຫຼາຍ.

ສາເຫດຕ່າງໆ ພະຍາດຖອກທ້ອງ ການຮາກ ປ້ອນນົມໜ້ອຍກວ່າທຸກໆ 2 ຫາ 4 ຊົ່ວໂມງ. ກິນ ຫຼືດື່ມນໍ້າອື່ນໆທີ່ບໍ່ແມ່ນນໍ້ານົມແມ່ (ອາຫານສໍາລັບເດັກ, ເຂົ້າປຽກເຂົ້າ, ຫຼືນໍ້າ) ອາກາດຮ້ອນ

ອາການ ຍ່ຽວໜ້ອຍ, ຫຼືມີສີເຂັ້ມ, ຍ່ຽວມີກິ່ນແຮງ ປາກ ແລະລີ້ນແຫ້ງ ຜິວໜັງຈືດ ຫຼືຕາບໍ່ສົດໃສ

ຂາດນໍ້າຮຸນແຮງສາມາດເປັນສາເຫດເຮັດໃຫ້ຕາໂກນ, ຂະໝ່ອມລຸບລົງ, ນໍ້າໜັກຫຼຸດ, ແລະເສຍສະຕິ.

ການປິ່ນປົວ

ເມື່ອເຫັນອາການຂາດນໍ້າ, ຫຼືຖ້າວ່າເດັກຖອກທ້ອງ ຫຼືຮາກ, ແມ່ນໃຫ້ເດັກກິນນົມເລື້ອຍຂຶ້ນ, ຈົນກວ່າເດັກຈະດື່ມນົມດີ. ໃຫ້ປຸກເດັກນ້ອຍທຸກໆສອງຊົ່ວໂມງເພື່ອກິນນົມ. ທ່ານສາມາດເອົານໍ້າເກືອແຮ່ໃຫ້ເດັກນ້ອຍດື່ມກໍ່ໄດ້ ໂດຍປະສົມນໍ້າ, ເກືອ ແລະນໍ້າຕານໜ້ອຍໜຶ່ງ. ໃຫ້ນໍ້າເກືອແຮ່ດື່ມຫຼັງຈາກການປ້ອນນົມແມ່. ກໍລະນີທີ່ແມ່ໃຫ້ນົມລູກກິນຢູ່ເລື້ອຍໆ ແຕ່ແມ່ມີນ້ຳນົມໃຫ້ລູກກິນໄດ້ພຽງພໍແມ່ນມີໜ້ອຍຫຼາຍ.

ຖ້າການຂາດນໍ້າໃນເດັກຍັງບໍ່ດີຂື້ນພາຍໃນສອງສາມຊົ່ວໂມງ, ໃຫ້ໄປຮັບການສົ່ງສານນໍ້າຈາກແພດໝໍ.

ຜື່ນແດງ

ເເດັກທີ່ເກີດໃໝ່ອາດຈະເປັນຕຸ່ມຜື່ນ, ຈຸດດ່າງ, ແລະມີສີຜິວທີ່ແຕກຕ່າງກັນແຕ່ມັນບໍ່ເປັນອັນຕະລາຍ ແລະມັນຈະຫາຍໄປເອງ. ຜື່ນໃນກົ້ນຂອງເດັກແມ່ນມີສາເຫດມາຈາກຜີວໜັງປຽກຍ້ອນນໍ້າຍ່ຽວ ຫຼືຂີ້ຂອງເດັກ. ໃຫ້ທໍາຄວາມສະອາດບ່ອນທີ່ເປັນຜື່ນນັ້ນຢູ່ເປັນປະຈໍາ. ໃຫ້ປ່ຽນຜ້າອ້ອມ ແລະເຄື່ອງໃຫ້ເດັກທັນທີ່ທີ່ມັນປຽກ ຫຼືເປື້ອນ. ສໍາລັບເດັກທີ່ໃຫຍ່ແດ່ ແລະມື້ທີ່ມີອາກາດຮ້ອນແມ່ນບໍ່ໃສ່ຜ້າອ້ອມໃຫ້ເດັກກໍ່ໄດ້ເພື່ອໃຫ້ບ່ອນທີ່ເປັນຜື່ນນັ້ນແຫ້ງ. ໃຫ້ໃຊ້ຄຼີມ Zinc oxide ທາກໍ່ອາດຈະຊ່ວຍໄດ້ເຊັ່ນກັນ. ຖ້າວ່າມັນບໍ່ເຊົາພາຍໃນສອງສາມມື້ແມ່ນມັນການອາດຈະຕິດເຊື້ອລາ, ຄືແນວນີ້ແມ່ນໃຫ້ໃຊ້ຢາ ນິດສເຕຕີນຄຣີມ (nystatin).

ຖ້າວ່າເດັກມີຕຸ່ມໂພງ ຫຼື ວ່າມີສີວຫຼາຍໂດຍສະເພາະແມ່ນເບິ່ງເດັກຄືບໍ່ສະບາຍ ຫຼື ວ່າມີໄຂ້, ແມ່ນເດັກອາດຈະຕິດເຊື້ອ. ຖ້າພວກມັນບໍ່ດີ​ຂຶ້ນ, ຫຼື ອາການຕິດເຊື້ອຍິ່ງຮ້າຍແຮງຂຶ້ນແມ່ນໃຫ້ໃຊ້ ຢາຕ້ານເຊື້ອທີ່ມີ​ໃນ​ທີ່​ນີ້.

ຕົວເຫຼືອງ

ເດັກທີ່ມີຜີວໝັງ ແລະ ຕາເຫຼືອງແມ່ນເດັກທີ່ເປັນພະຍາດໝາກເຫຼືອງ. ສໍາລັບເດັກທີ່ມີຜິວສີດໍາແມ່ນໃຫ້ສັງເກດ ເບິ່ງຕາຂອງເດັກເອົາ. ພະຍາດໝາກເຫຼືອງທີ່ເກີດຂຶ້ນໃນລະຫວ່າງມື້ທີ່ສອງ ແລະ ມື້ທີ່ຫ້າຫຼັງຈາກເກີດມາແມ່ນບໍ່ມີອັນຕະລາຍ ຫຍັງ. ວິທີການຮັກສາທີ່ດີທີ່ສຸດແມ່ນການໃຫ້ນົມແມ່ເລື້ອຍໆມັນຈະຊ່ວຍໃຫ້ຊະລ້າງສານເຄມີທີ່ມີຢູ່ໃນໂຕເດັກ ​ແລະ ເຮັດ ໃຫ້ໂຕເດັກເປັນສີເຫຼືອງນັ້ນອອກໄປ. ປຸກໃຫ້ເດັກຕື່ນມາກິນນົມທຸກໆສອງຊົ່ວໂມງ. ແສງແດດກໍ່ສາມາດຊ່ວຍໄດ້ເຊັ່ນກັນ. ສະນັ້ນເຮົາສາມາດອຸ້ມແອນ້ອຍ (ບໍ່ຕ້ອງໃສ່ເຄື່ອງໃຫ້ເຂົາ) ໄປຕາກແດດອ່ອນໆປະມານ 15 ນາທີ ຫຼື ຫຼາຍ​ກວ່າ​ນັ້ນ​ກໍ່​ໄດ້ ​ໃຫ້​ເຮັດ​ເຊັ່ນ​ນີ້ໜຶ່ງຫາສອງເທື່ອຕໍ່ມື້.

ສັນຍານອັນຕະລາຍ

• ອາການເຫຼືອງທີ່ເກີດຂຶ້ນໄດ້ພາຍໃນ 24 ຊົ່ວໂມງເມື່ອເດັກເກີດ.
• ອາການເຫຼືອງທີ່ເກີດຕາມຫຼັງແຕ່ເກີດທົ່ວຕົນຕົວ.
• ເດັກທີ່ເຫຼືອງນັ້ນມີແຕ່ນອນ ແລະປຸກຕື່ນມາກິນນົມບໍ່ຕື່ນແມ່ນໃຫ້ໄປຂໍຄວາມຊ່ວຍເຫຼືອຈາກແພດເມື່ອເຫັນອາການເຫຼົ່ານີ້.

ໃຫ້ໄປຂໍຄວາມຊ່ວຍເຫຼືອຈາກ​ແພດເມື່ອເຫັນອາການເຫຼົ່ານີ້.

ຕາ

ຮູນໍ້າຕານ້ອຍໆທີ່ເປັນບ່ອນທີ່ນໍ້າຕາ ແລະນໍ້າເມືອກທີ່ໃຊ້ຫຼໍ່ລ້ຽງຕາໄຫຼອອກມາເກີດຕັນ ແລ້ວຈະເຮັດໃຫ້ເຄືອງຕາ ຫຼືຕາແຫ້ງ. ໃຫ້ທໍາຄວາມສະອາດມັນດ້ວຍນໍ້າຜ້າທີ່ຈຸ່ມນ້ຳອຸ່ນ ແລະແຕ່ລະຂ້າງແມ່ນໃຫ້ໃຊ້ຜ້າຄົນລະຜືນເພາະເຮັດວິທີນີ້ຈະສາມາດຊ່ວຍບໍ່ໃຫ້ຕາທີ່ຕິດເຊື້ອໄປຕິດໃສ່ຕາອີກເບື້ອງໜຶ່ງໄດ້.

ໜັງຕາເປັນສີແດງ, ໄຄ່ບວມເປັນໜອງຫຼັງຈາກເດັກນ້ອຍເກີດໄດ້ 5 ມື້ ແມ່ນຕາເດັກນ້ອຍຕິດເຊື້ອພະຍາດໜອງໃນແທ້ ຫຼືໜອງໄນທຽມ ໃຫ້ເດັກນ້ອຍກິນ ຢາເອຣີໂທຣໄມຊິນ (erythromycin) ໂດຍການບົດປົນກັບນົມນ້ອຍໜຶ່ງ. ການປິ່ນປົວພະຍາດໜອງໃນແທ້ແມ່ນໃຫ້ສັກຢາ ເຊັຟໄທຣອາໂຊນ (ceftriaxone). ຖ້າເຈົ້າບໍ່ສາມາດກວດໄດ້ວ່າ ພະຍາດຫັຍງທີ່ເປັນສາເຫດຂອງການຕິດເຊື້ອ, ໃຫ້ໃຊ້ຢາປິ່ນປົວພະຍາດທັງສອງຢ່າງ. ພໍ່ ແລະແມ່ຄວນຈະໄດ້ຮັບການປິ່ນປົວເຊື້ອພະຍາດໜອງໃນແທ້ ຫຼືໜອງໄນທຽມນຳກັນ. ເບິ່ງບັນຫາກ່ຽວກັບອະໄວຍະວະສືບພັນ ແລະ ການຕິດເຊື້ອ (ກຳລັງຂຽນຂຶ້ນຢູ່). ຖ້າວ່າຕາຕິດເຊື້ອບໍ່ດີຂຶ້ນພາຍໃນໜຶ່ງ ຫຼືສອງມື້, ທ່ານຕ້ອງໃຊ້ຢາຕ້ານເຊື້ອຊະນິດອື່ນອີກເພື່ອປ້ອງກັນຕາບອດ. ໃຫ້ໄປຂໍຄວາມຊ່ວຍເຫຼືອຈາກແພດໝໍ.

ຂະໝ່ອມ

ບ່ອນນຸ່ມໆຢູ່ເທິງຫົວຂອງເດັກແມ່ນຄວນຈະເປັນບ່ອນພຽງ. ຖ້າວ່າບ່ອນນັ້ນມັນລຸບ ຫຼື ບວມແມ່ນສັນຍານອັນຕະລາຍທີ່ສຸດ.

ບ່ອນນູນນຸ່ມໆຢູ່ເທິງຫົວຂອງເດັກແມ່ນຄວນຈະເປັນພຽງ. ຖ້າວ່າບ່ອນນັ້ນມັນລຸບ ຫຼືສວດແມ່ນສັນຍານອັນຕະລາຍທີ່ສຸດ.	ຂະໝ່ອມສວດຂຶ້ນແມ່ນອາການຂອງພະຍາດເຍື້ອຫຸ້ມສະໝອງອັກເສບ. ໃຫ້ໃຊ້ຢາຕ້ານເຊື້ອ.

ສາຍ​ບື

ຫຼັງຈາກຕັດສາຍບືແລ້ວ, ໃຫ້ປະຂວັ້ນສາຍບືໄວ້ໂດຍບໍ່ໃຫ້ເອົາຫຍັງປົກ. ບໍ່ໃຫ້ຜ້າອ້ອມ ແລະເສື້ອຜ້າຖືກສາຍບື. ຫຼີກເວັ້ນການຈັບບາຍ, ແຕ່ຖ້າທ່ານຈຳເປັນຕ້ອງໄດ້ຈັບມັນ, ກ່ອນອື່ນໃຫ້ລ້າງມືໃຫ້ສະອາດດ້ວຍສະບູ ແລະນໍ້າ. ຖ້າວ່າຂວັ້ນສາຍບືມັນເປື້ອນ ຫຼືປົກຫຸ້ມດ້ວຍເລືອດກ້າມ, ໃຫ້ທໍາຄວາມສະອາດດ້ວຍສະບູ ແລະນໍ້າ ແລະຜ້າທີ່ສະອາດທີ່ສຸດ.

ດູແລຮັກສາຂີ້ໄສ້ບືໃຫ້ດີ – ທ່ານຈະສາມາດບໍ່ໃຫ້ເກີດການຕິດເຊື້ອເຊັ່ນກັນ.

ຖ້າວ່າແມ່ໄດ້ປົກສາຍບືດ້ວຍຜ້າພັນບາດ ຫຼືເສື້ອຜ້າ, ຕ້ອງໃຫ້ແນ່ໃຈວ່າມັນສະອາດ ແລະບໍ່ແໜັນ ພ້ອມທັງໃຫ້ປ່ຽນມັນອອກສອງສາມຄັ້ງຄັ້ງຕໍ່ມື້.

ສາຍບືຄວນຈະແຫ້ງ ແລະລົ່ນອອກພາຍໃນໜຶ່ງອາທິດ.

ຖ້າວ່າບໍລິເວນອ້ອມໆສາຍບືກາຍເປັນສີແດງ ຫຼືຮ້ອນ, ມີກິ່ນເໝັນ, ຫຼືມີໜອງ, ແມ່ນມັນອາດເກີດການຕິດເຊື້ອ. ທໍາຄວາມສະອາດສາຍບືໃຫ້ດີ ແລ້ວ |ໃຫ້ຢາອາມ໊ອກຊີຊີລິນ.

ຖ້າເຫັນວ່າສີໜ້າເດັກນ້ອຍບໍ່ຄ່ອຍດີຄືຈະເຈັບປວດຫຼາຍ, ບໍ່ກິນນົມ, ຫຼື ເບິ່ງຄືວ່າເດັກໂຕແຂງ ພ້ອມກັບເຫັນບໍລິເວນຢູ່ອ້ອມໆສາຍບືເບິ່ງຄືວ່າຈະມີການຊຶມເຊື້ອ, ເດັກອາດຈະເປັນບາດພະຍັກ. ນີ້ເປັນເລື່ອງຮີບດ່ວນທີ່ຕ້ອງທໍາການປິ່ນປົວ.