Trichomonas

ຂໍ້ມູນສຸຂະພາບ > ປຶ້ມຢູ່ໄກແພດສະບັບປັບປຸງໃໝ່ > ​​ພະຍາດຕິດຕໍ່ທາງເພດສຳພັນ > Trichomonas

ຢູ່ໃນພາກນີ້:

 

ຢູ່ໃນພາກນີ້:

• ພະຍາດຕິດຕໍ່ທາງເພດສຳພັນ
• ຂ້າພະເຈົ້າມີການຕິດເຊື້ອທາງເພດສຳພັນບໍ?
• ການຕິດເຊື້ອພະຍາດໃນຊ່ອງຄອດ (BV)
• ການຕິດເຊື້ອລາ (Moniliasis, Candida, Thrush)
• Trichomonas
• ໜອງໃນແທ້ ແລະໜອງໃນທຽມ
• ການອັກເສບກະດູກອ່າງຊາມຍ້ອນການຕິດເຊື້ອ
• ຊີຟີລິດ ແລະ ແຜກາມມະໂລກ
• ເຮີ້ນ/ຕຸ່ມນ້ຳໃສ ຢູ່ອະໄວຍະວະເພດ
• ໂລກຫອນໄກ່
• ການຕິດເຊື້ອ ໄວຣັສ໌ Papilloma ໃນຄົນ (HPV)
• ພະຍາດຕັບອັກເສບ B ແລະ C
• ພະຍາດ HIV
• ຮູ້ສຶກດີຂຶ້ນຄືແນວໃດໃນຂະນະທີ່ທ່ານຫາຍຈາກການຕິດເຊື້ອທາງເພດສຳພັນ
• ການຖືພາ ແລະ ພະຍາດ ພຕພ
• ການປ້ອງກັນການຕິດເຊື້ອຈາກການມີເພດສຳພັນ
• ຢາປິ່ນປົວ

Trichomonas ແມ່ນການຕິດເຊື້ອທີ່ມີສາເຫດມາຈາກກາຝາກ. ສຳລັບຜູ້ຍິງ, ມັນແມ່ນຄວາມຮູ້ສຶກອຶດອັດ ແລະ ມີອາການຄັນຫຼາຍ. ປົກກະຕິຜູ້ຊາຍມັກຈະບໍ່ມີອາການສະແດງອອກ. ຖ້າວ່າການຕິດເຊື້ອຢູ່ໃນອະໄວຍະວະເພດຊາຍ, ມັນສາມາດແຜ່ເຊື້ອໄປສູ່ຜູ້ຍິງໃນລະຫວ່າງມີເພດສຳພັນໂດຍບໍ່ໃສ່ຖົງຢາງອານະໄມ.

Trichomonas ບໍ່ເປັນອັນຕະລາຍແຕ່ສາມາດເຮັດໃຫ້ຊ່ອງຄອດມີການລະຄາຍເຄືອງ, ເຊິ່ງເຮັດໃຫ້ແມ່ຍິງ ຕິດເຊື້ອ ພຕພ ອື່ນໆໄດ້ງ່າຍລວມທັງການຕິດເຊື້ອ HIV.

ອາການຕ່າງໆ

ລົງຂາວທີ່ມາຈາກຊ່ອງຄອດມີກິ່ນເໝັນເຊິ່ງມັກຈະແມ່ນການຕິດເຊື້ອ trichomonas.

• ລົງຂາວເປັນສີຂີ້ເທົ່າ, ສີເຫຼືອງ ຫຼື ສີຂຽວ
• ລົງຂາວມີກິ່ນເໝັນ
• ຊ່ອງຄອດແດງ ແລະ ມີອາການຄັນ
• ເຈັບ ຫຼື ແສບອອກຮ້ອນເວລາຍ່ຽວ

ການປິ່ນປົວ

ໃຊ້ກິນຢາ metronidazole ຫຼື ກິນຢາ tinidazole. ຜູ້ຍິງຖືພາບໍ່ຄວນໃຊ້ຢາ tinidazole.

ປິ່ນປົວຄູ່ນອນ ຫຼື ຄູ່ຮ່ວມເພດດ້ວຍຢາຊະນິດດຽວກັນ.

ເພື່ອເຮັດໃຫ້ຮູ້ສຶກມີອາການດີຂຶ້ນແມ່ນໃຫ້ນັ່ງແຊ່ໃນຊາມນໍ້າສະອາດ, ນໍ້າອຸ່ນເປັນເວລາ 15 ນາທີ ເຮັດເລື້ອຍໆເທົ່າ ທີ່ເຮັດໄດ້. ນີ້ແມ່ນການບັນເທົາຄວາມເຈັບປວດຢູ່ອະໄວຍະວະເພດ ແລະ ຈະຊ່ວຍ ເລັ່ງໃຫ້ບາດແຜຫາຍດີໄວຂຶ້ນ. ຫຼີກລ້ຽງການມີເພດສຳພັນຈົນກວ່າທ່ານແລະຄູ່ນອນຂອງທ່ານສຳເລັດ ການປິ່ນປົວຈົນຫາຍດີ ແລະ ອາການຕ່າງໆ ທັງໝົດຂາດຫາຍໄປ.

This page was updated: ໑໒ ມີຖຸນາ ໒໐໑໙